玻璃朱城

大阪之旅--美食篇 (大阪必食推介)

由玻璃朱城於 2011年10月19日發表人氣：14389

電郵給朋友

日本人說, 食在大阪. 大阪人對食十分之講究, 其實隨便走進一間餐廳味道亦十分好. 今次, 就介紹幾間大阪必食的店給大家...

吉鳥串燒居酒屋

大阪市淀川區東三國6-1-35 TEL: (06)6.63913060

位於御堂筋線東三國站附近已經有好幾間美食, 首先是這間"吉鳥"串燒, "吉鳥"有6間分店, 今次我們去這間. 這裡又平又好味, 最平只是HK$5一串啦...好抵食.

雞肝刺生 (大約HK$30.)

但最特別嘅, 是以下將會介紹的三樣美食. 當本人第一次見到, 簡直木定口呆. 日本朋友叫了一道菜, 當侍應放下一碟生雞肝, 我本還以為會有一個火爐給你自己燒. 但朋友跟我說這是剌生...吓...真是從來未試過. 在戰戰役役的情況下試第一口....嘩, 真是好正, 完全沒有內臟的腥味, 血味. 有食鵝肝的感覺. 配姒OLIVER OIL 同蒜蓉, 真係好好食啦...

雞腎刺生 (大約HK$30.)

試過美味的雞肝剌生, 本人即刻再問還有沒有其他, 之後再點了雞腎刺生. 嘩, 本人平時很愛吃雞腎, 熟就食得多, 生的真是未試過. 真是急不及待要試...它配以豉油及薑蓉...一口吃下去...嘩!!! 勁好味, 入口清爽, 口感一流. 又鮮甜, 有點像吃魚生的感覺...是本人的至愛.

雞肉刺生 (大約HK$30.)

之後, 再試他們的雞肉刺生, 感覺也很不錯. 肉貿"林"身, 味道略淡, 有點似食白身魚刺生的感覺, 絕對值得一試. 而"吉鳥"除了這三道特別名菜外, 串燒亦十分好味, 現在想起也流口水...刺生雞及內臟在香港真是沒有機會試到, 但在日本卻很普遍. 他們用的是自家養的走地雞, 亦不是全部也可以做刺生. 難得有機會當然要試...禽流感? 我個日本朋友由細食到大, 本人亦食過好幾次, 我們至今仍健健康康...無問題!

"SUSHI MARUYA"

大阪市淀川區東三國4-3-1 Tel:(06)63995111

又位於御堂筋線東三國站附近, 有一間壽司屋叫"MARUYA", 他在東三國附近有4間分店, 但都以不同形式經營. 像燒肉, 串燒等...但主要食刺生的便是這一間.

日文"HINESHIU" 即是鰭酒. 他用炸過的雞泡魚鰭, 放進熱SAKE內, 點火再焗15分鍾, 便可享用, 入口香濃, 正...

河豚刺生(FUGU) 及白子(SHINAKO) (大約HK$100)

大阪最出名食河豚, 一碟新鮮的河豚口感爽身, 肉質鮮甜. 香港的河豚刺生全是在日本已經劏好, 再運過來, 肉質已經變"林". 就算在東京, 也不及這裹佳. 來到大阪又怎可不一嚐此美食呢? 此裹的河豚入口爽甜, 正. 由有一部份是肉連皮, 更有口感. 而當日更難得有白子吃. 白子是河豚春, 又甜又滑, 不腥, 比鱈魚子好吃得多, 刺生更是珍品. 價錢, 更比香港平3倍.

海螺刺生(JIBUGAI) (大約HK$60)

左口魚邊剌身 (大約HK$60)

左口魚(HIRAME)又是口感一流的魚, 入口爽, 本人最愛它的邊, 因為又有魚油香又爽甜, 一定要試.

左口魚肝刺生 (大約HK$30)

又是難得一吃的特別刺生, 魚肝配以酸汁, 好味.

鮑魚刺生(AWABI) (大約HK$100)

香港食的鮑魚又硬又難入口, 但日本的卻是新鮮即劏, 入口比較爽身, 易入口. 價錢又平幾倍, 低!

毛蟹刺生(KANI)

針魚刺生 (大約HK$50)

針魚(SAYORI) 是本一喜愛的刺生之一, 又是入口爽, 十分鮮甜. 難得針魚生食熟食都好好味...

金目鲷刺生 (大約HK$60)

KINMEDAI是我最愛之魚生, 又有油香, 又甜又爽. 除刺生外, 可用火燒至兩成熟, 再灑點鹽去用壽司...好正啦....

油金魚腩刺生 (大約HK$30)

深海池魚(SHIAMAJI)刺生 (大約HK$60)

蠑螺刺生 (大約HK$40)

入口即溶的大拖羅壽司(OTORO) (約HK$36一客兩件)

好好味的蜆仔黑麵豉湯...

"肉匠紋次郎"

大阪市淀川區東三國4-14-2 Tel:(06)6394-2941

位於"sushimaruya"同一條街, 有一間專吃A5高級黑毛和牛的料理, 有燒肉同火鍋供選擇. 日本牛出名雪花油份多, 當然選擇燒會好味點.

本人首推他的牛肉刺生, 好抵食, 又好味, 必食. (約港幣$130)

生牛肉壽司(約HK$80)

燒牛脷

多款不同部位的牛肉, 任君選擇.

真的回味無窮.

"浜藤"河豚專門店

大阪市中央區日本橋1-21-8 TEL:(06)66444832

去得大阪, 又怎可以不吃河豚呢? 河豚乃關西名菜, 東京也不及這裡好吃. 其實新鮮的河豚一定要即劏即食才正, 肉質鮮甜爽口. 若放久了肉質便會"林"身. 味亦不夠鮮. 之前本人曾去過一些在遊客區的河豚專門店, 味道不外如事. 之後試到這間位於"黑門市場"的"浜藤", 才知為什麼蘇東波就河豚乃世上第一大美食.