大仁生活

由大仁生活於 2015年04月16日發表人氣：491

電郵給朋友

我真的很大鄉里, 原來今時今日的家用電腦Size還較一包出前一丁細呀!!?

半個月前, 電腦壞了! 每次只能用安全模式進入, 連續3部電腦也只有約5年壽命, 似被人內置了一個倒數計時器操控一樣.

我對上一部電腦還是IBM, (咸豐年前), 不過剛剛的一台壞機, 則是旺電砌機, 比較過後, 今次還是買牌子機好少少, 有師傳上門保養, 又有查詢熱線, 又可以信用卡付款.

我本來一心想買Lenovo, 店員話:「你平用電腦做咩多? (寫Blog, 寫Facebook囉...), 你會唔會想慳啲位, E部實夠你用」(吓?? 乜E家啲電腦仲細過部Modem??)

店員:「你又唔打機, E部好啱你用架...雖然無DVD, 但平過Lenovo兩百蚊, 仲有3年上門保養, (咁細部得唔得架?) 外國興咗好多年啦, 香港先返咗2個月, 斷咗貨2星期, 啱啱有返貨」

貪小便宜的我, 因為豐澤贈品較百老匯多, 而且用Citibank又多5%回贈, 於是即是買機. (本來朋友一值都話HP機好鬼慢, 我只係貪部機夠細, 慳位最緊要麻)

其實, 想不到我也可以有一篇開箱文!! 久違了的新機氣味...我起碼一年沒有購買任何科技產品, 不過回家後才發現有點麻煩...

因為電腦輸出至螢光幕的只有HDMI, 而我的螢光幕是舊款, 所以我又要走到深水埗, 買一個轉換插頭回來, 才可使用...(走來走去, 真麻煩!!)

回到家, 我向SY說:「你睇爸爸買咗部新電腦啦」,SY:「吓? 電腦唔係好似書包咁大大份嘅咩? 咁細部都係電腦?」, 阿太又搭訕:「真係同普通電腦一樣架?」(睇嚟唔只我, 原來我成家都一樣咁OUT)

至於好用與不好用....我只能說, 用慣XP的仁, 我玩了Win8四小時, 仍然想叫救命, 我忽然覺得自己似一個剛剛學用Windows的盲毛...(阿太:「你唔揼咗部舊機? (Keep住先啦!). 車...咁都無慳都位啦...係多咗舊嘢就真」

話說上星期, 我們又帶SY走到天水圍放電..

話說我由「信和」步行至「現時點」, 每次..

灣仔築地．山貴水產有..

隨著2星期的「真君誕」結束, 人流更旺的..

話說半年前, 在太子吃過一次日本吉列和牛..

話說上星期SY說想買芝士撻, 當走到SO..

一家三口終日吃喝玩樂，愛影，愛八，愛玩具，愛電視，愛日劇，愛左儲右儲，咲看仁生是終極目標。