大仁生活

由大仁生活於 2015年08月26日發表人氣：479

電郵給朋友

一套爛片, 如果電影宣傳好, 可能一樣可以吸引人入場...

大家都是宣傳「屈機起格命Pixels」, 7月香港黃埔已經有街機打做宣傳, 但怎夠日本人玩...一招Lego聯乘新宿街頭...震撼到呢!

因為電影真的有「食鬼」, 「KingKong」襲地球, 用Lego表達8-bit圖案角色, 就連阿囝都會大叫:「真係Lego嚟架!」(日本人仲專業到派人企定定計算參觀人數添)

飲用「雅達利」,「任天堂」奶水長大的我, 一見到有約3倍阿囝高度的「食鬼」, 就即時想起當年參加新世界中心的「食鬼」打機大賽, 首100名可以入決賽, 我是102名...(真係揼心口揼足30年)

我對囝說:「走埋去食鬼到影張相啦...」, 囝答:「咩食鬼呀? 邊度有鬼?」 (係喎...即係等於囝同我講穂乃果,繪里, 我第一次都唔知係Lovelife一樣)

這些老老套套的電視遊戲, 真的曾經沉迷得連電視機都玩壞. (記得家母發火大罵..., 車...都唔知係米當年大牛龜電視設計差就真)

至於KingKong, 我有印象就是玩卡片機時的恩物, 偷偷帶上堂, 明明已經「滅聲」, 仍然給班主任發現被「滅口」:「叫你家長嚟攞返」

(吓? 咁即係屈我機啫, 都唔知係米佢想玩, 明知十個學生, 九個都唔敢叫阿媽嚟攞返) 所以我永遠覺得做老師好, 根本不用買玩具, 沒收當買了.

太空侵略者(Space Invaders)是我第一個玩的電視遊戲, 其實不明白, 如此簡陋的格仔格圖案, 為何我當年會日日不停玩呢? (可想而知以前D人幾單純, 幾易滿足)

Lego我鍾意, 食鬼(Pac-Man)簡直是我的最動人時光...上星期一家三口於新宿A4出口睇完街頭積木, 我真的走了過對面戲院, 準備購票入場...

幸好屈機起格命Pixels日本未上畫, (好似正場是9月12日), 否則我就浪費了個半鐘入場, (因為原來影評劣評如潮喎 ~ 都算抵返身彩)

話說上星期, 我們又帶SY走到天水圍放電..

話說我由「信和」步行至「現時點」, 每次..

灣仔築地．山貴水產有..

隨著2星期的「真君誕」結束, 人流更旺的..

話說半年前, 在太子吃過一次日本吉列和牛..

話說上星期SY說想買芝士撻, 當走到SO..

一家三口終日吃喝玩樂，愛影，愛八，愛玩具，愛電視，愛日劇，愛左儲右儲，咲看仁生是終極目標。