大仁生活

由大仁生活於 2016年07月23日發表人氣：199

電郵給朋友

牛奶妹! 牛奶妹! 等了又等的牛奶妹終於返到屋企啦! 今次最興奮是, 竟然找到好好好好好好好好好平手續費的代購網站. 我要大叫:「我慳咗成萬Yen呀!」

「日拍」(日本樂天/Yahoo拍賣)是我的生命, 香港人「日拍」9成光顧Buyee, 我一向亦如事, 但每次收取5%手續費, 經常心想:「如果收平D啲就好啦」

哈哈! 上個月, 無意中給我發現了「日拍」救星...一個只收300Yen手續費的日本代購網站「ZenMarket」

當時心想:「嘩! 發逹啦...不過點會咁大隻蛤乸隨街跳? 300Yen手續費, 真係買兩罐汽水嘅價錢喎??」因為怕有伏, 所以當時擱置了.

適逢上月熱搶1000%牛奶妹, 因為實在太多人競爭, Buyee經常死機, 「吓? 又係最尾5分鐘, 你個Server又死咗? 唔係咁黑仔呀??」連續2晚, 氣餒得想即時打爛部電腦

就在此徬徨無助之際, 我想起了ZenMarket, 因為我怕第三次臨完結前Buyee又死, 當時自己跟自己說:「搏一搏啦!! 無蝕底嘅, 手續費仲平咁多...」

ZenMarket 與 Buyee 唯一不同, 就是要先存入金額至 ZenMarket的戶口, 這有點不習慣, 但一樣有好處, 以前Buyee全部用Visa Card, 不停買, 結果好多時會買至「爆卡」

ZenMarket就有預算得多, 例如我預算會用30000Yen, 就將這個金額存入ZenMarket戶口...上次拍賣完, 又剩餘額, 我即時轉回入信用卡, 3%手續費亦同時退回. No Problem !! Safe

除了bid 任何金額的物品, 也只是收300Yen, 就連合併郵寄一樣不另收附加費. 用開Buyee的你, 一定知道Buyee最少每次收1000Yen. (真係乜都收錢...幾搵笨)

我今次大牛奶妹, 小牛奶妹, 還有阿太杯緣子, 阿囝幪面超人卡, 全部合併一次寄回來, 額外"1YEN"也不用出, 超抵! 超著數.

對於一個格價格到盡的大叔, 今次如同發現新大陸一樣, 因為我這一次, 單單手續費省了9342Yen, 包裝費也慳1000Yen...嘩!慳足一萬Yen呀!!

$22抵給人賺的, 愈買愈開心, 我又為我的Bearbrick家族繼續添了不少成員啦...貴到死的Buyee拜拜...今次新大陸真正無得輸, 贏足七條街, ZenMarket我撐梗你.

話說上星期, 我們又帶SY走到天水圍放電..

話說我由「信和」步行至「現時點」, 每次..

灣仔築地．山貴水產有..

隨著2星期的「真君誕」結束, 人流更旺的..

話說半年前, 在太子吃過一次日本吉列和牛..

話說上星期SY說想買芝士撻, 當走到SO..

一家三口終日吃喝玩樂，愛影，愛八，愛玩具，愛電視，愛日劇，愛左儲右儲，咲看仁生是終極目標。