大仁生活

由大仁生活於 2016年11月29日發表人氣：528

電郵給朋友

話說上星期在卓悅買了一盒蝴蝶酥給SY, 結果便成為了他每天上學前的必食小甜品.

心血來潮在想:「十幾蚊一盒蝴蝶酥, 竟然唔差喎, 究竟仲有冇其他選擇呢? 等我又嚟一個大比併先得~嘻嘻」

原來超級市場的蝴蝶酥選擇也不少, SY見我多買兩盒回來:「嘩! 爸爸, 乜蝴蝶酥都畀你搵到3款呀?」(我自己也意想不到)

老實說, $20以下的選擇, 當然不能與文華, May姐, 4重奏相提並論, 但止口痕, 止心癮, 超級市場也有好東西.

日本:源氏★★★

一向崇日的我, 以為源自日本的源氏應該會最好味, 誰知有少少跌眼鏡. Size是最大塊的, 雖然味道不錯, 但略嫌比較硬.

SY:「我覺得唔似蝴蝶酥, 似食曲奇餅」

香港:華園★★★★★

最有酒店格局, 三款中最鬆化, 味道又不會太甜, 細細塊一啖一口, 還有少少牛油味,$14 算公仔麵價錢, 拉麵舖質素.

阿太:「仲駛試咩? 最香就係E個細細片嘅啦!」

法國:LU★★

三款之中最差的一個選擇, 同事K:「點解有一陣奇怪味??」, 後來看到包裝, 印上一些水果, 可能是加入了少少水果味吧.

SY:「軟軟地...(腍得滯?) 係呀!係呀!」

今次找來我家三口子, 再加上公司三位同事. 結果, 華園以5票勝出, 而日本源氏則得一票. (可能法國人與亞洲人的口味真的不同, LU暫時排榜尾).

阿太:「上次新年有人送咗盒4重奏蝴蝶酥畀我哋, 味道真係零舍唔同D喎」, 我:「鬼唔知半島High Tea 好食過大家樂咩? 價錢都差7倍啦」

日本源氏 $19.5
華園一包 $14.5
法國LU樂趣 $11.8

大仁生活facebook

話說上星期, 我們又帶SY走到天水圍放電..

話說我由「信和」步行至「現時點」, 每次..

灣仔築地．山貴水產有..

隨著2星期的「真君誕」結束, 人流更旺的..

話說半年前, 在太子吃過一次日本吉列和牛..

話說上星期SY說想買芝士撻, 當走到SO..

一家三口終日吃喝玩樂，愛影，愛八，愛玩具，愛電視，愛日劇，愛左儲右儲，咲看仁生是終極目標。