意大利有機農場直送手工食品 家傳秘方通鼻塞!?

一棵千年橄欖樹，除左能夠提煉出全天然嘅organic olive oil之外，仲承載咗一個家族三代嘅歷史。好處係咩呀? 就係quality control自己人自己做，令到出黎嘅products品質好，仲被公認為最健康橄欖油添! 而呢棵千年老樹，都成為咗遊客嚟到意大利南部半島Salento嘅原因，大家都想同咁難得仲健壯、年年都生到橄欖嘅老樹selfie呀嘛!

Salento本身已經係一個盛產橄欖嘅地方，Vigne Vecchie嘅橄欖油就出名橄欖味濃、但同時易入口，唔嗆喉

呢個意大利食品品牌其實係由爺爺開始造手作意粉同麵包起家先嘅，佢地嘅意粉模係用木造，所以造出嚟嘅意粉會有木紋，令掛汁力更加強勁。

佢地家族其實擁有機農場、橄欖樹林同葡萄園，所以所有produce都保證新鮮。好似佢地嘅油浸蔬菜咁，採摘完8個鐘內就會入樽，就咁食或者做沙律都一樣風味十足。

有趣食品 – 呢款叫cooked wine嘅手工糖漿，其實用法同果醋一樣，就咁飲、沖水飲、配芝士或者當係沙律醬都得，同果醋唔同就係佢無經過發酵同埋無咁酸。最得意係意大利人原來有d家傳秘方通鼻塞，就係將cooked wine煮滾後，吸入散發出嚟嘅煙霧(小心睇熱呀下!)，然後趁cooked wine仲暖嘅時候飲，就可以通鼻塞或者舒緩鼻竇充血嘅情況。

旁為無糖朱古力醬。
仲有果醬同一系列意大利小食、香濃松露醬、果JAM...太多好野講唔哂，自己去睇下啦得閒!

VIGNE VECCHIE
地址： 金鐘太古廣場2樓POP UP STORE (PRADA對出)

各位朋友如有任何新資訊，歡迎電郵至：[email protected]