每日只限30名 巨型雀籠超豪華酒店下午茶

九龍香格里拉大酒店嘅香宮啱啱又再蟬聯二星米芝蓮喇，已經係連續第9年囉到呢個榮譽，都咪話唔犀利。而而家想以至抵嘅價錢試多款香宮出品嘅鹹點，機會嚟喇!!! 大家可以揀中式或西式嘅四層高雀籠high tea set，舒舒服服咁享受放到靚一靚嘅下午茶。

首先會送上開胃小食同welcome drink

再送英式下午茶必有嘅鬆餅，餅房新鮮熱辣自家製嘅scone，加埋果醬同奶油，已經進入哂皇家高尚嘅氛圍

跟住到戲肉喇，中式下午茶由米芝蓮二星香宮出品，包括有: 黃菊清酒阿拉斯加蟹肉凍、素菜腐皮卷、烤鴨子薑日本大根卷伴海鮮醬及烤鱈魚伴香芒醬。甜品就有: 傳統紅豆椰香布甸、紅牡丹酥、抹茶蛋糕夾、抹茶蛋撻及楊枝甘露。

歐陸式下午茶嘅小點就有: 煙牛肉雜菜凍伴松子仁醬配鄉村芝士、鴨肝醬伴奶油包、橡木煙燻三文魚、忌廉芝士三文治、蝦沙律三文治伴黑松露魚籽。甜品就有: 紅桑梅馬卡龍、意大利芝士餅、藍莓芝士撻及巧克力果仁蛋糕。

下午茶仲會包野飲，小編極力推介花茶，大大壺好抵飲，成個擺設仲好靚添!

仲有果盤、同棵朱古力樹比你有個sweet finishing添呀!

好喇，講咗咁耐，幾錢呢? 兩位用只需HK$488，一位用只需HK$288。有得坐成3個鐘喺大酒店度享受咁多美食，仲有個mini雀籠比你拎走做小禮物，快d同friend子訂位啦!

https://www.shangri-la.com/tc/hongkong/kowloonshangrila/dining/bars-lounges/lobby-lounge/book-a-table/

九龍香格里拉大酒店
地址: 尖東麼地道64號大堂酒廊
電話: 27212111
營業時間: 星期一至五、下午二時至五時供應，公眾假期除外

各位朋友如有任何新資訊，歡迎電郵至：editorial@chiba78.com