一個人, 一隻手, 一部腦, 想點!
由 左髀 ● 入廚樂 於 2010年11月09日發表 人氣：123
工作量越來越大
可能你會問'點解'??????
問嚟都無用,因為最終結果都係
要做囉!
其實做嘢係無問題,
只係有時會發覺,
自己辛辛苦苦係咁做做做,
但係結果係....老細係唔用,唔理,唔睇.
咁當初做嚟做咩呢.
好浪費我的時間,我的心機囉
實在有太多嘢做
係一啲濕濕碎碎的工作
好聽啲可以話係秘書
唔好聽的....咪打雜囉
我諗我係爭在未做埋清潔阿姐的工作啫
成日又要做埋啲DOUBLE咗的工作
嘩...大佬呀,唔係你做,你梗係覺得好EASY嫁
但大佬呀, 要時間囉, 一個人, 一對手, 一部腦,
又要有兩日上就去咗第二個OFFICE做嘢
咁點呢....
而家成日都多咗開OT
咁又點...
老細真係好勁嫁
係咁比嘢我做喎
但係又唔知我有好多工作喎
總之就係咁加工作
又唔會問你會唔會好辛苦呀???
問吓你HAND 唔 HANDLE到呀???
只會係咁比, 要求你呢樣, 要求你果樣.
最頂癮係咩呢.....
如果萬一出事, 佢會置身於事外,
然後就話...咩都唔知呀!
唔係我做嫁! 都無人問過我!
點知呀! 唔關我事呀!
有時好唔想開OT
因為講真如果老細好
真係無所謂, 都唔會覺得無得計OT,好似好蝕底
因為你有做嘢, 好老細會知, 亦都會明白你開OT
亦都會覺得要你開OT,佢會自己覺得唔好意思囉.
但係老細唔好的
就唔同講法啦, 開咗又點呢,
佢會覺得明白,了解你點解要開.
亦都唔會唔好意思.
亦都唔會感謝您囉
所以有時一諗到咁, 條氣真係好唔順囉
就好唔想開OT
因為開咗都無人會理!
所以講真, 要開,都係因為自己太多嘢做
想清一清啲工作
不過咁, 我都盡可能唔開啦
大佬呀....我哋要返屋企洗衫,煮飯嫁
你估我有工人呀!
加上亦都唔想比太多壓力,負擔自己
做壞咗,身體有問題, 你估佢會可憐你呀
所以不如好好保護自己罷啦
總之做好自己本份,
做到就做, 做唔到都無計.
都係果句, 一個人, 一隻手, 一部腦, 想點!
上一篇： 滋補煮意
下一篇： 邊個話我傻傻傻@買布樂
左髀 ● 入廚樂
每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.
最近的POST
-
4 小時前
-
2015年03月04日
-
2015年02月14日
-
2015年02月09日
-
2015年02月01日
-
2015年02月01日
-
2015年01月26日
-
2015年01月25日