左髀 ● 入廚樂

芝士粟米釀雞翼

由左髀 ● 入廚樂於 2014年07月02日發表人氣：2838

電郵給朋友

芝士粟米釀雞翼

睇番自己個blog, 發現我當年係2009年整這款釀雞翼.

有興趣可以去看看:

http://jobechan.blogspot.hk/2009/08/blog-post_9.html

之前我整過的是釀蟹柳及火腿, 當年係因為我侄仔細個,

為咗令侄仔吃多一點, 身為姑姐的我, 都想做各式各樣的食物,

來吸引侄仔吃嫁. 嘻..

還記得當時以為拆雞骨好難, 但做過一次,

拆多幾隻, 就巳經知道拆骨的秘訣.

其實只要一把較剪幫手,

就好輕易拆骨的了,

不過這款食物, 始終也是比較花時間,

所以建議預早一天做拆骨的功夫,

然後醃一晚, 第二天才釀材料入雞翼.

*************************************************************

昨天跟敗婦玩potluck,

剛巧我和維媽都做了釀雞翼

而她的釀雞翼, 就釀入墨魚滑,

好味呀. 墨魚滑好彈牙, 爽口,

我下次都要試做維媽的墨魚滑釀雞翼,

其實還有糯米釀雞翼也是我的目標之一

***************************************************************

原本很想把整個拆骨及釀餡過程拍攝下來或拍video,

可是呢, 我跟本沒有手幫我拍,

加上我家少爺基本上在拍攝方面,

技術幾乎到零 (xd)

所以要再找次有朋友幫忙吓才拍來給大家看啊...

****************************************************************

先來看看的的做法吧...

這次我在每隻加多一點Mozzarella芝士 , 不過昨天吃時, 我自己覺得加了或不加, 都沒有分別. 哈哈.

我這次每隻只加入一粒的笑牛牌芝士, 比之前的加少了, 像不夠芝士味啊...

大家做時, 可以再加多一點啊....(如果愛芝士濃的話)

材料:

芝士粒 8-10粒 (我用笑牛牌)

Mozzarella芝士每隻我加少許

粟米 1 罐

全翼 17隻

做法:

(1) 雞翼洗淨, 早一天拆骨, 完成拆骨後用老抽, 生抽, 糖, 薑汁, 酒醃一晚, 最少半小時或以上

(2) 第二天取出, 芝士切半粒, 混入粟米成餡料.

(3) 將餡料逐少逐少釀入雞翼內, 然後用牙簽封口, 以免餡料及汁流出

(4) 放入已預熱180度焗爐內焗約10-15分鐘, 反轉再焗10-15分鐘, 掃蜜糖再焗至金黃色即成

(5) 焗好的雞翼, 將牙簽取出, 放上碟中, 即可享用.

** 粟米可以用新鮮的.

** 這次我用了朋友的水波爐function焗, 要45分鐘. 時間上, 每部焗爐都不同, 自己調較啊.

** 釀雞翼的餡料, 可以自行變化, 例如: 墨魚滑, 糯米, 蟹柳, 火腿等等..

拆骨的做法如下:

(第一天)

首先當然是要把雞槌切走啦.

然後用較剪在雞翼的兩支骨中間剪斷

剪斷後, 用較剪在骨與肉沿著貼著剪, 這動作是把骨與肉分離,

但小心啊, 不要剪穿啊.

然後我會用手把雞肉向雞翼尖方向反過去, 如圖.

反到最盡, 把另一邊的骨也剪開, 但我會用刀幫我手, 如下圖,

這樣就可以拆掉骨出來啊...

再把雞翼反回原本的靚仔樣先...嘻...

看...完成了.

利用了45分鐘的時間, 拆了17隻雞翼.

完成了, 就可以進行醃雞翼的步驟啊...

(第二天)

準備以下的材料及工具

記得預早把罐頭的粟米要瀝乾水份啊, 臨釀前, 我會用廚房紙巾再吸乾粟米的水份.

準備笑牛牌芝士粒, 切半. 還有這次我加入了Mozzarella芝士(但忘記拍照啊...XD)

哈哈.....就是釀雞翼時, 無人可以幫我影到相...

一跳就跳到巳經釀哂的地步了....XD...請大家見諒...有機會...我....一...定...會...補..影..番...嫁...

其實我都好鐘意釀雞翼個樣, 脹卜卜, 好可愛...

嗱, 把芝士粟米釀入後, 就要用牙簽封口呀. (如下圖)

給大家一個正面的看看...

大約用咗45金鐘時間釀餡及封口.

** 如果萬一在拆骨部份, 把雞翼拆到穿咗, 不用怕, 用牙簽封咗穿咗的部份先,

然後就先釀餡入雞翼, 再封口. 咁就得嫁了.

然後就可以入焗爐焗至金黃色.

上碟, 完成.

吃釀雞翼, 我最喜歡吃時手拿翼尖，像吃雞脾般，啖啖肉，啖啖粟米粒加芝士,

有誰不喜歡啊....

分享到 facebook

上一篇：香煎雞槌@老媽香辣孜然燒烤鹽

下一篇：敗婦聚@玻璃朱家

本BLOG人氣文章

自製醃咸蛋

自製醃咸蛋見到有好多朋友..

花雕蛋白蒸膏蟹

2014年12月14日(星期日) ..

酸齋@素食

素食中的前菜, 我最愛'..

LC無水蒸煮...

身邊有好多朋友仔, 見到我用LC BUF..

[[私房菜邀請]] 米芝蓮星級大㕑陳國強 x 刀嘜新推出金裝濃香花生油

2014年11月19日(星期三) ..

[韓式涼拌菜] 涼拌菠菜

[韓式涼拌菜] 涼拌菠菜 ..

每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.

RSS