-
無驚無險又過關...
2011年04月24日 | 累積瀏覽 415
不經不覺, 媽咪的癌症過了兩年, 早前的大檢查, 無驚無險又過了關, 人哋話癌症, 5年過渡期, 而家媽咪過咗兩年了... 祝願媽咪捱過呀... 癌症其實係好講心情 只要能夠保持心境開朗 就唔會比病菌有機可乘 但係係咪人人都能做到, 心境開朗呢... 其實老實講, 都真係幾難 我知媽咪的心結仍未完全打開, 放開 不過我知媽咪有進步, 亦都盡量把自己放開 我亦盡我的能力, 給她最好的, 關心, 聆聽多一點 亦都會盡我的能力, 給多一點... 看全文 -
confirm媽咪無事
2010年01月09日 | 累積瀏覽 206
今日早上十一點, 收到私家醫生來電, 醫生睇咗媽咪份報告, 話我哋唔駛擔心, 因為報告顯示:只係媽咪的骨有退化, 唔係癌細胞! yeah.....聽到張醫生咁講, confirm唔係, 真係好呀. 有張醫生咁講, 咁就係放心哂呀. 實在太好, 多謝上天及各位的祝福. ... 看全文 -
攞報告
2010年01月08日 | 累積瀏覽 240
星期二 (5/1/2010) 陪咗媽咪去做p.e.t. scan, 星期三(6/1/2010)早上, 媽咪打比我, 話有得攞報告了....(咁快...個心又有啲驚) 因為琴日先去做, 今日晨咁早就通知有... 個心又亂諗...唔通真係..真係有癌細胞!!! 不過點諗都好, 都係要去攞嫁啦... 一於唔駛諗, lunch time飯都唔食, 即刻搭地鐵去攞報告. 攞咗份報告返嚟, 即刻fax咗去私家醫生到先, 不過私家醫生未覆我. 攞咗報告返嚟,... 看全文 -
那怕要再接受一次挑戰
2009年12月31日 | 累積瀏覽 269
話說媽咪於12月22日冬節, 返回屯門醫院覆診 醫生問: 你有無咩特別邊到唔舒服呀? 媽咪答: 咩都無, 只係左手, 手臂有時會痛, 好似有針吉咁的痛, 又唔係成日痛嫁喎, 一時時痛囉. 醫生, 咁樣有無問題嫁. 醫生回答: 嗯, 呢啲係做完手術後正常的反應, 唔駛擔心. 媽咪就再問: 但係我都係好擔心喎, 會唔會有啲咩事? (當時醫生見到媽咪咁擔心) 醫生就話: 咁啦, 如果你咁擔心, 不如我幫你安排去照一照, 好唔好? 媽... 看全文 -
後會無期之第一次覆診
2009年09月09日 | 累積瀏覽 201
2009年8 月31日(星期一) 最近蕭c奶真係太忙 仲有成六至七篇的網誌都未出 呀...救命囉...點解咁少時間用嫁 唔講呢啲住 先先要出咗呢篇先 因為又有好多朋友仔好關心 媽咪的近況 今日約咗返去私家醫生-張醫生 覆診 張醫生幫媽咪檢查 話媽咪完全康復無哂問題 媽咪聽到都唔知幾鬼開心呀 跟住張醫生話每半年就返嚟覆診一次 到時就要次次都要抽血呀, 照嘢呀等等 跟住我順手問有關義乳的問題 因為之前我話帶媽咪去整... 看全文 -
跟癌症說: 後會無期
2009年08月17日 | 累積瀏覽 213
2009年8月17日(星期一) 今早收到媽咪電話 媽咪勁勁勁開心... 因為...因為... 唔駛再做電療了...yeah... 聽到媽咪在電話筒傳來的聲音 來報喜...一聽就知媽咪勁開心呀... 而且仲感覺到媽咪輕鬆的心情 其實我自己都係...太好了.... 值得慶祝一番 等到假日先, 要好好一家人食餐勁的... 各方好友...謝謝大家一直以來的 關懷及支持 蕭C奶係到再次跟大家說 感謝你們! 但係蕭C奶好貪心 因... 看全文 -
完成25次電療了。。YEAH
2009年08月10日 | 累積瀏覽 197
2009年8月10日（星期一） 不經不覺媽咪無聲無色咁 就做完25次的電療了 每次做完， 我都會係咁問媽咪痛唔痛呀？？ 電的位置有無濃呀？？ 電的位置有無痛呀？？ 媽咪一定話無嘢嫁喎。 哈。。最近佢話都係胳肋底個位係仲有啲痛， 同埋唔係好順， 而且隻手係無咁有力。 媽咪問咗醫生話係正常 而且每次去醫院都會撞到啲病友 佢哋傾開都話係咁喎 要慢慢多啲按摩 等佢舒緩番，係要比時間佢好喎。 25次的電療完咗 咁係咪即係唔駛再做... 看全文 -
電療@第一次
2009年07月07日 | 累積瀏覽 244
2009年7月6日(星期一) 蕭C奶今天放一天假 因為要陪媽咪做第一次的電療 9點半準時到達醫院的設計部 媽咪入到去未夠十分鐘 就出番嚟... 蕭C奶同哥哥問: 得了??? 媽咪答: 走得了, 電完了.... 倆兄妹對望咗.....兩秒....好多問號 一齊講: 咁快.... 媽咪笑笑口答: 係呀. 倆兄妹再問: 痛唔痛呀??? 有咩感覺嫁??? 媽咪即答: 無感覺喎. 倆兄妹又再對望咗.....一秒.. 一齊又問: 無感覺!!!! 媽咪答: 係呀....唔通明明... 看全文 -
準備做電療
2009年07月03日 | 累積瀏覽 199
係時候又要報告一吓 媽咪的最新情況 話說等咗好耐都未見醫院通知 係6月中開始 媽咪親自打電話問過 又親自去醫院問過 幾時先有得做呢???? 答案都係: 叫你等電話. 最後...蕭C奶忍唔住, 就親自打咗個電話去問個清楚. 個姑娘好好, 解釋咗好詳細比我知, 咁佢仲話差唔多了, 下個星期應該會收到電話通知, 仲叫我哋放心, 唔駛驚. 咁我即管等埋下星期啦... 到最後, 醫院真係有打比媽咪 叫佢6月30日及7月2日 呢兩日都要返去醫... 看全文 -
等待電療
2009年06月15日 | 累積瀏覽 178
又係時候報告一吓媽咪的病情先 其實都做咗手術一段時間 現正仍等待做電療啊.. 快啲啦...快啲啦.. 快快脆脆做埋 咁大家都安心啲嘛..係咪先 琴日媽咪再去醫院走一趟 問清楚姑娘..究竟幾時有通知呀.. 但係...都係嗰句: 姑娘: 要等呀,要等電話啊...係咁嫁,唔駛咁驚. 媽咪: 吓...咁耐嫁..我等咗成兩個幾星期了喎. 之前叫我等電話, 但係仲未有,幾時呀. (一睇就知阿媽好心急啦.....當然病人都好想快啲攪定它嘛) 姑... 看全文 -
電療畫位
2009年05月27日 | 累積瀏覽 164
之前講過媽咪因為隻手提唔高 所以唔可以做電療又唔可以畫位 醫生要媽咪做物理治療 很好啊....經過咗大約兩星期的物理治療 媽咪的手而家可以提高番lu... 星期二媽咪返去醫院見醫生 醫生話媽咪可以提高到隻手 可以批準佢畫位了 畫咗位之後, 沖涼就要小心啲, 唔好抺得咁大力 唔好抺掉咗啲畫位啊... 報告係咁先.... 好快就可以做電療 希望唔會好痛啦....... 看全文 -
物理治療
2009年05月21日 | 累積瀏覽 201
又係時候要報告一吓左髀媽媽的病情啊... 因為身邊有好多同事及朋友仔都成日問候左髀媽媽 又話我做咩唔update吓媽媽的近況 oh...唔好咁啦...我都唔想嫁 因為病咗無mood啊 我都最近呢幾日精神好多 才開始update番個blog呀... 左髀媽媽原定要準備約做電療 做完手術之後 見完張醫生, 檢查好身體及傷口 沒有問題, 仲埋口埋得好好 不過左髀媽媽話手有少少 '泌泌'哋咁 而且唔可以提高隻手, 因為肌肉會 綳綳緊 但係張... 看全文 -
媽咪的決定·決志
2009年04月29日 | 累積瀏覽 192
蕭C奶的家裡從來都沒有宗教信仰 而蕭C奶和媽咪都沒抗拒任何的宗教 只是一直都沒有信那一派 而蕭C奶的爸爸，哥哥，老公就從來都只信自己 十分抗拒那些宗教信仰。 蕭C奶身邊有很多基督教的朋友 間中都會跟他們出席某些教會的活會或講座 但是蕭C奶直到現在都不為所動 我想是因為我與神還未到緣份吧 有時候自己當遇到不安事情 曾經都會自問： 你會信耶穌嗎？ 當時自己會這樣回答： 其實自己真的不知道， 但是我總應為， 若神真的存在，神真的愛世人，... 看全文 -
手術後第一次覆診
2009年04月28日 | 累積瀏覽 187
2009年4月28日(星期二) 今日媽咪要返去張醫生到覆診啊 約咗三點四十分 大約差不多到四點半就可以應診了 張醫生今日為媽咪取走流血水的喉 今日真正見到媽咪的傷口 其實我好驚, 唔想睇到媽咪的傷口 因為我知道我見到一定個心好唔舒服 好心庝 但係....今日都係睇咗, 嗰吓個心當然唔係幾舒服啦 其實個傷口的疤痕都好長 真係有成巴尺咁長.... 見到點會唔心庝... 其實有時係到諗 如果係當事人, 真係幾難受 尤其係沖澡... 看全文 -
後會無期
2009年04月24日 | 累積瀏覽 184
2009年4月23日(星期四) 今日係我放假最後一天 願定放埋星期五的 不過知道玲姐唔可以過嚟替我, 我老闆又發脾氣 咁我咪諗住, 見媽咪ok, 又有阿哥係到 不如早一天返工, 做吓嘢 唉....點知...我都唔多講了, 太激氣, 唔想提了 總之一句講哂: 好心著雷劈! 我都費事同啲 '垃圾膠袋' 計較呀! ** 備註: 垃圾膠袋 --- 垃圾基本上可以用來堆田, 代日子久了便會被化解的, 但膠袋是不可化解的物料, 用幾耐時間都唔可以化... 看全文 -
手術非常成功及順利
2009年04月22日 | 累積瀏覽 325
2009年4月20日(星期一) 早上六點給醫院阿叔叫醒 點解會係阿叔叫醒我呢..... 因為係養和醫院加床過夜 是由每晚九點開始開床 但是要每日早上七點前收床啊... 所以你想瞓晏啲....都唔得呀... 晨運咁早起床 都唔知有咩做 唯有同媽咪傾吓,睇吓電視 間中啲護士會為媽咪量血壓及探熱 十點左右, 護士給了三粒藥丸媽咪於手術前食 是胃藥, 止嘔及止痛藥 然後護士還為媽咪穿上 '防止靜脈曲長' 的 壓力襪 再換上醫... 看全文 -
出院了.....
2009年04月22日 | 累積瀏覽 297
2009年4月22日(星期三) 琴晚無留係養和到過夜 都係瞓到九點左右起床 因為幾日都無好好執吓自己的屋企 而且想打掃一吓後 便要買定今晚的餸 在家hea咗一陣.... 收到Anita的來電, 問候媽咪的情況, 她和 Stella佢哋很有心啊. 原來想送花藍給媽咪 以表一番心意... 我說不用客氣及破費了 但她說是她們的心意, 咁我都無謂咁老土了 講咗地址比佢哋知. 同Anita收線不夠五分鐘, 我又準備出去買餸時 收到阿哥打... 看全文 -
手術後的第一天
2009年04月22日 | 累積瀏覽 314
2009年4月21日(星期二) 今天醫院的阿叔又是一大清早叫醒我 呵呵呵...可是我今天很鬼馬啊... 當聽唔見阿叔叫我.囉...係都唔肯起身 同媽咪用眼神交流.....媽咪都係到咋瞓...嘻嘻... 不過....過多十五分鐘啦...阿叔又叫了... 無奈都係要起床了.... 由於媽咪剛做完手術 所以由琴日下午到而家都唔可以落地行啊 不過媽咪的精神的確不錯 真係無唔舒服, 無頭痛, 無頭暈, 無嘔 阿媽你真係勁呀.... 都係以前啲... 看全文 -
入院@養和醫院
2009年04月21日 | 累積瀏覽 491
2009年4月19日(星期日) 由於比較急, 要做手術 張醫生約好了, 今天晚上要媽咪入院 星期一早上做手術 一大清早. 起床便開始執拾一吓媽咪入院 及我自己的少少日常用品 點數清楚沒有遺漏, 便和阿榮老公出門 媽咪和阿哥在屯門出發 我和老公就在天水圍出發 今晚嘉豪自己一個人食晚飯了 約好了媽咪阿哥在灣仔等 然後我們一行四人在附近的德興酒樓用晚膳 因為姑娘之前吩咐我要和媽咪食飽飽才入院 因為入院為晚上8點 由於剛巧4月2... 看全文 -
準備出門...有啲緊張...
2009年04月19日 | 累積瀏覽 294
又到四點了 過多半個鐘就出門口lu... 心情開始有啲緊張 或多或少都有的... 呢啲都係正常反應 點都好啦 而家當同媽咪去宿營 去四日三夜 我哋好快就返嚟嫁了 謝謝大家啊.... 遲啲見....... 看全文
