[命理篇] [占卜事] [瑣碎事] [經濟事] 2012年 世運大預測 2012年 <香港特首選戰預測> 完全應驗
2012 特首選戰 及 中國經濟預測
由 玄道奇雲 於 2012年01月27日發表 人氣：189
在您準備閱讀奇雲以下文章內容之前, 希望你能夠幫忙先按上方的 [讚好] 或 [Like] 鈕以示支持, 然後再慢慢欣賞, 多謝!
"潛龍勿用, 飛龍在天! "
即是, 大部份玄學家及分析員都認為港股會在上半年將會維持一段黑暗時光, 當到達下半年之時, 就會轉為一飛沖天, 股市大升!!
閉!!! 一如前文, 奇雲推算既情況同全世界既分析剛好相反!! 奇雲推算的結果,就好似年初二既煙花一樣, 本來打算放上一幕”飛龍在天”的煙花圖按, 但係最終係大家都看不到, ”潛龍勿用”, 條龍不在煙花船上之外, 還潛了了水去也!!
即係, 奇雲推算2012年上半年股市會失驚無神地爆升, 感覺上危機好像經已過去; 最終當在大家誤以為安全之時, 下半年才是大跌的時機!!! 對此, 奇雲並沒有再打算作出任何修改. 唔通, 年初二既煙花真係隱藏了呢一個驚世玄機??
潛龍勿用, 飛龍在天, 其實是中國四書五經之一<易經>內所講既其中兩條爻支大意. <易經>博大精深, 好多我地成日講既成語其實都係引自於<易經>之內. 好似形容皇帝既”九五之尊”, 就係<易經>卦爻的第五支陽爻所含既意思, 太深入唔再講; 如果大家有興趣不妨研究一下. 對大自然萬物必會有另一番既體會.
強國中國成為世界既經濟火車頭, 係咪代表左經濟一定冇問題? 不受外間影響?
中國是世界工廠, 歐美國家都在中國設廠加工製造產品. 如果歐美國家都唔掂, 中國又有冇咁多既訂單呢? 冇訂單的話班中國既廠佬又頭唔頭痕呢? 冇工開班民工就冇飯開, 航空運輸業就直接受影響…. 經濟便有機會由過熱轉為衰退…. 中國保8既增長神話, 究竟係咪仲係零破滅的可能?!
美國大選前夕, 奧巴馬為求連任博取選票, 必定要為其經濟問題解話改為姓”賴”, 轉移視線/ 咁究竟賴邊個好? 梗係賴強國人民啦!!! 因此, 美國對華實施強硬經濟施壓, 事在必行!!!! 100%會向我地阿爺開刀!! 睇黎, 阿爺真係唔可以再倚賴外銷呢一門了, 必需加強內加強本地銷費, 先至可以避開環球對中國既致命一擊!
美國既好”朋友” 越南, 菲律賓, 日本, 南韓, 都開始愈來愈唔友善. 北韓剷青年輕接班人金將軍, 又好似開始對美國單單眼暗示可能持開放態度. 在地理上, 中國就好似圍棋一樣四面受敵! 中國要和平掘起, 要解決既炸彈陷阱多的是啊!!! 阿公條水喉並唔一定可以24小時射住香港架!!!
2012特首選舉預測
香港呢?! 選特首既遊戲好似一人show一樣! 大熱門既糖生一直受中央既眷顧同祝福. 有後台, 有高官撐腰, 又攞足票, 難怪講野都好鬼輕飄飄!
而家係一月, 仲有兩個月, 就到開估既日子. 好多人都估在無風無浪底下, 糖生都可以獨佔鰲頭, 穩奪勝望!! 問題係… 點解會冇風冇浪? 佢究竟搵個退休工人出馬, 上演”桃姐”呢一幕真人版大龍鳳係為d咩呢? 咁做可以產生d咩正面既影響呢? 究竟, 佢既幕僚智慧功力, 又可唔可以再次阻擋糖生一而再, 再而三既<<亂up廿四寶鑑>>之有錢仔”何不食肉糜”神功呢?
“人在造, 阿公在看!”
戲玉未到, 大家可能都依然以為糖生好穩當, 好過選狼狼. 但係, 大家唔好忘記, 特首選舉前夕, 將會有一連串既答問大會, 雄辯擋台. 拿拿拿!!! 問題黎喇!!!! 當大家即夕發表政綱之時, 即時答問, 就係考IQ, 考EQ, 考政治智慧之時了!!
電視直播, 高低立見!! 到時, 究竟係有抱負有機心既狼狼攞分, 定係屬龍的參選者”露出馬腳”, 到時就有好戲睇. 當廣大既市民見到佢地既心儀特首表現如此, 支持度就必定下滑, 甚至成為笑話!! 阿公雖然喜歡聽話的小偶, 但係, 就絕對唔會喜歡一個沒有民望, 上任後必定引來百萬市民抱怨上街的人選 . 阿公又豈會抱起石頭掉在自己的腳指上??
選舉形勢風迴路轉!! 就好似發叔求果支車公廟之籤文一樣, 邊個係神邊個係鬼, 修正過來就OK!! 即係, 一直大熱既最終會脫腳, 由另外一人頂上既機會甚大!!! 掂樣落台?? 哈, 會唔會自己投降自降入內閣班子咁搞笑? 大家買定爆谷同汽水啦! 答辯大會片段肯定會在youtube 上多版本熱放啊!!
上一篇： 賭波, 賭馬. 如何以五行生剋添勝算?
下一篇： 2012 龍年全球運勢展望(3)
本BLOG人氣文章
2014 世界運勢大預測
在您準備閱讀奇雲以下..佔中行動 － 旺角臨時關聖帝君神壇
佔中已經十多天，集會..Q & A 佔領中環事件, 令到港人對未來失去信心
佔中事件經過了數天,..[娛樂/命理] 馬賽 2014馬年有排捱
頭頭碰着黑, 有時真..
玄道奇雲
一位喜歡用自己血肉之驅作實驗測試的瘋子, 志力鑽研中國古文化的真偽. 以現今科學的思維去引証玄學風水理論背後的真正意義. 陰陽五行風水批斷宅中人的家庭狀況, 人事關係, 身體病症, 尤如中醫把脈問診, 找出根源再對正下藥, 趨吉避凶. 以成功幫助別人為開心自主人生的終極目標~
最近的POST
-
1 天前
-
2015年04月23日
-
2015年04月13日
-
2015年03月24日
-
2015年03月12日
-
2015年03月10日
-
2015年03月04日
-
2015年01月29日
標籤
累計瀏覽次數: 232,612
所有文章: 351
本日訪客人數: 150
累計訪客人數: 195,609