唐生大地震 - 乜咁啱既之政治陰謀.
由 玄道奇雲 於 2012年02月17日發表 人氣：794
今日係2012年2月16日. 相信, 今日大家的Facebook 都受盡了被洗版之苦~~~ 又高達又變形金剛, 仲有地心探險記… 雖然洗版係煩, 但被呢d好笑野洗版, 總好過被銅鑼灣鬧市隨處拋黃金的來得吸引.
繼早前先有孔教獸事件, 隨後Jeremy Lin林瘋 Linsanity的彈起, 再來的就是大家在情人節上載的花花及耀眼的Candle light dinner. 照. 有d冇左無限上網plan既朋友到了今日可能仲未upload 晒d 冧冧照之時….. 一訓醒, O my god!!?
"我剛post 了同男友去ICC頂樓晚餐d 相呀, 朋友都未like 就被洗版沉了底~~~~~~~~~~~~ TMD!"
今日就將全部榮耀歸於我們的 ”甜蜜先生“ !
今日”甜蜜先生“成為政治舞台既風頭躉! 呢件事大家都一定好睇佢唔起…仲好希望佢會引疚自動退選. 可惜, 事與願違.
但係, 大家又有冇以”陰謀論”去思考成件事的來龍去脈呢? 其實政治就是黑暗的, 看穿了陰謀, 其實又反而相當有趣味性!!
1. 早前, “See Why” 被捲入了 NINE WEST 項目有關申報利益上誠信問題的風波. 政府在競選前一個多月突然出招翻舊賬, 以官方立場公佈了部分9年前Nine West比賽資料，被質疑為「挺唐打梁」。
2. 近日, “甜蜜先生” 擁有之九龍塘大宅被發現違例建設 ”哈里波特之消失的地下室”. 鏡頭前言行出爾反爾, 欠缺誠信; 對於運用了巨款精心挖建的地下天堂, 竟然失憶地說沒有印象便想草草了事, 最後還推了太坐”唐生菜”向大眾謝罪, 真係睇見都….. 唉!!
<<事件一 >>
咸豐年前的事件, 一直沒有調查, 沒有公開. 突然被有心人於競選之時, 以政府名義挖出舊事, 打擊其中一位參選者的支持率. 得益的會是那一位? 該位參選者參選前身居要職, 在香港官場一人之下, 萬人之上, 其老闆更是一位樂於猜測阿公心意之不二之臣. 眼見愛將身處險境, 民望比下去了, 心生暗計, 欲以咸豐年之事去打擊敵對參選者之民望, 祈望此舉一石二鳥, 一為除去大患See Why, 二又可獲阿公讚賞其人智勇雙全, 真係瞓著都笑醒!
疑團: 明眼人都知, 邊個人在政府部門內有影響力, 可以吩咐下屬”做野”. 喂!! D戲係ok, 但劇本屎左d wor.. 執執佢先出街啦!!!
<<事件二>>
泳池底建立一個甜心王朝, 極盡富貴!! 有酒窖有泳池按摩池, 如果唔叫 “酒池肉林”, 我都都唔知有咩代名詞更為貼設. 特手去年要求其下馬仔, 如有違規建築就必需要如實申報. 今日甜心先生朁建出了近2400尺面積的”空間” , 還辯稱自己全不知情, 毫無印象! 喂, 你個消失的密室劇本就ok, 但你兩夫婦d戲又真係唔掂wor. 好假呢!! 究竟你地係咪真係有心做好呢份工架. 點俾次機會你地服務大眾呀?
疑團: 曾經有人向友人道出, 自己有一份秘密武器, 在有必要時洗出必定令對手身敗名裂. 唔通就係呢一招?
昨天下午地鐵派果份部紙, 竟然可以刊出消失的密室的整個建築圖則. Yee? 乜咁啱既??! 好有陽光Lemon Tea feel.
咁啱自己在民望反領先之時被就被政府出手玩野, 係人都知邊位出手啦. 於是乎, 在時間相差不遠之時, 就有呢一件令到我們Facebook 慘被洗版之密室事件….
仲覺得係只係巧合? 更巧合的, 就是"建築圖則"呢一家野, 乜唔係就係開正”測量師” 果一範咩?! 又咁啱既?! 要問行內d死黨攞呢一張圖則又有幾難? 只要較啱時間導演嗌”ACTION”就即時可以Roll 機公開反撃, 精采喇卦?! 署心積慮的一招實情係有心人密謀而發也~~
政治本來就無分黑同白, 只有灰色, 同埋演技加感染力! 未到最後一刻, 好戲陸續有來. 大家睇完之後, 唔知又有冇對成件事改觀左, 更用心去睇埋呢一場好戲呢?
<<免責: 以上內容全屬虛構, 如有雷同, 100%是巧合.>>
對於有關競選的預測, 大家可以到早前文章回顧及留言:
2012 特首選戰 及 中國經濟預測 http://blog.yahoo.com/fengshui.master/articles/551792 回顧及留言
Quote
2012年1月26日下午3:34
2012特首選舉預測
香港呢?! 選特首既遊戲好似一人show一樣! 大熱門既糖生一直受中央既眷顧同祝福. 有後台, 有高官撐腰, 又攞足票, 難怪講野都好鬼輕飄飄!
而家係一月, 仲有兩個月, 就到開估既日子. 好多人都估在無風無浪底下, 糖生都可以獨佔鰲頭, 穩奪勝望!! 問題係… 點解會冇風冇浪? 佢究竟搵個退休工人出馬, 上演”桃姐”呢一幕真人版大龍鳳係為咩呢? 有咩正面既影響呢? 究竟, 佢既幕僚智慧功力, 又可唔可以再次阻擋糖生一而再, 再而三既<<亂up廿四寶鑑>>之有錢仔”何不食肉糜”神功呢?
“人在造, 阿公在看!”
戲玉未到, 大家可能都依然以為糖生好穩當, 好過選狼狼. 但係, 大家唔好忘記, 特首選舉前夕, 將會有一連串既答問大會, 雄辯擋台. 拿拿拿!!! 問題黎喇!!!! 當大家即夕發表政綱之時, 即時答問, 就係考IQ, 考EQ, 考政治智慧之時了!!
電視直播, 高低立見!! 到時, 究竟係有抱負有機心既狼狼攞分, 定係屬龍的參選者”露出馬腳”, 到時就有好戲睇. 當廣大既市民見到佢地既心儀特首表現如此, 支持度就必定下滑, 甚至成為笑話!! 阿公雖然喜歡聽話的小偶, 但係, 就絕對唔會喜歡一個沒有民望, 上任後必定引來百萬市民抱怨上街的人選 . 阿公又豈會抱起石頭掉在自己的腳指上??
選舉形勢風迴路轉!! 就好似發叔求果支車公廟之籤文一樣, 邊個係神邊個係鬼, 修正過來就OK!! 即係, 一直大熱既最終會脫腳, 由另外一人頂上既機會甚大!!! 掂樣落台?? 哈, 會唔會自己投降自降入內閣班子咁搞笑? 大家買定爆谷同汽水啦! 答辯大會片段肯定會在youtube 上多版本熱放啊!!
上一篇： 紫水晶洞的真正神秘力量!!
本BLOG人氣文章
玄道奇雲
環境風水玄學顧問, 兼臨床催眠治療師. 曾應香港商業電台及網台謎米香港之邀請為節目客席嘉賓. 志力鑽研中國古文化的真偽, 以現今科學的思維去引證玄學風水理論背後的真正意義. 以陰陽五行風水學批算宅中人的家庭狀況, 人事關係, 身體病徵, 財運旺衰; 找出家居風水問題再對正下藥予以醫治, 從而替宅主趨吉避凶!! 以成功幫助別人及自主開心人生為終極目標~
最近的POST
-
2018年02月11日
-
2018年02月05日
-
2018年01月29日
-
2018年01月07日
-
2017年12月12日
-
2017年12月10日
-
2017年11月29日
-
2017年11月25日
標籤
累計瀏覽次數: 814,035
所有文章: 423
本日訪客人數: 196
累計訪客人數: 737,182