擇樓需知: 同一座與向既單位, 風水大不同??
由 玄道奇雲 於 2011年12月20日發表 人氣：934
在您準備閱讀奇雲以下文章內容之前, 希望你能夠幫忙先按上方的 [讚好] 或 [Like] 鈕以示支持, 然後再慢慢欣賞, 多謝!
某日, 有一位同門師兄, 曾經閒時與奇雲一起研究將軍澳某屋苑之風水之優劣. 今晚洗白白唱緊歌既時候, 突然回想起呢個case都可能係一個唔錯既案例, 因此希望找個機會同大家分享一下.
“兩座就算係相連及平排0既大廈, 大家都係向住同一個方向, 其實都係會有著唔同既風水, 會有唔同既事情發生. 典解呢?”
----------------------
MSN對話
師兄問道: “喂喂, 你覺得都會馬尺既風水如何呀?”
奇雲: “我都住過呢個屋苑, 除左某一兩座較差d之外 大概都問題唔大啊!”
師兄: “唔係播! 我有一朋友住響呢度, 我發現佢既單位外局犯上了樓宇尖角沖射之煞既關係, 影響宅運, 因此此屋苑的風水並不為佳啊.”
奇雲: ”唔... 我都好同意單位外面既尖角煞對住真係馬馬地, 不過我自己都住過呢個屋苑, 又住得幾ok 啊! 咁請問你位朋友住邊一座呢?”
師兄: “第10座”
奇雲: “原來係咁!! 我以前就係住在隔壁o既第9座, 咁即係大家既大廈都係同一座同埋向啦~~~ 呢個屋苑向泳池既單位係向東南, 座西北. 你所堪察量度的座向都一樣了吧!”
師兄: “但係我朋友入住後卻生意日差, 仲惹上了官非啊!”
----------------------
究竟, 點解兩座大廈同一座向, 卻有著唔同既風水呢? 奇雲那天只以內局既玄空飛星盤, 去推斷屋主既個性以及發生在屋主身上之事物. 戶主雖然與我毫不相識, 但以玄空秘技去推斷事物, 經已是非常玩味無窮了! 記得當時奇雲還被呢位師兄嘲笑我口吻像電視節目上的”行家”~~
當時, 奇雲並沒有向師兄說出的, 今日, 我就特地同大家解釋一下, 為何同一座向既樓宇, 卻不一定有著同樣的風水????
簡單0黎講, 精密0既風水除左好似電視上d師傅咁講 “咩門向既屋就係旺丁, 咩咩門向既屋就係旺財!” 其實在操作方面, 仲有好多好多野係要兼顧, 並不能夠單以內局坐向去定單位既勝敗優劣! 外局既形勢必定配合, 才可以決定呢一座大廈能夠有幾多分數啊!!
大家觀看過下圖, 又睇唔睇得出第10座同第9座有咩分別呢?
躂躂躂躂躂躂……. 叮!! 夠鐘開估了…. 不過某d原因, 又請恕我唔方便解釋得太白. 就看看有慧根既讀者又明唔明白啦我講緊乜東東啦~
以現時最當令既元運方位而論:
1. 東方, 東南方 最宜靜忌動.
2. 西方, 西北方, 就宜動忌靜.
二者, 必定要相輔相乘, 絕不可單一而論!!
好了. 大家來看看.
第10座 – 東方,東南方均見空曠(動). 而西方及西北方, 又是空曠(動), 方向只啱左一半, 再加上明顯地, 第10座的來氣風向, 必然是從東方及東南方(海邊)而來. 因此10座便變成了一個錯局! 呢d 就係損財又損丁既因數喇~~ 哎呀!! 冇晒墊底分tim!!
第9座 – 東方有第1座既大廈頂著, 前面東南方又再布第2大廈座頂住, 仲有仲有, 大家有冇留意, 第2座前面既高層屋苑又再變成了多一層保護 (靜也). 呢樣係第10座冇份既!
東方及東南方有護(靜), 相對的西方及西北方則空曠而(動). 咁就起碼有2範成左局了! 好野! 丁財都攞到個底分啦!!!
先合左外局, 而內局又配合並加以催谷, 咁就可以一帆風順, 將運程推至最高啦!! 不過又話時話, 以現時來說, 向東南方並唔係一個當令既好方位. 因此, 第10座既住客就會比較容易走下坡; 而第9座既住客, 就相對地較為平穩了. 分別就係咁簡單 ^^
所以, 點解要堪察左風水先至買樓? 睇完大家就明白了!! 有d 野, 屋內佈局可以改, 但係屋外既配合就絕對冇辦法可以改了, 外局力量才是大於一切啊! 一唔小心, 揀錯樓,住錯屋, 健康同財富都損失, 人生最痛莫過於此耶~~~ 小心, 小心!
上一篇： 嫁娶必要選吉日
下一篇： 年尾喇, 大家記得要還神喇~~~
本BLOG人氣文章
懸掛葫蘆真的可以化泄疾病嗎?
在您準備閱讀玄道奇雲..
玄道奇雲
環境風水玄學顧問, 兼臨床催眠治療師. 曾應香港商業電台及網台謎米香港之邀請為節目客席嘉賓. 志力鑽研中國古文化的真偽, 以現今科學的思維去引證玄學風水理論背後的真正意義. 以陰陽五行風水學批算宅中人的家庭狀況, 人事關係, 身體病徵, 財運旺衰; 找出家居風水問題再對正下藥予以醫治, 從而替宅主趨吉避凶!! 以成功幫助別人及自主開心人生為終極目標~
最近的POST
-
3 週前
-
2017年06月30日
-
2017年06月27日
-
2017年06月16日
-
2017年06月14日
-
2017年06月06日
-
2017年05月23日
-
2017年05月02日
標籤
累計瀏覽次數: 635,291
所有文章: 412
本日訪客人數: 119
累計訪客人數: 570,233