不眠王子

GODIVA 冰感誘惑 2012 冰淇淋味巧克力

由不眠王子於 2012年06月28日發表人氣：676

電郵給朋友

每次收到 GODIVA 送俾王子嘅好禮時，真係每次都咁有驚喜，如果我係女生，肯定已經尖叫咗了 . . . 係！上面幾句我係重複講嘅！因為係事實嘛！今次又收到乜東東呢？又有驚喜俾到王子？

王子幫襯過唔少間 GODIVA 專賣店，而去得最頻密嘅就係海港城店，一來每個星期都會因私事或公事而去海港城，二來呢度啲店員係特別 nice 嘅！

店內嘅朱古力陳列夠吸引亦係另一常去嘅主因，每次而去得最頻密嘅就係海港城店，因為啲店員特別 nice 嘛！

GODIVA 冰淇淋味巧克力 (即係雪糕味朱古力) 系列於每年嘅年中推出時，王子都必定會買嚟食，即係咁，自問鍾意食朱古力但定力唔多夠嘅，最好有心理準備一食係絕對會食上癮嘅！單係買呢個系列，每年都花咗唔少錢 . . . . 明白嗎？

而我食呢個雪糕味朱古力系列亦有自己嘅風格，下面會講。

今年夏天，GODIVA 送俾王子嘅驚喜係雪糕味朱古力系列全套，哇 ~ 好想尖叫呀！但我個 key 唔夠高 . . . 唯有出盡力去 WoooooooW . . .

除咗 6 款雪糕味朱古力杯外，仲有大大盒 12 粒禮盒裝添！有咁大量朱古力我梗係唔會獨食啦！有分到俾王妃架！不過我一邊影一邊食、一邊食一邊影，盒盒最後都無咁一 . . . 兩粒 . . . 最新推出嘅兩款口味仲俾我 . . . 全部 . . . 咩囉！

香草草莓雪糕味朱古力 ($130) 味道偏甜，配合咖啡嚟食相當唔錯。

開心果雪糕味朱古力 ($130) 以香味取勝，甜度則較輕。

合桃焦糖聖代雪糕味朱古力 ($130) 甜度最濃，可以配合花茶或果茶嚟食。

薄荷雪糕味朱古力 ($130) 係我嘅至愛，因為薄荷味勁濃，真係有食薄荷雪糕嘅感覺。

香蕉草莓雪糕味朱古力 ($130) 係今年新推出嘅口味，甜中帶微酸，都幾特別，始終市面嘅香蕉味朱古力較少見嘛！

冰淇淋味巧克力禮盒 ($130) 可以一次過試到開心果、香草草莓及兩款新推出嘅口味包括香蕉草莓及檸檬雪葩雪糕味朱古力，而另一亮點係盒面可以寫上對方名字，平日當小禮物送俾另一半，肯定佢會 sweet 到不得了。

冰淇淋味巧克力禮盒 12 粒裝 ($385) 內裡有開心果、合桃焦糖聖代、香草草莓、雙重朱古力及檸檬雪葩合共 5 款雪糕味朱古力，最啱想試多幾種口味嘅朋友。

王子食呢個雪糕味朱古力系列亦有少少個人心得，就係先放喺雪櫃嘅冰格層，要食嘅時候至攞出嚟，打開盒蓋等約 3 分鐘稍為解凍至食，雪糕味嘅感覺會更加突出。

GODIVA 送俾王子嘅驚喜除咗全套雪糕味朱古力系列，其實仲有呢盒甜點松露巧克力禮盒 12 粒裝 ($355)，你話有乜辦法唔尖叫呀？

甜點松露巧克力禮盒 12 粒裝內有 7 種不同口味，包括蘋果焦糖、朱古力慕絲、意大利芝士餅味、芝士蛋糕味、草莓香草慕絲、焦糖軟心及軟心松露朱古力。詳情可以睇下面條 link

http://godiva.com.hk/truffes-dessert-collection2012

食甜點松露巧克力，王子最鍾意配上一杯熱茶慢慢嘆，TWG 嘅 Silver Moon 綠茶或 Twinings 嘅幾款花茶及果茶都相當夾味呢！