不眠王子

處女星號兩日一夜回本之旅

由不眠王子於 2008年07月05日發表人氣：2420

電郵給朋友

七‧一回歸，藍天白雲心情靚到震，王妃因工作關係攞到處女星號兩日一夜嘅超筍優惠，到底有幾筍？

處女星號嘅房間由最貴嘅 AA 露台行政套房至 DD 內側客房共分 15 級，價錢相差達 8 倍，但上得船出海梗係最低限度都要住有露台嘅海景客房啦！好 feel 好多架！

兩日一夜南中國海之旅如果好似我哋咁住 BC 級嘅露台海景客房每位原價 $1499 ，30 日前預訂價 $1269 ，再加港務費同燃油附加費每位 $370 ，兩個人平極都要 total 俾 $3278 ，如果公眾假期出發每位仲要俾多 $320 附加費，即係今次就咁去嘅話就要接近 $4000 先埋到單 . . .

但唔好忙記食嘢、睇 show 及好多娛樂設施都係免費噃！搭船去澳門住一晚酒店食埋 3 餐都差唔多啦！

王妃攞到嘅超筍優惠兩個人夾埋只係 $1280 咋！唔去就笨啦！而且今次仲有意外收獲，連旅費都賺埋添！

處女星號內有 980 間客房，樓高 13 層嘅船艙設有唔同嘅餐飲、休閒及娛樂設施。大過雙魚星、獅子星好多架！

處女星號嘅大堂有啲似帝苑酒店，富麗堂皇到呢 . . .

今次嘅意外收獲就發生喺呢度 . . . Oasis 娛樂場，我對賭無乜興趣，只係攞 $500 入去玩吓大細，$50 舖主攻 1 賠 7 嗰幾格，個半鐘頭後嬴咗今次嘅旅費兼落船後嘅全日洗費，2 個傻嘅開心到忘晒形 . . . 猛咁大聲嗌咗好多次 Yes！

Karaoke pub 格局好型 . . . 但我無入到去 . . .

麗都歌劇院個 show 超精彩，幾十位表演者有奧運獎牌得主、世界體操冠軍 . . . 粒幾鐘嘅 show 拍掌拍到手軟

12 樓嘅露天酒吧吹住海風飲番兩杯寫意到極

遊戲機中心好大間，相中只 show 咗 1/4 咋！

溫泉及健身中心有桑拿、按摩、對流溫水運動浸池

放心，男女賓係分開嘅！

好大副國際象棋呀！捉完包你唔攰死都晒死 . . .