不眠王子

Sorriso 米芝蓮星級 Brunch 平嘆維港景

由不眠王子於 2011年11月24日發表人氣：851

電郵給朋友

早兩日喺 Facebook 放咗上面張相，又有朋友問我係咪用大機影，王子喺度再講多次，我真係用緊部 Ricoh DC 仔 CX5 影相，亦唔會執相，上面呢張係影完直出放上網，光源係天然太陽光。咁好陽光，因為上個星期日跟朋友去咗食一個抵到難以置信嘅 Sunday brunch ，有幾抵

無敵維港景米芝蓮星級意大利廚師 + 前半島酒店餅廚

= $300 有找？

尖沙咀有咁平嘅 Sunday Brunch？仲要係阿一鮑魚新開嘅姊妹店？

新開無耐嘅意大利餐廳 Sorriso 新推出嘅呢個 Bruno's Sunday Brunch ，其實唔只星期日有得食，星期六都一樣有得供應，時間係 12:00p.m - 3:30p.m ，2:30p.m last order ，有朋友唔係好明，以為 2:30p.m 就要走人，其實 last order 意思只係指主菜嘅最後落單時間，大家係可以全程食足 3 個半小時至走架！

Bruno's Sunday Brunch 由意大利名廚 Nicolino Bruno 主理，老人家入行接近 40 年，先後為德國及比利時兩間意大利餐廳摘下 1 粒米芝蓮星星，自己亦擁有餐廳 Tutto Pepe ，而家族於意大利更擁有一個橄欖園呢！最近 Chef Bruno 隨兒子定居香港，被阿一楊貫一誠邀加盟 Sorriso ，當日食 brunch 時王子有幸一睹星級名廚嘅風采，試咗其中兩道主菜後深覺廚師烹調水準相當高之餘，醬汁配搭之妙亦令人充滿驚喜。

前半島酒店餅廚 Chef Alen 更係重出江湖，新加盟 Sorriso ，負責甜品部份，我哋去嘅當日係 Sunday Brunch 首度登場，所以見到 Chef Alen 出嚟打招呼呢！