不眠王子

意味有心太軟的抵食情侶晚餐

由不眠王子於 2011年11月04日發表人氣：665

電郵給朋友

意味 Fragrant Kitchen 其實幾年前王子喺 Blog 都推介過，當年佢位於葵芳新都會廣場內，主打半自助餐，搬到大角咀後，風格基本無變，但感覺個格局比以前企理咗，喺附近一帶好難搵到一間咁似樣嘅西餐廳。

雖然平日晚市仍然係做半自助餐，但佢哋都趕上團購嘅潮流，以靚價打造咗一個水準頗高嘅情侶美國西冷套餐，早排跟靚女拍檔 Ooboo 去實地影相兼試食，結果係個二人套餐好食到兩隻餓鬼好似啱啱放監咁，真係失禮死人。

綠餐枱、黑皮椅、紫餐紙 . . . 餐廳色調鮮明，望落相當醒神。

餐廳另一邊就以海洋為主題，唔講你未必知呢度係大角咀。

餐枱真係好 sharp ，對增加食慾絕對有幫助。

情侶美國西冷套餐原價 $398 ，團購價只係 $198 ，抵食到無朋友，不過餐廳講明限售 100 份，你走咗寶唔關我事了。

www.bigdealhk.com

餐包暖烘烘、夠軟熟，餐湯就 . . . 麻麻哋 (我一向係咁坦白架啦！)

德國廚師沙律大大碟，薯仔厚切薯味濃，幾款沙律菜亦夠晒 fresh。

海鹽燒魽魚伴珍珠帶子意大利飯相當有驚喜，魚皮香口微脆，肉質卻嫩滑到不得了。而意大利飯軟糯好咬口，好味到我唔捨得同 Ooboo share。

特級美國西冷足 8oz ，仲可以跟侍應要求幾成熟都得 (好多西餐廳都唔興問)。

我愛牛扒生啲，點了 medium rare ，肉鮮嫩、牛味濃，啲肉汁多到呢 . . . .

比利時 75% 朱古力心太軟原價要 $68 架！用 75% 比利時朱古力及加拿大優質麵粉製作，一食就知係用咗高級朱古力。

心太軟朱味香濃到不得了，雪糕仲勁大球，仲有新鮮士多啤梨相伴添！

睇吓朱古力心太軟幾流心 . . . 係咪流晒口水呢？

餐茶亦大大杯，唔會欺場架！

電話 : 2401 3591 平均消費 : $100 / 位

地址 : 大角咀埃華街 84-86 號大成樓地下

分享到 facebook

上一篇：反斗奇兵空降海港城

下一篇： Pink Box 皇冠手袋掛鈎美觀又實用