不眠王子

由不眠王子於 2006年02月15日發表人氣：550

電郵給朋友

2 月 14 日晚，自命一向不隨波逐流兼計仔多多的我向王妃榮譽呈獻 . . .

韓風情濃痴心比金堅醉迷國度一夜無懈可擊豪華宴

簡稱韓國餐 . . .

個人覺得，那些所謂情人節晚餐查實係俾 d 平時無乜情趣、只去麥記、大快樂之男子討女友歡心而識做之一日情趣獻禮限定。平時同王妃周圍去飲飲食食，佢習慣將去過的食店嘅資料寫低，兩年來我倆已去了接近二百間食府啦。

講番呢晚，我哋去跑馬地歎番個正宗韓國餐慶祝，正宗者呢度由老闆娘到廚師甚至兩個女待應也是韓國人，我大大話話幫襯佢哋都有十幾年了，反而王妃係第一次嚟！

呢晚我只叫了 (左邊上至下) 特上牛肉、豬頸肉、雞肉、右邊的大蝦及下圖的生牛肉 (好食到唔記得影相，其實個賣相好正架) 。埋單只係五百幾蚊咋！但係前菜嗰八小碟嘅好味程度經已嚇親平時都食唔少韓國餐嘅王妃。

你睇吓隻蝦幾新鮮幾大隻 (一碟有 6 大隻) 都唔駛 100 蚊碟就知堅啦！

食盡港、九嘅韓國餐廳，呢間水準肯定係三甲之一！

食唔食到呢度 D 生牛肉就真係隨緣，老闆娘曾經試過成個月都唔出呢道菜，佢話要揀到最上等嘅牛肉才會整喎，我將 D 蛋黃同青瓜絲及蒜絲撈勻夾一啖食入口，新鮮瀨滑溉牛肉涼浸浸入口即溶，出邊唔係咁易食到架！

隻大煆熟未呀 . . . .

哈哈哈哈 . . . 正到痺韓國燒大蝦

搜尋王子的文章