不眠王子

迪士尼樂園飛躍奇妙5周年晚宴

由不眠王子於 2011年02月01日發表人氣：377

電郵給朋友

迪士尼樂園 5 周年，王子晚上出席【飛躍奇妙 5 周年慶祝晚宴】！呢晚迪士尼封咗小小世界一帶的範圍，做一個充滿遊園會 feel 的 buffet party ，晚宴主要招待迪士尼的合作伙伴及傳媒界的高層人士，人數接近 400 人。

Blogger 呢？當然係被邀之列啦！但唔係網上流傳只得 8 個 blogger 咁少，我咁講係唔想有人誤導大家，製造一個懶矜貴的假像。單係王子圍內一班 blogger 朋友都唔只 8 個嚟呢個 party 啦！好似 Alice 愛麗絲、Meling 、Kaka 、Tika 、Daisy 及 Jensen 更係跟王子結伴一齊飲飲食食，而搵食其間更撞到 babyalphia、點點、搵食能手、食記 M 等一班 blogger 朋友，再加埋有打招呼的，出席的 blogger 肯定超過 20 人囉！

樂園咁大，美食攤位多到嚇死人，泰式、印式、日式樣樣齊，甜品區啲款式更多到令人有選擇困難症，一生人都未遇過有咁具規模的 buffet party 呀！

迪士尼預備咗大量暖包俾大家，多窩心啊！

場內汽水、橙汁、嘷酒、紅酒通通任飲。

青口、凍蝦、翡翠螺的冷盤海鮮枱都有兩檔。

向來愛食蝦的我呢晚忍得住唔食凍蝦，太多更正嘛！

刺身款式唔多，但相當新鮮。

多肥美的帶子啊！

呢晚主攻牡丹蝦，一來味道鮮甜，二來外面食咁大隻的 size 平均要 $40 左右，我食咗一打有多 . . . 呵呵！