不眠王子

米芝蓮指南 x 不眠王子 Blog 有獎遊戲提示4

由不眠王子於 2010年11月15日發表人氣：753

電郵給朋友

有無諗過成為米芝蓮星級食家，享受到一餐米芝蓮星級晚宴嘅機會呢？《米芝蓮指南 - 香港澳門 2011》新加入咗 71 間食肆，佔咗 2011 年版內二百幾間推介餐廳中超過 1/4 嘅數量，當中包括咗唔少地道嘅食店。

《米芝蓮指南》喺 Facebook 舉辦咗個「尋找米芝蓮星級食家」嘅有獎遊戲，俾大家競猜 12 月初推出嘅《米芝蓮指南 - 香港澳門 2011》內，新收錄咗邊間餐廳。

佢哋每個星期會喺 Facebook 刊登相關提示，合共 8 個提示，而你可以根據提示競猜，每星期會有 5 位最接近答案嘅參加者將會獲得「米芝蓮星級食家」嘅稱號，及獲贈 12 月初面世嘅《米芝蓮指南 - 香港澳門 2011 》一本。

整個活動結束後，大會將選出 8 個提示遊戲內答中得最多、最接近《米芝蓮指南 - 香港澳門 2011》嘅 5 位參加者，成為「三星級米芝蓮食家」，並可以喺指定餐廳親身享受一餐米芝蓮星級盛宴。

☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆

米芝蓮指南搵咗王子幫手俾提示之餘，仲同不眠王子 Blog crossover ，獨家提供額外中獎機會俾大家。

只要你上《米芝蓮指南》嘅 Facebook 玩遊戲，填上名字時，喺你個名後面加上（不眠王子)｛好似上面幅圖咁｝。主辦單位就會撥入額外名單，每個提示會獨立選出 3 位朋友送出指南（同時亦附加喺 Facebook page 列入米芝蓮星級食家行列）。而米芝蓮星級晚餐嘅名額，亦會額外多加 3 個俾參加遊戲時加咗 (不眠王子) 嘅朋友。

★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★

提示【燒味】、【中環】、【馬拉菜】已經出咗，我亦已經喺遊戲表格中俾咗提示，大家快啲上去玩啦！

http://www.facebook.com/michelin.gourmets

第 4 個提示 :【粥店】

食粥是中國文化四大主食裡的其中一種。今年米芝蓮團隊在 2011 年版新加入粥店這個類別。在以往的指南中我們可以找到有名的粥麵餐廳，但今年的米芝蓮飲食指南新加了的三家，都是專門的粥品專家。

要選值得上榜的【粥店】唔算太困難，我一想便想到 3 家，都係歷史悠久但仍非常人氣的老字號。其中一間係有超過四十年歷史的 生記粥品專家 ，自己幫襯也超過 10 年了。

他們的粥底數十年如一日的綿滑，配料亦足，跟外間一般粥店的水汪汪、無米氣，食完都唔飽的貨色形成強烈對比。魚粥更細緻到分骨、腩、球、片四類，而豬膶併鮮牛肉粥是我的至愛雙併粥品，牛肉永遠都份量十足兼鮮嫩，咬落爽夾滑又重肉味。豬膶大大件爽口鮮嫩。

分享到 facebook

上一篇：米芝蓮指南 x 不眠王子 Blog 有獎遊戲提示5

下一篇：南山村魚肉燒賣新鮮即場做迷之車仔檔