可口可樂世博之旅 : 可口可樂館 盡情玩
由 不眠王子 於 2010年07月22日發表 人氣：597
上 海 世 博 之 旅 嘅 第 2 日 一 早 就 主 菜 上 場 : 暢 遊 世 博 10 小 時！由 於 事 前 做 足 心 理 準 備 ，預 咗 一 日 之 內 入 唔 到 太 多 館 參 觀 ，所 以 去 完 可 口 可 樂 館 後 就 跟 另 一 團 友 林 先 生 一 家 3 口 結 伴 同 行 ，方 便 沿 途 有 個 照 應。
可 口 可 樂 嘅 同 事 相 當 細 心 ，除 咗 安 排 世 博 門 票 外 ，仲 每 人 派 咗 幾 張 飲 品 換 領 券 ，隨 時 去 銷 售 店 換 汽 水 飲。
可 口 可 樂 館 朝 早 10 點 已 見 長 長 嘅 人 龍 ，跟 隊 排 要 幾 耐 至 入 到 去？答 案 係 兩 個 半 小 時 . . . 睇 完 已 經 1 點 半 咯！
你 明 白 點 解 咁 多 人 話 一 日 先 睇 到 2、3 個 熱 門 嘅 館 吧！
可 口 可 樂 館 最 引 人 注 目 嘅 ，一 定 係 呢 個 高 達 15 米 ，全 球 最 大 嘅 LED 可 樂 形 樽 ，望 住 佢 不 停 播 放 唔 同 嘅 圖 案 及 可 樂 廣 告 ，排 隊 都 排 得 無 咁 悶 呀！
每 隔 一 段 時 間 ，可 樂 館 仲 會 安 排 表 演 俾 大 家 睇 添！
例 如 少 女 dancers 會 隨 住 強 勁 節 奏 嘅 音 樂 大 跳 勁 舞
但 靜 靜 話 你 知 ，可 樂 館 內 嘅 工 作 人 員 仲 多 靚 女 呢！
我 哋 係 VIP 嘛！梗 喺 由 特 別 通 道 入 去 啦！
無 咗 佢 ，原 來 係 去 唔 到 館 內 嘅 VIP 樓 層 架！
工 作 人 員 先 幫 各 人 扣 上 快 樂 工 坊 嘅 通 行 手 帶 . . .
大 家 由 工 作 人 員 引 領 下 ，從 職 員 通 道 行 去 各 個 區 域。
可 口 可 樂 館 雖 然 只 得 幾 層 樓 高 ，但 一 樣 有 可 以 搭。
館 內 展 出 幾 件 可 樂 精 品 ，數 量 仲 少 過 我 屋 企 嘅 收 藏 ，呢 支 結 他 其 實 係 discman 嚟 架！好 多 年 前 我 都 有 支 架！
可 樂 館 嘅 主 劇 院 "體 驗 快 樂" 區 域 內 ，會 播 放 長 達 6 分 鐘 嘅 影 片 "可 口 可 樂 快 樂 工 坊" ，即 係 大 家 平 日 喺 電 視 見 到 嗰 個 30 秒 廣 告 嘅 足 本 版 本。
就 咁 睇 相 係 有 啲 寡 ，俾 少 少 你 哋 睇 啦！
點 呀？係 咪 好 正 呢？
可 樂 館 最 神 秘 嘅 ，係 位 於 2 樓 嘅 "尊 享 快 樂" 區 域 ，就 算 你 排 隊 入 到 個 館 ，都 嚟 唔 到 呢 層。因 為 呢 個 貴 賓 室 每 日 只 招 待 150 個 客 ，同 一 時 段 唔 可 以 超 過 70 人 喺 度 ，仲 規 定 要 喺 10 日 前 預 約 ，香 港 人 想 嚟 呢 層 睇 怕 都 要 搵 人 幫 手。
"尊 享 快 樂" 區 其 實 係 個 VIP 休 息 室 ，中 間 仲 有 吧 枱。
汽 水 櫃 內 嘅 飲 品 係 免 費 任 你 飲 . . . 免 費？係 呀！除 咗 有 可 口 可 樂 、雪 碧 、粒 粒 橙 、雀 巢 檸 檬 茶 ，連 貴 價 嘅 維 他 命 水 都 有 得 任 飲 ，仲 要 係 有 好 多 隻 味 道 呢！
唔 鍾 意 坐 吧 枱 ，可 以 坐 另 一 邊 嘅 梳 化 區。
仲 有 幾 款 小 食 任 食 添！
我 至 愛 嘅 思 樂 冰 都 有 ，前 後 飲 咗 2 杯 呀！
呢 部 機 巴 閉 啦！佢 叫 做 "隨 心 混 搭 自 動 售 賣 機" ，你 可 以 喺 over 100 種 嘅 飲 品 牌 子 揀 出 多 個 心 水 去 mix 埋 一 齊 ，佢 就 會 即 時 製 出 一 杯 屬 於 你 嘅 飲 品 ，但 全 場 無 人 敢 試！
呢 部 "可 口 可 樂 互 動 式 售 賣 機" 最 受 大 家 歡 迎 ，46 寸 輕 觸 式 屏 幕 會 播 放 可 樂 廣 告 片 ，按 一 吓 個 樽 ，就 會 有 支 可 口 可 樂 紀 念 樽 碌 落 嚟 ，仲 可 以 用 手 機 嘅 藍 牙 download 圖 案 添！
See？一 見 呢 支 可 口 可 樂 ，大 家 即 時 蜂 擁 而 上 . . .
話 晒 係 限 定 版 ，所 以 每 人 限 攞 一 支 咋！
我 嗰 支 可 樂 俾 埋 林 先 生 ，等 佢 可 以 集 齊 兩 款。
由 可 樂 樽 砌 成 嘅 巨 型 可 樂 擺 設 亦 唔 係 普 通 貨 色 ，樽 身 係 用 咗 植 物 環 保 原 料 所 製。
跟 住 落 番 去 "釋 放 快 樂" 區 域 ，每 人 會 得 到 一 支 特 爽 冰 昔 ，即 係 我 哋 喺 香 港 飲 到 嘅 凝 冰 可 樂 ，原 來 上 海 仲 未 推 出 架！現 場 嘅 工 作 人 員 仲 會 示 範 點 做 到 凝 冰 效 果 架！
呢 支 凝 冰 可 口 可 樂 只 有 200 毫 升 ，比 香 港 嘅 細 支。但 呢 個 係 植 物 環 保 樽 ，香 港 仲 未 有 太 多 人 有。
"釋 放 快 樂" 區 域 仲 有 好 多 得 意 造 型 俾 你 影 餐 飽。
屋 頂 露 台 亦 係 排 隊 都 上 唔 到 嚟 ，只 接 受 團 體 去 預 約。
可 以 超 近 距 離 望 吓 個 LED 可 樂 樽。
臨 走 記 得 蓋 番 個 世 博 可 口 可 樂 館 紀 念 印 呀！
一 見 我 影 相 ，靚 女 即 時 好 sweet 咁 望 向 鏡 頭。
玩 完 出 到 嚟 已 差 唔 多 中 午 ，條 人 龍 仲 長 過 朝 早 呀！
上一篇： 超幻想‧超現實 池龍虎及李桓權 作品展
下一篇： 可口可樂世博之旅 : 上海半天短線遊
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
