又 到 王 子 周 末 推 介 啦！今 次 仲 係 第 一 次 寫 樂 富 食 店 出 王 子 印 章 添！但 見 到 個 標 題 係 咪 有 成 堆 問 號 呢？樂 富 都 有 隱 世 秘 店？乜 嘢 滿 地 眼 鏡 碎 呀？

話 御 膳 飯 莊 係 隱 世 秘 店 ，因 為 佢 新 開 張 2 個 星 期 無 雜 誌 提 過 、無 乜 食 評 講 過 ，就 算 有 ，都 唔 係 食 佢 哋 嘅 京 滬 菜 或 招 牌 菜。咁 乜 嘢 叫 滿 地 眼 鏡 碎 呀？因 為 呢 間 中 菜 館 是 夜 嘅 水 準 ，媲 美 5 星 級 酒 店 嘅 中 菜 廳 ，每 出 一 道 菜 都 令 大 家 讚 嘆 一 次 ，攪 到 我 哋 個 個 都 跌 晒 眼 鏡。而 服 務 亦 已 超 越 殷 勤 嘅 境 界 ，應 該 用 窩 心 去 形 容 ，誇 張 嗎？你 去 呢 類 中 菜 館 ，有 幾 可 見 到 總 廚 會 出 嚟 誠 心 問 吓 你 意 見 ，得 我 哋 有 此 厚 待？不 ，轉 頭 又 見 上 海 老 師 傅 跟 鄰 枱 客 人 有 講 有 笑 ，就 連 負 責 傳 菜 嘅 侍 應 於 上 菜 時 會 提 點 你 那 道 菜 要 趁 熱 食 ，或 熟 練 咁 介 紹 菜 式 內 用 咗 乜 嘢 配 料 . . .

Sorry！今 次 寫 得 太 多 ，因 為 坊 間 嘅 同 類 食 店 極 少 遇 到 以 上 服 務 ，屋 邨 商 場 更 加 係 第 一 次 ，最 近 去 過 同 區 另 一 菜 館 ，去 到 經 理 級 數 嘅 管 理 層 都 夠 膽 死 對 菜 式 一 曉 不 通 ，跟 廚 房 零 溝 通 ，連 呢 度 嘅 侍 應 都 比 不 上 . . .

單 係 一 道 香 麻 拔 絲 蘋 果 嘅 認 真 程 度 ，大 家 喺 老 字 號 嘅 人 氣 食 館 都 未 必 嘆 得 到 ，唔 信 上 Youtube 睇 睇 啦！

御 膳 飯 莊 前 身 係 樂 富 嘅 仿 膳 飯 莊 ，以 前 都 去 飲 過 茶 、食 過 晚 飯 ，印 象 唔 錯 ，但 無 諗 過 變 身 御 膳 飯 莊 後 ，整 體 水 準 會 提 昇 咗 咁 多。就 連 店 內 嘅 格 局 都 高 級 咗。

廚 房 學 足 酒 店 玩 high class ，大 大 個 玻 璃 房 一 目 了 然 ，大 廳 食 客 可 以 一 邊 食 飯 一 邊 睇 住 一 班 老 師 傅 嘅 廚 藝。

是 夜 1 男 單 挑 3 美 女 ，跟 嘉 嘉 、Gigi 及 阿 Hei 食 到 興 高 彩 烈 ，4 個 人 竟 狂 掃 10 道 菜 加 4 款 甜 品 ，嚇 死 人 啦！最 匪 夷 所 思 係 3 個 女 仔 都 屬 於 偏 瘦 嘅 一 類 ，點 估 到 咁 有 食 力。

羅 漢 果 木 瓜 煲 龍 脷 葉 ($10) 係 店 內 嘅 每 日 精 選 特 飲 ，晚 晚 不 同 ，大 大 杯 清 甜 滋 潤 熱 烘 烘 ，煲 得 夠 火 候 ，抵 飲。

店 內 小 食 分 例 牌 及 細 size ，除 咗 以 下 碟 雞 係 例 牌 ，其 餘 都 係 細 size . . . 其 實 都 夠 4 個 人 share ，唔 太 細 碟 架！

八 年 陳 花 雕 醉 雞 ($52/例) 顧 名 思 義 係 用 八 年 陳 嘅 花 雕 去 浸 雞 ，出 面 嘅 醉 雞 一 般 只 會 浸 一 晚 過 夜 便 算 ，肉 嚡 又 無 乜 酒 香。呢 度 卻 浸 足 3 晚 ，雞 肉 超 滑 溜 兼 有 濃 濃 嘅 酒 香。

雞 肉 嫩 滑 到 不 得 了 ，雖 然 用 冰 鮮 雞 令 雞 味 欠 奉 ，但 處 理 得 非 常 好 ，有 食 新 鮮 雞 嘅 質 感。經 理 話 客 人 如 果 想 食 新 鮮 雞 ，可 以 預 先 訂 枱 時 講 明 及 查 詢 價 錢。

嗱！呢 啲 經 理 至 可 以 留 到 熟 客 嘛！

糖 醋 小 排 骨 ($26/細) 甜 甜 哋 頗 惹 味 ，送 飯 佐 酒 皆 一 流

香 蔥 拌 海 蜇 ($28/細) 朋 友 仔 不 停 話 好 爽 口 ，我 話 何 只 爽 口 呀！直 情 爽 脆 啦！真 係 後 悔 唔 點 例 牌 呀！

皮 蛋 拌 豆 腐 ($26/細) 相 對 其 他 小 食 ，當 然 無 乜 驚 喜。

御 膳 小 籠 包 ($25) 有 5 隻。喺 大 家 諗 住 呢 個 價 錢 都 唔 會 有 乜 驚 喜 之 際 ，小 籠 包 賣 相 對 辦 到 極 ，每 隻 嘅 摺 紋 都 咁 均 勻 ，而 且 有 14 摺 以 上 ，好 多 時 幫 襯 啲 人 氣 上 海 館 子 都 未 必 做 到 隻 隻 都 咁 平 均。最 驚 喜 係 包 內 嘅 肉 餡 非 常 鮮 味 ，湯 汁 鮮 甜 ，份 量 恰 如 其 分 ，個 人 覺 得 小 籠 包 唔 蘸 醋 ，就 咁 成 隻 放 入 口 ，食 其 鮮 味 至 係 皇 道。

以 下 係 5 道 令 人 讚 嘆 不 已 嘅 主 菜；

御 膳 京 醬 蝦 ($23/隻) 係 招 牌 菜 ，本 來 點 8 隻 ，但 因 為 另 點 香 蔥 凰 尾 蝦 而 將 order 減 半 ，咬 咗 一 啖 ，後 悔 到 想 死 . . .

師 傅 採 用 大 隻 嘅 虎 蝦 ，以 烹 調 京 菜 嘅 醬 汁 泡 製 ，上 到 枱 香 味 四 溢 ，賣 相 靚 到 極。

京 醬 蝦 香 噴 噴 ，蝦 肉 鮮 味 彈 牙 ，微 甜 中 又 帶 點 香 辣 ，惹 味 到 好 想 叫 碗 白 飯 去 送。

御 膳 京 醬 蝦 太 太 太 太 好 味 ，連 殼 都 唔 好 放 過 呀！

香 蔥 鳳 尾 蝦 ($65) 第 一 次 食 鳳 尾 蝦 用 類 似 日 式 天 婦 羅 嘅 整 法 ，連 配 菜 嘅 三 色 椒 都 一 樣 整 晒 天 婦 羅 ，香 口 到 極 ，食 到 朋 友 仔 鬼 咁 開 心。

鳳 尾 蝦 外 層 炸 到 香 口 鬆 脆 兼 有 蔥 香 ，又 唔 太 油 膩。

松 鼠 桂 花 魚 ($150) 係 全 晚 最 受 歡 迎 菜 式 之 一 ，食 完 第 一 啖 ，席 上 好 味 2 個 字 此 起 彼 落 ，條 魚 瞬 間 被 極 速 報 銷。

桂 花 魚 肉 質 鮮 嫩 超 滑 溜 ，魚 皮 炸 到 鬆 脆 香 口 ，醬 汁 嘅 酸 甜 度 適 中 ，難 以 置 信 屋 邨 商 場 食 到 咁 高 超 嘅 水 準。

桂 花 魚 仲 可 以 揀 紅 燒 、乾 燒 或 油 浸 3 種 整 法 添！

御 膳 烤 鴨 ($180/中) 分 中 及 大 鴨 2 個 size ，大 隻 用 5 斤 半 重 嘅 農 場 鮮 鴨 ，中 嘅 就 用 3 斤 重 ，4 個 人 食 中 鴨 已 OK！

御 膳 烤 鴨 係 御 膳 飯 莊 嘅 招 牌 菜 ，當 然 由 有 經 驗 嘅 部 長 或 經 理 親 自 喺 客 人 面 前 片 鴨 啦！

御 膳 烤 鴨 屬 於 掛 爐 烤 鴨 派 ，每 塊 鴨 肉 都 係 連 皮 去 片

鴨 肉 片 起 ，每 塊 厚 薄 均 勻 ，仲 要 好 有 心 機 咁 砌 埋 花。

鴨 肉 鮮 嫩 皮 薄 香 脆 唔 油 膩 ，就 咁 食 我 已 經 好 滿 足。

御 膳 飯 莊 嘅 烤 鴨 最 令 人 讚 嘆 嘅 地 方 ，係 俾 到 客 人 一 份 窩 心 嘅 感 覺 ，一 份 $180 嘅 烤 鴨 ，陣 容 之 強 ，坊 間 少 有。

薄 餅 令 人 感 覺 窩 心 嘅 唔 係 嚟 自 薄 餅 本 身 ，而 係 店 方 將 盛 咗 熱 水 嘅 小 蒸 爐 放 喺 蒸 籠 之 下 作 座 熱 之 用 ，大 家 攞 上 手 嘅 薄 餅 都 係 暖 烘 烘 嘅！夠 窩 心 吧！

薄 餅 因 為 一 直 暖 住 ，無 攤 凍 到 ，所 以 餅 皮 相 當 軟 熟

你 食 過 北 京 烤 鴨 有 咁 多 種 配 料 嗎？京 蔥 絲、芹 菜 絲、大 頭 菜 絲、酸 蘿 蔔 片、青 瓜 條 及 甜 醬 ，任 你 組 合 唔 同 變 化。

放 上 鴨 肉 ，再 加 心 水 配 料 ，用 薄 餅 捲 住 . . . Perfect！

胡 同 開 洋 蔥 油 溫 拌 麵 ($28) 係 上 海 嘅 人 氣 小 食 ，開 洋 蔥 油 做 法 簡 單 ，但 工 序 都 幾 多 ，所 以 唔 係 度 度 有 得 食 ，開 洋 蔥 油 蔥 香 撲 鼻 ，麵 身 爽 滑 ，好 食！

桂 花 酒 釀 丸 子 ($48) 一 大 窩 上 枱 ，4 人 夠 分 有 餘。

桂 花 香、酒 香 處 處 ，丸 子 夠 軟 糯 ，最 攞 命 係 份 量 超 多

冰 糖 桂 花 燉 雪 梨 ($22) 唔 駛 食 都 知 有 幾 香 甜 滋 潤 ，雪 梨 燉 到 軟 淰 淰 ，透 出 桂 花 香 ，Sweet 到 震 ，值 得 俾 $22。

陳 皮 豆 沙 煎 窩 餅 ($38) 其 實 無 乜 特 別 ，煎 得 香 脆 唔 難 ，紅 豆 蓉 亦 夠 綿 蜜 ，但 加 咗 陳 皮 ，又 有 另 一 番 風 味。

香 麻 拔 絲 蘋 果 ($62) 因 為 大 家 食 得 拔 絲 香 蕉 多 ，所 以 今 次 揀 咗 拔 絲 蘋 果。食 到 飽 飽 起 身 由 偏 廳 行 去 大 廳 諗 住 四 圍 影 吓 相 ，咁 啱 見 到 大 廚 泡 製 緊 拔 絲 蘋 果 ，機 會 難 逢 ，即 刻 舉 機。原 來 整 拔 絲 蘋 果 都 幾 大 陣 仗 吓！右 邊 個 廚 師 不 斷 拋 鑊 ，令 黏 滿 糖 漿 嘅 蘋 果 唔 會 互 相 黐 住 ，而 左 邊 嘅 大 廚 要 快 速 將 熱 辣 辣 嘅 蘋 果 即 時 逐 件 挾 上 碟 . . . .

侍 應 快 速 將 碟 蘋 果 上 枱 ，再 由 部 長 喺 客 人 面 前 將 蘋 果 放 進 冷 水 拔 絲。外 邊 9 成 9 都 係 求 求 其 其 用 普 通 冰 水 過 冷 河 ，但 呢 度 就 會 用 雪 碧 或 忌 廉 ，等 客 人 食 拔 絲 蘋 果 時 唔 會 感 覺 到 冰 水 味 ，而 係 汽 水 嘅 微 甜 清 香。

See？見 唔 見 長 長 嘅 拔 絲？喺 出 面 食 ，侍 應 都 係 急 急 咁 過 一 過 冰 水 就 上 碟 ，喺 Youtube 想 搵 段 拔 絲 片 都 難！

拔 絲 蘋 果 外 甜 脆 、內 爽 口 ，連 白 芝 麻 都 咁 香 ，難 得 件 件 賣 相 都 咁 靚 ，唔 似 得 出 面 嗰 啲 咁 忽 大 忽 細。

大 家 都 忍 唔 住 話 單 係 嚟 食 甜 品 都 值 得 ，鍾 意 食 甜 品 嘅 樂 富 居 民 有 福 啦！

埋 單 約 $1000 ，除 開 每 人 $250。但 食 咗 10 道 菜 加 4 款 甜 品 ，超 值 到 極！呢 餐 4 個 人 由 頭 讚 到 尾 ，好 耐 無 試 過 咁 興 奮 嘅 飲 食 經 驗 ，一 路 寫 呢 篇 blog 仍 然 回 味 中 . . .

電 話 : 2336 0131 平 均 消 費 : $150 - $250 / 位