禾牛薈火煱館 首度幫襯 不一樣的禮遇
由 不眠王子 於 2010年03月19日發表 人氣：715
又 到 王 子 周 末 推 介 啦！九 龍 城 有 唔 少 火 鍋 店 ，但 有 啲 食 得 過 嘅 伙 記 態 度 卻 差 到 死 ，有 啲 服 務 好 嘅 但 食 材 質 素 又 麻 麻 哋！有 啲 持 住 有 食 家 讚 過 就 當 班 客 係 水 魚 住 搶 . . . 要 搵 間 又 好 食 、招 呼 又 好 又 唔 搶 錢 嘅 . . .
來 來 去 去 其 實 咪 得 嗰 2 、3 間！
禾 牛 薈 火 煱 館 喺 九 龍 城 開 咗 短 短 幾 過 月 ，已 經 人 氣 到 街 知 巷 聞 ，我 呢 幾 個 月 每 逢 知 道 冷 空 氣 就 到 ，已 經 懶 醒 目 預 早 幾 日 訂 位 ，答 案 卻 永 遠 得 一 個 :「唔 好 意 思 ，嚟 緊 幾 日 已 經 full 晒 啦 . . .」唔 係 呀 化？咁 誇？
終 於 book 到 上 個 星 期 三 嚟 試 吓！仲 遇 上 意 想 不 到 嘅 禮 遇 ，呢 晚 天 寒 地 凍 ，約 咗 4 個 朋 友 嚟 開 餐 ，因 家 住 附 近 所 以 早 到 ，先 影 吓 門 口 相 ，其 間 有 個 著 便 服 嘅 後 生 靚 女 突 然 企 開 兼 對 住 王 子 話 隨 便 影 啦！見 我 影 完 企 喺 門 口 打 冷 震 ，又 好 有 禮 貌 咁 問 我 係 咪 訂 咗 枱 ，不 如 入 去 飲 杯 熱 茶 坐 住 等 . . . 喺 呢 個 moment ，梗 係 加 晒 印 象 分 啦！
當 然 所 講 嘅 奇 妙 禮 遇 並 非 呢 一 part！
禾 牛 薈 火 煱 館 其 實 地 方 唔 算 大 ，只 得 數 張 卡 位 及 大 枱 ，容 納 到 70 人 左 右 ，但 環 境 一 啲 都 唔 擠 逼 ，我 哋 5 個 坐 喺 卡 位 都 不 知 幾 舒 適 ，後 嚟 老 闆 遞 上 名 片 兼 告 知 喺 樓 上 整 緊 幾 間 VIP 房 ，下 次 嚟 打 電 話 預 約 就 OK！
呢 度 嘅 火 鍋 湯 底 多 達 15 款 ，唔 少 湯 底 仲 相 當 有 特 色。而 配 料 仲 超 過 100 款 ，仲 要 免 收 加 一 ，睇 見 就 興 奮。
店 內 service 亦 係 九 龍 城 嘅 一 眾 火 鍋 店 中 少 見 ，招 呼 好 到 不 得 了 ，幾 位 疑 似 老 闆 嘅 男 士 推 介 店 內 招 牌 菜 之 餘 又 唔 會 令 人 有 hard sell 嘅 感 覺 ，侍 應 反 應 亦 快 ，加 茶 換 碟 迅 速 ，埋 完 單 更 見 老 闆 親 自 喺 門 口 答 謝 光 臨 . . .
我 只 係 第 一 次 幫 襯 咋！咁 嘅 服 務 態 度 真 係 受 寵 若 驚！
醬 料 9 式 稍 嫌 選 擇 唔 太 多 ，但 都 OK 合 格 嘅！
北 海 道 花 膠 鮮 奶 湯 底 ($88) 係 今 次 嚟 嘅 主 要 目 標 ，鮮 奶 滾 起 時 乳 香 撲 鼻 ，果 然 名 不 虛 傳。唔 想 影 響 到 味 覺 ，所 以 一 致 決 定 唔 玩 雙 拼。最 估 唔 到 係 全 程 加 湯 都 係 加 鮮 奶 以 保 持 純 淨 奶 味 ，唔 會 加 上 湯 溝 稀 ，點 計 都 抵 啦！
花 膠 另 上 ，一 人 1.5 片 又 點 夠 喉？所 以 之 後 又 encore！
老 友 鬼 鬼 ($48) 即 係 蝦 膠 釀 油 炸 鬼 ，呢 個 超 讚 ，你 一 定 要 試。老 友 10 粒 即 叫 即 炸 ，上 到 枱 時 熱 辣 辣 ，記 得 趁 熱 食。油 炸 鬼 香 口 脆 卜 卜 ，裡 面 嘅 蝦 肉 勁 彈 牙 ，正 到 飛 起。
虎 蝦 2 食 ($70 / 隻) 即 係 游 水 虎 蝦 玩 刺 身 ，蝦 頭 玩 椒 鹽 炸 脆。見 老 闆 誠 意 推 介 ，報 完 價 仲 走 去 撈 出 嚟 俾 王 子 睇 吓 啲 蝦 有 幾 生 猛 、有 幾 大 隻 ，於 是 叫 咗 3 隻 試 吓！
印 象 中 無 乜 試 過 咁 食 虎 蝦 法 ，原 來 肉 質 香 滑 勁 鮮 甜
食 完 刺 身 ，侍 應 第 一 時 間 攞 碟 蝦 俾 廚 房 以 椒 鹽 炸 之
椒 鹽 虎 蝦 頭 當 然 香 脆 可 口 ，更 正 嘅 係 有 超 多 蝦 膏 嘛
特 級 手 切 肥 牛 ($148) 係 用 美 國 安 格 斯 牛 肉 ，質 素 相 當 唔 錯 ，油 花 分 佈 尚 算 均 勻。但 之 後 encore 嗰 碟 仲 正。
肥 牛 肉 沐 浴 喺 熱 氣 騰 騰 嘅 北 海 道 鮮 奶 湯 中 ，肉 鮮 加 上 奶 香 ，入 口 齒 頰 留 香 ，肉 嫩 幼 滑 到 好 似 滴 咗 SKII 咁。
老 闆 忽 然 走 埋 嚟 ，笑 笑 口 話 見 我 咁 有 心 機 影 相 ，請 我 哋 飲 咗 一 酌 味 道 天 然 嘅 蘆 薈 小 麥 草 ($32)
奇 妙 禮 遇 唔 係 人 人 有 ，我 俾 咗 貼 士 你 架 啦！其 實 遇 上 優 質 嘅 美 食 ，自 己 自 然 會 有 心 機 去 影 多 啲 相。
花 膠 筒 ($50) 太 正 所 以 encore ，散 叫 當 然 份 量 會 多 啲！
雙 影 夜 明 珠 ($68) 原 來 喺 龍 眼 肉 內 釀 咗 蝦 滑 及 墨 魚 滑 ，一 碟 有 12 粒 ，咁 有 創 意 梗 係 試 吓 啦！
龍 眼 肉 灼 熟 後 ，甜 味 有 所 流 失 ，蝦 肉 及 墨 魚 肉 嘅 份 量 因 龍 眼 肉 size 而 有 所 限 制 ，所 以 口 感 一 般 ，試 過 就 算。
鮮 味 帶 子 串 ($50) 用 一 支 竹 簽 將 5 粒 新 鮮 帶 子 及 粟 米 串 起，再 以 百 福 豆 腐 圍 邊 ，帶 子 大 大 粒 鮮 味 十 足。但 豆 腐 比 較 散 、唔 夠 硬 身 ，建 議 改 用 維 他 嘅 山 水 豆 腐 或 九 龍 城 嘅 義 香 豆 腐。但 呢 碟 純 為 帶 子 ，仍 值 得 一 試。
三 色 餃 ($45) 包 括 鮮 蝦 雲 吞 、金 粟 餃 及 韮 菜 餃 ，抵 食
韮 菜 餃 皮 都 幾 厚 ，但 味 道 唔 錯。
鮮 蝦 雲 吞 口 感 幾 好 ，但 加 咗 生 粉 嘅 賣 相 就 肉 酸 咗 啲
金 粟 餃 雖 然 包 得 唔 靚 ，有 爆 邊 ，但 粟 米 粒 飽 滿 香 甜
自 家 製 芝 心 蝦 丸 ($68) 必 食！點 菜 紙 內 有 芝 心 丸 ，亦 有 蝦 丸 ，但 都 唔 係 自 家 製 嘅！水 準 當 然 有 差 別 ，所 以 要 睇 清 楚 至 點 ，此 丸 係 喺 "特 色 美 食" 欄 內。
用 新 鮮 蝦 肉 製 成 蝦 膠 ，釀 入 芝 士 粒 ，灼 一 陣 就 食 得
蝦 丸 浸 過 牛 奶 浴 後 ，鮮 味 超 彈 牙 ，咬 一 吓 ，蝦 肉 散 發 出 濃 濃 嘅 芝 士 香 ，好 味 到 第 一 時 間 encore 再 嚟 多 碟。
脆 鯇 片 ($35) 份 量 唔 少 ，肉 質 富 光 澤 ，非 常 新 鮮。魚 肉 浸 完 牛 奶 爽 滑 得 嚟 又 透 出 超 濃 乳 香 ，好 味 到 極。
特 級 手 切 肥 牛 ($148) encore 呢 碟 嘅 質 素 比 之 前 嗰 碟 正 咁 多 嘅？梗 係 啦！老 闆 親 自 入 廚 房 攞 出 嚟 嘛！爽 呀！
本 來 想 試 更 正 更 貴 嘅 牛 頸 脊 ，但 老 闆 話 北 海 道 鮮 奶 湯 嘅 濃 味 會 蓋 過 咗 牛 味 ，所 以 食 美 國 安 格 斯 牛 肉 會 適 合 啲！你 諗 吓 牛 頸 脊 一 碟 $198 ，但 老 闆 唔 會 為 咗 賺 多 啲 而 叫 你 試 貴 嗰 碟。若 果 換 轉 第 二 間？哼！一 早 劏 咗 你 啦！
油 花 分 佈 靚 到 極 ，層 次 鮮 明 ，肉 質 更 鮮 嫩 ，牛 味 更 濃
牛 肉 於 牛 奶 中 拖 一 拖 就 食 得 ，肉 質 鮮 嫩 幼 滑 ，超 正！
皇 帝 菜 ($22) 大 大 盆 ，夠 嫩 綠 ，但 我 無 食 到。
金 粟 餃 ($35) 有 幾 隻 依 然 包 得 唔 靚 ，勁 爆 邊 ，但 灌 滿 北 海 道 牛 奶 精 華 嘅 粟 米 餃 超 超 超 好 味 ，所 以 散 叫 多 一 碟！
蓮 藕 片 ($22) 浸 得 越 耐 牛 奶 浴 越 爽 甜 好 味。
炸 枝 竹 ($22) 就 麻 麻 哋！太 過 厚 身 ，食 落 唔 夠 爽 口。
珍 珠 山 根 ($22) 一 籃 竟 然 有 十 幾 個 ，梗 係 抵 食 啦！
椰 汁 西 米 糕 係 送 嘅！面 層 椰 奶 味 道 香 濃 ，好 味！
埋 單 竟 然 係 "一 生 一 世" ，巧 合 到 極！我 一 定 再 嚟 食。
電 話 : 2383 9863 平 均 消 費 : $200 - $250 / 位
上一篇： 圓玄素食館 不過不失 一試無妨
下一篇： 車品品 滋味冬瓜茶 超麻不辣米線仔
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
