星馬殿 粉紫色魅幻 華麗星馬菜
由 不眠王子 於 2010年03月05日發表 人氣：414
又 到 王 子 周 末 推 介 啦！約 女 仔 朋 友 夜 晚 去 食 星 馬 菜 ，10 個 有 9 個 都 以 為 係 去 啲 陰 陰 沈 沈 、破 破 舊 舊 嘅 餐 廳。當 我 知 道 有 間 fusion 星 馬 菜 館 喺 金 鐘 新 開 ，上 個 星 期 一 就 同 王 妃 去 撐 吓 枱 腳 ，去 到 已 經 被 豪 華 嘅 裝 修 嚇 到 差 啲 唔 敢 入 門 口 ，我 哋 由 最 初 嘅 牛 刀 小 試 ，到 後 嚟 擦 番 餐 勁 ，埋 單 嗰 刻 發 覺 ，咦？又 唔 係 好 貴 噃！
餐 廳 新 開 張，地 點 旺 得 嚟 又 有 啲 吊 腳 ，當 晚 連 全 場 只 得 2 檯 客 ，但 我 相 信 ，星 馬 殿 好 快 會 好 旺 場。當 晚 埋 單 後 ，店 中 揸 fit 人 告 知 過 2 日 會 有 正 式 餐 牌 推 出 ，並 邀 請 王 子 兼 可 以 帶 同 幾 位 朋 友 再 嚟 試 菜 及 俾 吓 意 見 ，於 是 隔 咗 幾 日 嘅 星 期 五 ，王 子 就 同 之 前 喺 buffet 同 枱 無 乜 食 到 嘢 嘅 嘉 嘉 及 Tako ，再 加 上 超 愛 紫 色 嘅 Jessica 一 齊 再 嚟 食 過 ，當 晚 大 家 食 得 有 幾 興 奮？擇 日 再 講 . . .
心 急 嘅 可 以 上 Openrice 先 睹 為 快，嘉 嘉 及 Jessica 已 率 先 放 咗 食 評 上 去。講 番 我 同 王 妃 呢 一 餐 先！
全 間 餐 廳 以 紫 色 做 主 調 ，樓 底 相 當 高 ，格 局 豪 華 之 餘 又 帶 幾 分 浪 漫 ，我 唔 講 ，你 又 點 會 估 到 佢 係 間 主 打 星 馬 菜 嘅 餐 廳 ，聽 講 中 間 嘅 圓 櫈 將 會 全 批 換 過 有 得 靠 背 嘅 designer chair ，食 友 到 時 會 坐 得 更 舒 服 吧！
餐 廳 總 廚 強 調 以 新 鮮 食 材 入 饌 ，每 日 會 到 中 環 街 市 入 貨 ，每 道 菜 式 亦 睇 得 出 花 過 唔 少 心 思 ，做 到 色 、香 、味 俱 全。至 於 service 亦 達 到 酒 店 級 ，侍 應 相 當 貼 心 (尤 其 是 女 嘅)，唔 少 創 新 菜 式 都 會 好 用 心 咁 指 導 正 確 食 法。
靠 窗 位 置 有 幾 張 闊 落 嘅 皮 座 卡 位 ，就 算 4 個 人 坐 埋 一 齊 都 唔 會 有 侷 促 嘅 感 覺。
兩 個 廚 房 其 中 一 個 採 開 放 式 設 計 ，以 烹 調 喇 沙 、海 南 雞 及 小 食 為 主 ，內 裡 嘅 大 廚 房 則 由 總 廚 製 作 創 意 美 食。
晚 餐 除 咗 可 以 自 點 菜 餚 之 外 ，亦 可 以 揀 $380 嘅 Tasting menu ，試 過 包 你 話 超 抵 食。
餐 廳 內 仲 有 一 個 巨 型 酒 櫃 ，唔 係 裝 飾 嚟！真 係 可 以 買 嚟 飲 ，但 自 己 一 向 唔 好 杯 中 物 ，留 待 有 緣 人 吧！
青 瓜 、薑 、香 茅 、喇 沙 葉 ，簡 潔 咁 代 表 咗 餐 廳 嘅 方 向
用 意 大 利 Monteforte 礦 泉 水 奉 客 ，計 錢 嗎？頭 一 支 免 費
青 檸 檬 香 葉 茶 ($20) 即 係 檸 檬 茶？味 道 唔 同 噃！茶 味 香 啲 、酸 味 輕 啲！感 覺 清 新 啲！
先 點 2 款 喺 menu 中 較 特 別 嘅 小 食 試 吓！
濃 玉 米 汁 炒 蛋 ($20) 咁 簡 單 嘅 小 食 都 用 咁 大 隻 靚 碟 去 裝？似 乎 有 點 兒 過 於 隆 重 吧！
蛋 炒 得 靚 ，蛋 汁 豐 盈 、入 口 滑 溜 有 蛋 香 之 餘 仲 散 發 出 濃 濃 嘅 天 然 粟 米 香 ，炒 蛋 內 更 放 咗 唔 少 櫻 花 蝦 以 增 強 咬 口。我 一 邊 食 一 邊 諗 ，如 果 早 餐 有 得 食 咁 正 嘅 炒 蛋 ，我 願 意 朝 朝 都 早 啲 起 身 . . . .
班 蘭 雞 翼 ($35) 我 第 一 次 食 ，用 班 蘭 醬 將 雞 翼 以 類 似 天 婦 羅 嘅 做 法 炸 成 ，賣 相 有 啲 嚇 人 ，但 味 道 相 當 唔 錯！
班 蘭 香 味 比 較 輕 ，熱 辣 辣 嘅 雞 翼 肉 質 非 常 香 口 嫩 滑
Singapura 星 加 坡 拉 ($138) 係 晚 餐 6 款 主 菜 之 一 ，星 加 坡 拉 即 係 魚 尾 獅 皇 帝 蝦 配 海 膽 咖 央 調 味 醬 ，賣 相 靚 絕。
魚 尾 獅 皇 帝 蝦 勁 大 隻 ，連 蝦 頭 都 經 精 心 烹 調 過。
皇 帝 蝦 肉 質 鮮 味 勁 彈 牙 ，加 咗 海 膽 咖 央 醬 香 味 更 出
蝦 頭 亦 有 番 咁 上 下 size ，所 以 蝦 膏 勁 多 ，烤 到 香 噴 噴
蝦 頭 同 蝦 身 中 間 係 海 膽 咖 央 調 味 醬 ，俾 你 蘸 過 夠。
跟 住 就 輪 到 試 Tasting Menu ($380) ，冷 盤 5 選 3 ，熱 盤 6 選 3 ，另 外 飯 、麵 、喇 沙 可 任 選 其 一 ，最 後 嘅 甜 品 亦 係 3 選 1。一 個 人 未 必 食 得 晒！2 個 人 嚟 唔 好 食 2 個 tasting menu 呀！點 一 個 再 加 多 個 standard menu 上 嘅 主 菜 ，足 夠 到 極。
冷 盤 3 款 我 揀 咗 喇 沙 醬 海 鮮 卷 、海 膽 蟹 肉 沙 律 及 無 骨 紅 醬 鳳 爪。
無 骨 紅 醬 鳳 爪 無 乜 特 別 ，味 道 係 意 料 之 內。
海 膽 蟹 肉 沙 律 勝 在 樣 樣 都 咁 鮮 味 ，蟹 肉 份 量 勁 多
喇 沙 醬 海 鮮 卷 最 有 驚 喜 ，2 塊 黑 色 嘅 其 實 係 脆 炸 紫 蕃 薯 片 ，味 道 甜 甜 哋 勁 香 脆 ，海 鮮 卷 內 有 唔 少 蝦 肉 ，配 上 喇 沙 醬 香 口 惹 味 到 極！
熱 盤 3 款 我 揀 咗 水 牛 芝 士 冬 菇 配 帶 子 、軟 殼 蟹 沙 律 及 星 洲 雞 卷。
水 牛 芝 士 冬 菇 配 帶 子 係 最 3 款 之 中 最 正 嘅！帶 子 大 大 隻 相 當 鮮 甜 ，但 水 牛 芝 士 冬 菇 就 更 精 彩。
彈 牙 墨 魚 膠 釀 入 大 大 件 鮮 甜 冬 菇 ，一 咬 落 去 ，水 牛 芝 士 爆 射 而 出 ，熱 烘 烘 、香 噴 噴 ，成 件 放 入 口 感 覺 更 強。
星 洲 雞 卷 亦 有 驚 喜 ，層 次 感 夠 豐 富 ，雞 卷 頂 上 嘅 黑 色 嗰 片 係 以 新 加 坡 黑 醬 汁 所 醃 成 嘅 雞 皮 ，香 滑 入 口 易 消 化 ，下 一 層 係 海 南 雞 肉 捲 住 麵 包 粒。味 道 獨 特 到 都 唔 知 點 形 容 好 ，但 絕 對 係 好 食 嘅！
軟 殼 蟹 沙 律 最 特 別 並 唔 係 香 脆 嘅 軟 殼 蟹 . . .
而 係 軟 殼 蟹 下 嘅 香 滑 豆 腐 ，一 軟 一 硬 嘅 組 合 味 道 出 奇 咁 夾。上 面 脆 卜 卜 ，下 面 軟 綿 綿。
星 馬 醬 豬 頸 肉 炒 菠 菜 幼 麵 嚟 到 嗰 刻 已 經 飽 唔 郁 得
星 馬 醬 炒 菠 菜 幼 麵 香 口 之 餘 都 幾 膩 吓！豬 頸 肉 半 肥 瘦 ，質 感 都 幾 鬆 化 ，所 以 話 飽 話 飽 都 照 樣 食 晒！
香 芋 香 茅 慕 絲 經 王 子 嘅 意 見 後 ，第 二 次 再 去 食 已 經 變 咗 一 道 強 化 咗 嘅 甜 品 ，總 廚 轉 數 夠 快 ，完 全 明 白 王 子 嘅 意 思 ，效 果 之 佳 超 出 預 期 ，希 望 大 家 滿 意 啦！
香 芋 慕 絲 味 道 香 濃 ，但 唔 係 就 咁 食 架！
香 茅 慕 絲 反 而 麻 麻 哋！味 道 稍 嫌 清 淡。
其 實 係 要 先 將 香 芋 及 香 茅 慕 絲 混 埋 一 齊 . . . .
再 用 新 鮮 香 茅 攪 拌 到 慕 絲 帶 少 少 稠 身 至 去 食。
但 之 後 嘅 改 良 版 效 果 更 佳 ，更 有 口 感。
呢 餐 埋 單 $600 左 右 ，其 實 食 多 咗 ，點 少 2 款 小 食 都 得
電 話 : 2528 2666 平 均 消 費 : $250 - $350 / 位
地 址 : 金 鐘 夏 愨 道 16 號 遠 東 金 融 中 心 地 下 C2 店
上一篇： 維他奶 70週年 70款 限量版 維他奶
下一篇： 順豐排骨麵 細屋搬大屋 水準跌底谷
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
