不眠王子

Godiva 情人節 x 農曆年限定朱古力

由不眠王子於 2013年02月09日發表人氣：1539

電郵給朋友

每次收到 Godiva 送給王子的好禮時，真係每次都咁有驚喜 . . . 這段說話已成為每次寫 Godiva 的 Blog 時的開場白，因為真係有驚喜嘛！

今次又收到乜東東呢？下個星期就係情人節了，你預備好點慶祝未呢？禮物又買咗未呢？朱古力又揀定好未呢？

不如 . . . 就送大大個心俾另一半吧！

今年 Godiva 的情人節朱古力系列款式多到不知從何入手，望住店子的陳列窗，幾乎盒盒也想帶回家。

Godiva 專門店的店員向來相當 nice ，尤其是海港城分店的，王子這日入去店子無耐便有口福，女店員請吃最新推出的 Visages d'Amour 情人節朱古力 (相信沒有多少朋友甚至 Blogger 知道這個系列的名字吧？)。

Godiva 的情人節朱古力系列的各種包裝又是一絕，片裝啦、樽裝啦、袋裝啦、細盒裝啦、大盒裝啦！而盒裝又分方形啦、圓形啦、心形啦、甚至有跟埋小熊的好型啦 . . . 咦？段對白咁似去年講過的 . . . 咁今年又係多彩多姿嘛！

最重要係整個情人節朱古力系列於價錢上也分得極為細緻，由百幾、二百幾、三百幾 . . . 去到千幾港幣一盒都有，真正做到豐儉由人。

買任何情人節系列的朱古力，可以用優惠價 $90 換到這盒限量版心形牛奶朱古力。

心形牛奶朱古力唔細盒的，望望最頂張相吧！超大的心心啊！而且整個心心都係實心朱古力，要分幾日至食得晒呀！

Godiva 今年送給王子的 3 份情人節朱古力禮盒各具特色，其中一盒未到情人節已經 . . . 哈哈哈哈哈！

Godiva 情人節禮盒 8 粒裝 ($205) 內有片裝椰子牛奶朱古力及片裝香蕉純朱古力各兩片、香橙杏桃心形牛奶朱古力、草莓荔枝心形純朱古力及 GODIVA 經典口味。講味覺上的驚喜，當然首兩款心形朱古力了。

Godiva 情人節小熊連朱古力禮盒 5 粒裝 ($395) 有個粉紅大盒盛載，小熊跟去年情人節那一隻差不多，只係衫仔袖上少了條紫色邊而矣！

小熊懷裡的是 Godiva 情人節禮盒 5 粒裝，單買要 $130 的，計落小熊只是兩百多，夠划算。有朱古力、又有 bear bear ，肯定哄到另一半甜入心啦！

Godiva 情人節香脆心形朱古力禮盒 9 粒裝 ($325) 跟去年一樣，由西班牙設計師 Jaime Hayon 負責外盒設計，今年的構圖比去年更豐富、更具色彩。

除了外盒設計，今年 Jaime 更親自為 Visages d'Amour 心形朱古力系列設計出 6 款精緻的圖案。Visages d'Amour 意思係愛的面孔，中間那粒更係以人手繪畫出小紅心眼仔的芒果百香果心形牛奶朱古力，而其餘口味包括畫有煙花眼仔的香橙杏桃心形牛奶朱古力、綠色面、紅色小鼻子的檸檬草小紅莓心形純朱古力、黃色面的柑桔香蕉心形牛奶朱古力、粉紅色面中間有枝愛神之箭的草莓荔枝心形純朱古力及白色面的百香果杏仁心形白朱古力。

個人最喜歡係以上所講的頭 4 款口味朱古力，果酸味突出之餘又相當夾朱古力本身的味道，相信其中只得一粒的兩款口味要跟另一半商量點分了。