不眠王子

死角求生低調高手畫出彩虹

由不眠王子於 2010年02月20日發表人氣：616

電郵給朋友

有 Blog 友仔 sent 咗篇報紙文章俾王子，內容係介紹 低調高手檔雞蛋仔 ，點解 sent 俾我？

Oh！原來文中有提到我喎！

☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆

死角求生

80後（生於80年代的人）被評為激進火爆，50後被認為只懂苦幹、過份老實，生於60後的Michael走中間路線，自覺低調，又自知有料；他在人生邁向40歲關口，不再等「工」到，上網自學做雞蛋仔，手揸蜂巢烘模，在著名食街死角位開街邊檔。
一試再試，Michael終於做出內軟外脆的水準，開業6個月，不但回本，更吸引食客排長龍光顧！　　　　　　　　　　　　　　　　　　　　

東大街是筲箕灣著名食街，內有印度菜、泰國菜、日本菜等，是不少「街外人」、明星慕名光顧的熱點。正因這兒高手雲集，水準稍稍欠佳的食店，通常幾個月就無得留低。自認識食識煮的Michael，39歲時在東大街創業，不賣精通的中國地方菜，只簡簡單單的賣雞蛋仔；亦不在人口流通的大街開業，選在大街的死角位開檔。記者每天經過他的檔位，都有一種莫名奇妙的感覺，終於有一天，忍不住排隊光顧。

好工難求決定創業

檔口有不少人排隊，但是Michael只有幾個烘具，而每底雞蛋仔的烘焙需時，跟記者一樣「等食」的街坊閒着無聊，開始問，「睇你斯斯文文，似打寫字樓工，天寒地凍，辛唔辛苦？」、「係咁做，回到本未？」
面對好奇，難得Michael一一作答，更開始說自己的故事，「朋友為我委屈，認為我做咗15年電腦管理層，但係家屈喺個四五十呎舖位，所以介紹我做倉務員之類工作，話唔使咁辛苦。我明白社會睇人嘅標準，但對細時喺街邊賣過海鮮嘅我嚟講，創業只有一個心理關口，就係打工只要能夠容忍到老細，不知幾他條；反而做咗老闆，要事事費心！不過，經歷過沙士一役，自己由上海回流香港後遲遲搵唔到工，對比當時金融海嘯後嘅職場形勢，十分相似，覺得創業比搵工實際，就決定做小生意。」

用幾百蚊開創事業

當時Michael的全副身家只有一個月薪金，要善用本錢，他想到自己最叻的「飲食業」，「我去油麻地買咗個整雞蛋仔嘅蜂巢模，因為幾百蚊有交易。我唔識做雞蛋仔，但我相信憑自己喺國內食盡各省份美食嘅經驗，有信心憑上網下載嘅雞蛋仔食譜，足以開檔搵真銀！」

試足一月水準70分

Michael預計試3日，雞蛋仔已經可以見人，誰不知食譜的成份組合並不準確，他在家裏調了一碗又一碗蛋醬，做出的水準不是外皮太燶，就是內裏太韌；結果丟了一底又一底的雞蛋仔後，仍與心目中的完美效果，有所距離，「喺屋企試咗個幾月，水準只值70分，但係世界上無完美，加上家姐租舖位畀我，已經唔收上期、按金，我唔可能要家姐長期蝕本，決定低調試業。」

低調試業繼續鑽研

低調的意思，是不掛招牌，每天靜靜地在檔內埋頭苦「試」，Michael說：「其實味道已經滿意，但係雞蛋仔外形唔夠『靚仔』，如果掛正招牌，出品又唔夠好，客人會『記住你』！」那時正值盛夏，要Michael塞進細小又無冷氣的小檔，更要兼顧幾個烘爐「不同出爐時間」的出品（一些是5分鐘烘好一底，另一些則要多花15至30秒），而且質素會隨日、夜，濕度高、低有差別，他就如破解電腦程式一樣，默默地摸索配方。又花多個幾月時間，做到90分時，他在檔攤外掛上「低調高手大街小食」的招牌。

李碧華點名大受鼓舞

Michael笑說：「『低』調係講我為人，『高』手係指我嘅能力，『大』街『小』食係描述舖頭；但係呢個對比式招牌，竟然吸引到作家李碧華注意，仲喺專欄談論我嘅店名、易拉架上自創嘅七言絕詩，令我有被支持嘅感覺，好有鼓舞作用。」

當時，Michael 即叫即做的雞蛋仔

但真正令雞蛋仔銷售上升的，是一位神秘客人，「網絡著名食評家『不眠王子』讚我嘅出品，仲影咗雞蛋仔內如蛋糕、外表香脆嘅賣相，吸引好多人慕名幫襯。之後，不眠王子將我嘅資料放上飲食網站『Open Rice』，吸引到更多人幫襯評分，令生意越嚟越好。」

用心做事，自有知音人，賣10元一底的雞蛋仔，在Michael的努力下，做了4個月蝕本生意，第5個月已經回本，第6個月有盈利，「呢個經驗，證實開檔可以好簡單；雖然過程比我想像中難，但係正因為咁，先至有挑戰性，先至好玩，先至有滿足感。」

☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆

恭喜低調高手 Michael ，王子唔係食評家，亦唔出名，只係食完乜嘢都放上 Blog 同大家分享吓！至於放上 Openrice 亦只係順手出點點力。最緊要你紅咗之後一定要 keep 得住個水準，唔好令特登去捧你場嘅朋友仔失望呀！

我寫佢篇 Blog - HERE

分享到 facebook

上一篇：小巴司機聾的傳人

下一篇：泰式燒烤炭爐風味暖笠笠