不眠王子

Venchi 150個超值限定情人節精選限量小熊寶盒

由不眠王子於 2013年01月20日發表人氣：707

電郵給朋友

海港城年度甜魔界盛事，情 ‧ 尋朱古力 2013 又到，王子第一時間已行完影飽了，昨日亦出了 Blog ，雖然今年參與的大部份朱古力品牌驚喜度比往年遜色，但亦有幾個相當進取的品牌值得大家將銀包打開的。

今年的收獲仍有不少，Let Them Eat Cake 全部的 cake 也 let 朋友 eat 了，所以無合照。

上文講到 Venchi 的攤位於海港城獨家限量發售的朱古力禮籃分別有 $398 、$688 及 $988 三款。

$398 朱古力限定禮籃有一隻可愛的 Venchi 小熊，一個印上 Chocolate 字樣的小木箱及一本故事書型的 6 粒裝朱古力盒。

情人節精選限量小熊寶盒 ($988) 超豪華得來無想像中咁貴，係值得王子獨立出一篇 Blog 去講，因為內裡包含總值 $1800 的產品，全港只推出超限量的 150 盒咋！超值到我也忍不住即時捧一盒回家，做 150 位幸運兒之一呢！

拆開禮籃包裝袋，便會清楚看見 Venchi 各種朱古力產品。

所有朱古力產品放在一個精美的黑色木盒上，盒上印有這個 135 年歷史的意大利朱古力老字號標誌。木盒太靚，我決定留下用來擺放手錶。

75% 純朱古力魚子醬，好矜貴啊！唔捨得食啊！

榛子朱古力醬對我嚟講唔會陌生，因為一直有買開，王子除了經常用 Venchi 的朱古力醬於麵包上之外，偶然亦會倒一些在小碟上，食炸排骨時蘸少少好好味的。

鐵罐裝純朱古力粉 (左) 包裝設計充滿懷舊味。

朱古力陣型中有兩支 Venchi 相當人氣的雪茄朱古力，分別有鳥結餡及榛子味兩種。而其他口味的朱古力亦多達 26 粒呢！

Venchi 小熊亦打孖上，平日要買過千元朱古力才可以加錢換架！

$988 包含咁多有得食、有得飲、有得玩的 Venchi 朱古力產品，實際過送玫瑰花啦！趁剛剛推出只有幾日，快手 take action 吧！限量推出唔夠 150 套呀！

地址 : 尖沙咀海港城港威商場地下大堂 (近電梯口)

分享到 facebook

上一篇：七年之癢 Seven不笨有心有力 Blog出彩虹

下一篇：海港城情尋朱古力 2013