不眠王子

膳坊周身刀無張利

由不眠王子於 2010年01月14日發表人氣：443

電郵給朋友

變咗身嘅樂富中心雖然靚咗、現代感重咗，但亦無晒個性，同其他領匯商場無乜分別，上到 3 樓，有多間新開食店雄霸走廊整邊，港式、泰式、台式、中菜、西餐樣樣齊。店大人流少，一到晚市，鬥叫喊、鬥拉客、鬥免加一、鬥到 7 彩。先試 膳坊 ，因為港式茶餐廳格局有齊各國菜式供應，鐵板餐、羊腩煲、日式拉麵乜都有 . . .

連韓式海南雞飯都有？即叫！侍應話今日無 . . . 妖 . . .

算！見有韓式石頭飯套餐系列，跟湯跟飲品平均 $65 - $68 ，價錢偏貴，但都可以接受嘅 . . . 如果好食嘅話！

俾你猜個謎 : 水汪汪、料少少，既不酸、也不辣，滾唔熱、味又淡 . . . 猜店內一款飲品。

人蔘雞湯確有人蔘 . . . 味，但碗湯令我諗起吳剛師傅

首爾雞柳石頭飯 ($65) 咁都算韓式？都無韓式配料！

個 look 似三杯雞煲多啲！雞柳竟然係皮包骨嘅雪藏雞

首爾炸蝦石頭飯 ($68) 只得 3 隻吉列大炸蝦，唔會有啲韓式拌菜喺石窩內，全窩飯、好焦硬。炸蝦原來唔係大隻，而係粉多，3 隻蝦嘅肉質仲好難得都係霉霉哋嘅！

凍檸茶、熱檸茶水準一般，係唔明個杯點解咁花嘅？

乜唔係新開嘅咩？埋單急急腳走人 . . . 去第二度食過

電話 : 無呀！ 平均消費 : $50 - $80 / 位

地址 : 樂富樂富廣場 3 樓 3113 -3114 號 舖

分享到 facebook