Tamarind 飲食三國誌 泰 ● 印越
由 不眠王子 於 2013年01月14日發表 人氣：690
泰 國 菜 有 唔 少 既 精 緻 又 精 彩 的 菜 式 ，上 個 星 期 帶 大 家 去 食 泰 國 菜 ，今 篇 係 遲 了 的 壓 軸 ，最 後 一 站 去 Tamarind。
Tamarind 開 業 只 有 3 個 月 ，主 打 泰 國 、越 南 及 印 度 菜 ，前 兩 者 由 泰 籍 大 廚 主 理 ，後 者 就 當 然 由 印 度 廚 師 助 陣 了。以 Tamarind 羅 望 子 這 種 香 料 作 店 名 也 極 具 代 表 性 ，因 為 以 上 3 個 國 家 的 不 少 菜 式 中 ，也 會 以 羅 望 子 作 調 味 之 用。
捱 貴 租 年 代 ，市 面 一 般 食 店 的 面 積 越 來 越 細 ，餐 枱 之 間 的 距 離 越 來 越 窄 ，採 用 的 食 材 質 素 越 來 越 差 ，但 仍 有 少 數 具 實 力 的 店 子 以 相 反 姿 態 豪 裝 登 陸 ，Tamarind 便 是 其 中 之 一。早 前 王 子 獲 靚 女 公 關 經 理 之 邀 ，兩 個 人 於 餐 廳 的 露 天 雅 座 ，對 著 維 港 美 景 撐 枱 腳 ，可 能 因 此 大 家 都 比 平 日 特 別 好 胃 口 ，現 在 一 邊 寫 一 邊 仍 非 常 回 味 . . . 唔 好 誤 會 我 意 思 ，你 睇 完 兩 個 人 食 咗 幾 多 嘢 便 會 明 白 王 子 箇 中 含 意。對 啊！3 份 午 市 套 餐 加 兩 款 單 點 招 牌 菜 全 部 掃 清 啊！而 且 靚 女 仲 要 係 身 材 偏 瘦 那 一 類 ，羡 慕 死 不 少 女 生 吧？
這 裡 所 講 的 豪 裝 ，唔 係 形 容 餐 廳 的 格 局 有 幾 金 碧 輝 煌 ，而 係 講 規 模 ，餐 廳 將 昔 日 兩 間 食 店 各 達 2000 尺 的 大 舖 位 ，打 通 成 4000 尺 的 寬 敞 空 間 ，相 中 只 影 到 4 份 1 左 右 地 方 咋！同 類 餐 廳 少 有 開 到 咁 大 間 的 ，全 店 格 局 以 簡 約 為 主 ，行 實 而 不 華 路 線。
露 天 位 置 座 擁 維 港 景 ，地 方 大 到 可 以 容 納 近 百 人 ，開 party 都 得 了。
露 天 位 置 唔 一 定 要 用 來 開 餐 的 ，三 五 知 己 嘆 下 午 茶 或 放 工 happy hour 來 飲 杯 嘢 傾 傾 計 也 不 錯。
唔 少 本 地 的 所 謂 高 級 餐 廳 ，採 用 的 餐 具 未 必 會 太 講 究 ，所 以 我 寫 blog 時 也 絕 少 會 提。反 而 這 裡 卻 使 用 英 國 著 名 的 Robert Welch 餐 具。我 相 信 連 公 關 及 獲 邀 來 試 菜 的 食 友 也 沒 有 留 意 到 吧！
Masala Tea ($38) 茶 是 正 宗 煮 的 ，不 是 泡 的 ，茶 味 相 當 濃 之 餘 還 帶 有 少 許 玉 桂 及 荳 蔻 的 香 味。值 得 加 分 的 是 ，餐 廳 懂 得 用 陶 杯 去 盛 茶 ，除 可 保 留 茶 溫 ，亦 可 飲 到 陶 杯 本 身 散 發 出 來 的 獨 特 風 味。
Viet Beauty ($42) 由 檸 檬 汁 、甘 蔗 汁 、薄 荷 葉 及 梳 打 組 合 而 成 ，酸 中 帶 甜 凍 冰 冰 ，相 當 醒 胃。
鬆 化 泡 芙 ($48 / 3 杯 set) 係 印 度 傳 統 的 街 頭 小 食 ，本 地 的 印 度 餐 廳 王 子 幫 襯 過 唔 少 ，但 這 種 小 食 我 卻 係 頭 一 次 試 ，我 們 兩 個 人 ，當 然 是 點 了 兩 set 去 試。
鬆 化 泡 芙 放 在 3 個 shooter 小 杯 上 ，杯 內 分 別 盛 了 羅 望 子 、薄 荷 及 甜 菜 頭 汁。點 食 法 呢？
鬆 化 泡 芙 賣 相 有 少 少 似 雞 蛋 仔 ，但 口 感 就 薄 薄 脆 脆 得 多 ，而 內 裡 有 一 堆 香 口 薯 仔 蛋 ，其 實 就 咁 食 都 幾 好 味。
王 子 隻 手 又 粗 又 嚡 ，當 然 由 靚 女 親 自 示 範 食 法 更 好 ，首 先 選 其 中 一 種 醬 汁 ，以 小 棒 輕 輕 拌 勻。
將 醬 汁 灌 入 泡 芙 之 內 到 差 不 多 滿 為 止 ，然 後 整 粒 放 入 口。不 同 醬 汁 、不 同 味 道 、酸 的 、甜 的 、過 癮 、過 癮！
試 完 小 食 ，開 始 豐 富 的 午 餐 之 旅。因 為 餐 廳 主 打 三 國 菜 ，所 以 午 市 套 餐 的 選 擇 亦 比 一 般 的 餐 廳 要 多 ，亦 充 滿 三 國 之 不 同 風 味。由 生 牛 肉 河 、炒 金 邊 粉 、海 鮮 喇 沙 、印 式 炒 飯 、各 式 主 菜 至 到 素 菜 等 多 達 20 款 ，價 錢 由 $80 到 $140 左 右 ，已 包 頭 盤 、粉 麵 或 主 菜 及 甜 品 ，就 連 頭 盤 亦 有 5 款 精 彩 的 雙 拼 菜 式 俾 你 揀 ，而 且 水 準 相 當 有 驚 喜。
雜 菜 咖 喱 角 拼 雜 菜 春 卷 係 午 市 套 餐 menu 內 5 款 雙 拼 頭 盤 之 一 ，賣 相 之 美 猶 如 在 酒 店 餐 廳 午 膳 一 樣。沙 律 菜 爽 脆 夠 新 鮮 ，春 卷 皮 薄 鬆 脆 ，餡 料 滿 一 滿 ，好 食 到 想 食 埋 另 外 半 條。
印 式 燒 焗 雞 件 拼 燒 烤 羊 肉 卷 亦 係 其 中 一 款 雙 拼 頭 盤 ，無 論 賣 相 及 份 量 也 令 我 以 為 係 主 菜 呢！印 式 燒 焗 雞 件 香 濃 帶 微 辣 ，肉 質 乾 身 得 嚟 又 唔 嚡。燒 烤 羊 肉 卷 只 係 略 帶 羶 香 ，主 要 散 發 的 是 多 種 印 度 香 料 之 獨 特 香 味 ，怕 羶 味 的 朋 友 不 妨 一 試。
若 嫌 未 夠 重 口 味 ，就 蘸 些 香 噴 噴 的 印 式 醬 汁 吧！
海 鮮 喇 沙 ($98) 係 午 市 套 餐 粉 麵 類 其 中 一 款 ，味 道 相 當 對 辦 (有 泰 廚 助 陣 嘛！)，湯 頭 香 濃 而 不 渴 喉。
海 鮮 包 括 大 蝦 、帶 子 、青 口 、大 蜆 、魚 片 等 相 當 豐 富 ，亦 夠 鮮 味。
唯 一 有 點 怪 怪 的 是 . . . 你 看 見 嗎？貼 士 : 我 點 的 不 是 越 南 河 啊！
酸 羅 望 子 汁 烤 魚 配 蒜 蓉 飯 ($138) 亦 係 午 市 套 餐 其 中 一 款 主 菜 ，Tamarind 的 招 牌 菜 之 一 是 香 烤 黑 鱈 魚 酸 羅 望 子 汁 配 蒜 蓉 飯 ($178)，兩 個 差 唔 多 的 名 字 有 分 別 嗎？可 以 話 有 ，亦 可 以 話 沒 有 ，有 分 別 的 只 是 價 錢 及 份 量 上 ，前 者 係 於 午 市 套 餐 中 供 應 ，價 錢 經 濟 一 點 ，魚 肉 的 份 量 自 然 也 較 為 細 份 一 點。而 沒 有 分 別 的 是 大 家 都 一 樣 採 用 黑 鱈 魚。
黑 鱈 魚 烤 到 面 層 有 少 少 焦 香 ，但 魚 肉 依 然 咁 嫩 滑 ，而 因 為 魚 肉 經 羅 望 子 汁 及 魚 露 醃 足 一 晚 ，所 以 無 須 蘸 任 何 醬 汁 也 滲 出 酸 中 帶 甜 的 味 道 ，入 味 非 常。
炭 燒 三 文 魚 配 烤 麥 包 及 時 蔬 ($138) 又 係 午 市 套 餐 其 中 一 款 主 菜 ，王 子 孤 陋 寡 聞 ，從 不 知 道 印 度 菜 也 有 用 三 文 魚 入 饌 ，所 以 試 食 時 有 驚 為 天 人 的 感 覺。
所 謂 的 時 蔬 ，其 實 係 一 大 碗 好 味 到 停 唔 到 口 的 咖 喱 薯 仔。
炭 燒 三 文 魚 亦 唔 係 用 一 般 的 烤 焗 法 ，印 度 菜 嘛！當 然 用 傳 統 的 印 度 土 爐 去 窯 烤 三 文 魚 了。
窯 烤 三 文 魚 的 香 味 撲 鼻 而 至 時 ，已 達 9 成 飽 的 我 也 忍 唔 住 突 然 醒 一 醒 ，魚 肉 勁 香 呀！但 口 感 卻 保 持 到 嫩 嫩 滑 滑 ，於 熟 食 的 三 文 魚 菜 式 中 ，除 了 慢 煮 ，我 又 多 了 一 道 喜 愛 的 款 式 了。
意 式 奶 凍 係 當 日 午 市 套 餐 的 指 定 甜 品 ，甜 品 款 式 會 經 常 轉 ，所 以 你 食 到 的 未 必 跟 我 一 樣。
質 素 又 如 何 呢？以 跟 餐 送 的 甜 品 嚟 講 可 以 話 非 常 唔 錯 ，但 如 果 可 以 再 滑 身 多 一 點 會 更 好。
咖 喱 炒 虎 蝦 ($148) 係 另 一 道 單 點 的 餐 廳 招 牌 菜 ，王 子 太 愛 蝦 ，一 聽 到 靚 女 話 虎 蝦 size 超 大 隻 ，即 使 有 11 成 飽 的 王 子 也 即 時 雙 眼 放 光。上 到 枱 時 亦 證 明 公 關 經 理 所 言 非 虛 ，虎 蝦 大 隻 到 要 用 大 碟 去 盛 載 ，唔 計 蝦 頭 ，單 係 蝦 身 已 經 大 過 手 掌 ，印 象 中 平 日 食 到 的 泰 國 或 越 南 虎 蝦 size 都 無 咁 巨 型 ，原 來 這 是 印 度 直 送 的 巨 虎 蝦 ，印 度 有 虎 蝦 我 真 係 第 一 次 聽。
單 以 蝦 肉 計 ，份 量 絕 不 比 一 般 西 餐 廳 供 應 的 波 士 頓 龍 蝦 少 ，印 度 虎 蝦 肉 質 爽 滑 勁 彈 牙 ，無 泰 國 或 越 南 虎 蝦 咁 結 實 ，咁 大 隻 當 然 好 咬 口 ，沾 上 咖 喱 汁 後 香 甜 惹 味 ，忍 唔 住 跟 公 關 經 理 笑 話 最 衰 食 到 咁 飽 ，唔 係 我 一 定 叫 碗 白 飯 來 撈 汁。
上一篇： Miyabi 雅●日本料理 - 已結業
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
搜尋王子的文章
累計瀏覽次數: 24,402,995
所有文章: 2,060
本日訪客人數: 3,229
累計訪客人數: 9,288,852