不眠王子

由不眠王子於 2009年12月01日發表人氣：0

幾年前，旺角波鞋街十字路口某間波鞋店樓上，有間主打法國菜但格局 MK feel 嘅 Lime Cafe ，價錢貴、Service 差兼好難食，當時未開始寫 Blog ，唔係 . . . 實出動流克 . . .

早排買波鞋經過，見到佢樓下擺咗張枱仔，Lime Cafe 變咗 Lime Pot ，法國菜變咗打邊爐、食點心？點心師傅仲係嚟自鏞記？做好隨時跌錢嘅心理準備 . . . Action！

Lime Pot 格局同以前間 Lime Cafe 一樣，其實地方相當大，但晚飯時段拍晒烏蠅，計埋我同王妃只得 5 個客，我哋差啲唔敢入去，緊係啦！前一世口碑咁差，個位置又唔起眼，格局幾靚都無用啦！你睇，其實呢度幾好坐架！但 Cafe 格局食點心同打邊爐 . . . 感覺騎呢咗啲！

不過飲品依然收酒店級價錢，真係痴孖根 . . . 汽水 $26 罐？計埋加一 $29 . . . 日本版可口可樂都買到 2 罐啦！沙冰更賣到 $48 杯？樓下一街賣緊 $12 咋！呢度係旺角樓上 Cafe ，唔係尖沙咀嘅酒店 Cafe 呀！個老闆係咪儍架？

唔叫 drink 都得，茶芥每位 $8？仲未計加一，神經病！

Service keep 得到呀！同以前一樣 . . . 都係無 service 囉！

黑松露蝦餃 ($40) 貴唔貴見仁見智，旺角嚟講就 . . . .

蝦餃絕對皮薄餡靚，但睇番上面張相就知有幾細粒，味道係正嘅！但黑松露就唔多覺，Well！Just gimmick！

香滑流沙包 ($14) 係全晚最精彩嘅！幫襯都係為咗佢

呢個流沙包比坊間啲乜星物星流沙包更加流沙

See！熱氣騰騰嘅奶黃多到爆瀉，叫爆沙包都仲得

唔好一啖咬落去呀！熱到 Leslie 唔負責架！

Leslie 即係台灣人講嘅辣死你 . . .

蟹肉灌湯包 ($30) 大隻又完整，賣相係相當唔錯！出面好多酒樓嘅同類出品都係啲散甩甩嘅貨色，因為皮薄湯又滾熱辣，好容易穿架！呢個蟹肉灌湯包合格有餘啦！

灌湯包內嘅餡料都幾豐富，亦食到有少少蟹肉嘅！

海南雞飯餐 ($48) 既非星馬，亦非泰式，似港式多啲

海南雞飯餐跟嘅湯第一次見有人用豆腐味精湯，鹹得嚟無豆腐味 . . . 神乎其技、避得好避！

海南雞飯餐跟嘅菜第一次見有人用菜心 . . . 我暈啦！

海南雞飯餐跟嘅油飯做到無色無味、走蒜走雞油 . . .

即係白飯一碗 . . . 阿彌陀佛！

海南雞飯餐嘅主角海南雞 . . . 好彩！食落又唔錯喎！

啖啖雞肉相當嫩滑，份量都唔少，$48 勉強可以接受

荳奶沙冰 ($48) 有 3 款口味，配搭唔同嘅水果，我揀咗荳奶配芒果及香橙。其實計埋加一要 $53 杯，貴成咁以為有幾驚天地、泣鬼神 . . .

我妖！只係普通沙冰一杯，係好飲，但頂盡只值 $25

呢餐埋單 $200 ，肉赤只因唔值得，只食流沙包就 OK

電話 : 2388 5405 平均消費 : $60 - $100 / 位

地址 : 旺角花園街 76 號 A 2 樓

0 個留言

多功能吃喝玩樂寫 Blog 人，Blog累積瀏覽人次突破 1960 萬