不眠王子

成名代價

由不眠王子於 2009年11月28日發表人氣：349

電郵給朋友

Top Blogger 飲食消閒榜再次登上第 1 位 . . . 上次加入呢個排行榜嘅 Blog 有 7000 多個，但今次已經 over 9000 個！

可能個 Blog 入咗 Yahoo 精選 Blog ，所以多咗人睇啩！

Yahoo！BLOG 人氣榜竟然升到上第 9 位，第一次！梗係 copy 出嚟氹吓自己啦！我都需要好多正能量架！

上得人氣榜，食得鹹魚抵得渴，預咗每日個 Blog 會收到好多垃圾留言，你哋睇到我個 Blog 嘅回應欄咁乾淨，其實 . . . 我日日平均要清除 40-50 個呢啲留言，Yahoo 黑名單功能又只得 100 個儲存量，點夠用？

於是每日要將呢堆垃圾 send 去俾 Yahoo 嘅服務部處理，真係好攰、好攰囉！

我絕對明白，呢個世界有幾多人鍾意你都好，同時亦會有唔少人唔鍾意你 . . . .

但我最睇唔起啲男人好似八婆咁喺人哋背後講人壤話，上面 2 段留言唔係喺我個 blog 度 copy 出嚟！而係有個 Blog 友喺我個 blog 留言後無耐，就喺佢個 Blog 度出現咗啲咁嘅回應。因我個 Blog 而累及無辜，真係過意唔去。

不眠王子呢個 Blog 由第一日開始從來無話過自己識食，我唔介意你哋點睇我，要撩是鬥非、潑婦罵街就嚟我個 Blog ，唔好去騷擾其他 Blog 友。一方面喺人哋度留言一大篇，最後嗰句話唔再騷擾人家，轉頭又再放一大篇留言撩交嗌，我唔係八婆，亦唔想喺人哋度嘈喧巴閉。所以我唔會再喺嗰度回應騷擾人哋！而且 . . . 我無咁低囉！

最好笑嘅係，呢個男人一方面話我唔識食，仲要串埋所有睇我個 Blog 嘅人都係唔識食，但一方面又睇我個 Blog ，仲要係睇咗唔少篇，咁辛苦就唔好嚟啦！

我個 Blog 唔係 Openrice ，出 blog 只係想同大家分享自己嘅飲食經驗，我食嘢嘅宗旨好簡單，最緊要係食得開心，自己認為好食就得啦！識食唔識食，好重要嘅咩？唔識食，唔俾出 Blog 嘅咩？我自問比起嗰啲係又話好食，唔係又話好食嘅飲食雜誌有良心得多啦！

元祿、元氣夠好難食啦！咁又點？食嗰班人等於唔識食咩？佢哋食得開心就得啦！

要鬧就去鬧啲唔識食但又大大聲認屎認屁嗰啲食家

我删除了那人喺呢度嘅留言，因佢留言中再次公開人家個 Blog address 及對所有嚟呢度嘅 Blog 友極不尊重，稱呼留言的 blog 友為觀音兵

但無奈佢精神分裂到去埋 Openrice 討論區用另一身份扮旁觀者繼續撩是鬥非

我唔介意佢話我，但話埋其他人兼騷擾其他 blog 友呢種行為真的無禮兼幼稚，識食又如何？做人咁無口德，連基本禮貌都不懂。

大家放心，我無嘢！唔值得為呢啲人唔開心，寫呢篇 blog 只係講吓自己嘅感受！

我喺 Facebook 開 Fans Club 係應一班玩開 Facebook 、無用到 Yahoo 而又想留言嘅朋友仔要求，無諗到短短 3 個星期會有 500 幾人加入，歡迎留言分享，但唔好撩是鬥非呀！

講完！

分享到 facebook

上一篇：洪慶海鮮燒臘飯店夜茶點心水準高