鳴門割烹日本料理 富豪級 鳴門夜宴
由 不眠王子 於 2009年10月30日發表 人氣：856
又 到 王 子 周 末 推 介 啦！又 要 出 王 子 印 章。我 估 鳴 門 係 個 鍾 意 發 揚 日 本 美 食 嘅 集 團 ，先 後 開 咗 魚 湯 麵 亭 、日 本 料 理 、居 酒 屋 、串 揚 料 理 等 ，最 新 攪 作 係 上 個 月 喺 九 龍 灣 Megabox 附 近 開 超 級 旗 艦 店 ，走 高 檔 路 線 嘅 割 烹 料 理。
鳴 門 割 烹 日 本 料 理 中 嘅 割 烹 係 日 文 字 ，意 思 係 師 父 喺 你 面 前 烹 調 美 食 ，同 大 家 經 常 聽 到 嘅 堂 弄 差 唔 多 意 思
鳴 門 旗 艦 店 玩 獨 立 玻 璃 屋 ，Grand 到 嚇 死 人 ，上 到 國 際 交 易 中 心 2 樓 ，穿 過 酒 店 式 嘅 長 廊 直 到 盡 頭 就 見 ，由 出 面 露 天 花 園 望 埋 去 ，仲 以 為 自 己 去 咗 日 本 嘅 六 本 木。
呢 度 至 係 鳴 門 割 烹 日 本 料 理 正 門 ，晚 飯 時 段 超 靜。
我 估 呢 度 嘅 樓 底 都 有 30 尺 咁 高 ，裝 修 格 局 極 具 氣 派 ，跟 旗 下 其 他 分 店 相 比 ，呢 度 所 用 嘅 食 材 高 檔 好 多 ，幾 位 女 侍 應 嘅 服 務 質 素 亦 相 當 高 ，而 且 明 顯 經 過 嚴 格 訓 練 ，大 家 不 妨 欣 賞 吓 佢 哋 上 菜 時 嘅 姿 勢 、手 勢 ，專 業 程 度 拍 得 住 高 級 日 本 料 理。
當 然 ，呢 度 嘅 平 均 消 費 亦 極 高 ，例 如 一 客 三 文 魚 刺 身 就 要 $200 ，火 炙 藍 鰭 拖 羅 壽 司 一 客 要 $110 ，香 蔥 拖 羅 飯 一 碗 賣 $180 . . . 相 信 係 全 九 龍 東 最 高 級 嘅 日 本 料 理。
鳴 門 中 央 有 大 個 壽 司 吧 ，由 2 位 師 傅 負 責 割 烹 料 理
自 問 定 力 唔 夠 嘅 ，千 萬 唔 好 坐 吧 枱 ，你 睇 吓 . . . .
多 款 新 鮮 魚 生 大 晒 冷 ，有 部 份 更 係 平 日 少 見 嘅 魚 種
見 到 大 大 隻 鮮 帶 子 呼 喚 緊 我 . . . 都 係 唔 好 坐 吧 枱 . . .
見 到 魚 身 豐 滿 、銀 光 閃 閃 嘅 秋 刀 魚 ，終 於 忍 唔 住 啦！
秋 刀 魚 刺 身 ($150) 無 想 像 咁 貴 ，如 果 原 條 上 就 perfect
將 薑 茸 、蔥 粒 放 入 醬 汁 ，秋 刀 魚 刺 身 蘸 少 少 就 夠
秋 刀 魚 新 鮮 到 極 ，師 傅 刀 功 亦 一 流 ，賣 相 引 死 人。
秋 刀 魚 肉 嫩 夠 油 香 ，味 道 甘 甜 豐 腴 ，真 係 食 出 感 動
火 炙 藍 鰭 拖 羅 壽 司 ($110) 想 唔 想 免 費 歎 到？機 會 去 到 星 期 六 晚 咋！只 要 去 幫 襯 ，即 無 條 件 送 每 人 一 件。
藍 鰭 拖 羅 油 脂 豐 富 ，入 口 即 溶 ，免 費 嘅 都 咁 有 水 準
火 炙 醬 油 鮟 鱇 魚 肝 油 甘 魚 壽 司 ($78) 及 火 炙 醬 油 鮟 鱇 魚 肝 三 文 魚 壽 司 ($58) 亦 做 緊 推 廣 價 ，前 者 只 係 $35 ，後 者 更 只 係 $28 ，優 惠 好 似 去 到 11 月 中 咋！咪 走 雞 呀！
火 炙 醬 油 鮟 鱇 魚 肝 油 甘 魚 壽 司 ($78) 可 以 用 5 個 字 形 容 : 超 超 超 好 味 . . . 鮟 鱇 魚 肝 好 矜 貴 架！唔 係 度 度 食 到
油 甘 魚 超 肥 美 ，掃 上 醬 油 後 燒 ，仍 食 出 香 濃 嘅 魚 味
火 炙 醬 油 鮟 鱇 魚 肝 三 文 魚 壽 司 ($58) 好 想 一 啖 吞 之
三 文 魚 用 最 肥 美 嘅 腩 位 部 份 ，同 樣 掃 上 醬 油 後 去 燒
火 炙 醬 油 三 文 魚 壽 司 喺 出 面 食 過 唔 少 次 ，但 呢 件 最 令 我 印 象 難 忘 ，可 能 佢 哋 嘅 三 文 魚 係 用 較 靚 嘅 貨 色 吧！
如 果 覺 得 散 叫 太 重 皮 ，可 以 試 吓 佢 哋 嘅 set ，抵 食 架！
鳴 門 豐 盛 香 蔥 拖 羅 飯 御 膳 ($208) 豐 富 到 夠 2 個 人 分
三 點 刺 身 先 上 ，我 食 到 嘅 未 必 同 你 一 樣 ，按 時 令 嘛！
甜 蝦 唔 係 唔 正 ，蝦 肉 都 幾 肥 美 ，只 略 嫌 雪 得 耐 咗 啲！
鱆 紅 魚 厚 切 2 片 ，肉 質 新 鮮 爽 滑 ，味 道 清 甜 ，Yummy
三 文 魚 一 睇 咁 有 光 澤 就 知 幾 新 鮮 ，難 怪 刺 身 會 咁 貴
什 錦 天 婦 羅 、野 菜 蟹 籽 沙 律 及 煮 物 一 齊 上 ，真 興 奮！
野 菜 蟹 籽 沙 律 透 心 涼 ，仲 有 幾 條 皇 帝 蟹 柳 作 伴 添！
煮 物 賣 相 清 新 ，洋 葱 、薯 仔 夠 清 甜 ，有 啲 關 東 風 味
黑 豚 肉 煮 得 夠 腍 ，肉 味 亦 濃。
什 錦 天 婦 羅 嘅 大 蝦 勁 彈 牙 ，炸 粉 厚 薄 適 中，好 好 味！
小 香 蔥 拖 羅 飯 個 名 叫 小 ，份 量 其 實 唔 算 少 ，師 傅 用 到 藍 鰭 吞 拿 魚 剁 成 茸 ，大 大 團 ，所 以 單 點 大 碗 要 $180。
藍 鰭 吞 拿 魚 茸 富 油 香 ，但 唔 油 膩 ，魚 肉 極 之 鮮 味。微 暖 壽 司 飯 相 當 鬆 軟 有 黏 勁 ，飯 香 醋 香 俱 備。正 到 爆 燈！
腐 皮 烏 冬 比 好 多 自 認 係 烏 冬 專 門 店 嘅 烏 冬 更 有 水 準
烏 冬 爽 口 、滑 溜 、彈 牙 、有 咬 勁 ，腐 皮 輕 薄 帶 微 甜
芝 麻 雪 糕 都 係 日 本 直 送 ，芝 麻 味 勁 香 濃。就 連 雪 糕 杯 都 係 雪 凍 過 ，夠 窩 心！
電 話 : 2796 7788 平 均 消 費 : $200 - $300 / 位
地 址 : 九 龍 灣 宏 照 道 33 號 國 際 交 易 中 心 2 樓 2 號 舖
上一篇： 不眠王子 練功房
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
