粵華酒店 和田日本料理 日式放題 爆笑夜
由 不眠王子 於 2009年10月26日發表 人氣：991
經 驗 話 俾 我 哋 知 ，凡 喺 飲 食 雜 誌 期 期 賣 廣 告 嘅 食 店 真 係 少 幫 襯 為 妙 ，尤 其 是 日 式 放 題 ，無 乜 邊 間 信 得 過 ，特 別 係 有 個「田」字 嗰 啲 乜 田 物 田 日 本 料 理 ，更 加 係 無 間 合 格 ，可 能 佢 哋 將 入 貨 嘅 資 金 放 晒 落 廣 告 度 呱？
講 真 呀！間 嘢 有 料 到 ，駛 鬼 賣 廣 告？
早 兩 日 王 妃 喺 飲 食 乜 乜 見 到 和 田 日 本 料 理 個 廣 告 ，猛 話 啲 嘢 睇 落 好 正 又 唔 貴 ，我 見 到 間 嘢 有 個「田」字 ，即 刻 耍 手 擰 頭 ，佢 話 和 田 喺 酒 店 內 ，應 該 OK 喎！我 回 佢 :「係 酒 店 . . . 但 粵 華 酒 店 . . . 咪 玩 啦！」但 結 果 都 係 . . .
嚟 到 門 口 見 到 堆 蠄 蟧 絲 網 ，個 心 涼 咗 半 截 ，定 一 定 神 至 想 起 萬 聖 節。和 田 格 局 似 女 人 街 嗰 堆 港 式 日 本 料 理 ，但 感 覺 比 MK 更 MK ，呢 度 地 方 唔 算 大 ，環 境 話 光 唔 光 ，話 暗 唔 暗 . . . 唔 知 點 咁 ，場 內 仲 放 咗 幾 部 大 電 視 ，望 見 啲 客 一 邊 食 壽 司 一 邊 睇 宮 心 計 . . . 硬 係 覺 得 唔 知 點 咁 . . .
坐 喺 度 完 全 feel 唔 到 自 己 身 處 酒 店 . . . 個 心 涼 多 半 截
期 間 仲 有 朋 友 仔 生 日 ，突 然 全 場 鬼 殺 咁 嘈 唔 停 咁 播 爛 聲 錄 音 帶 出 嘅 生 日 歌 ，燈 光 又 唔 調 暗 ，又 無 侍 應 捧 住 個 蛋 糕 出 嚟 . . . 見 班 朋 友 仔 O 晒 咀 ，我 哋 已 經 忍 住 唔 笑 . . . 點 知 隔 唔 夠 10 分 鐘 又 嚟 過 ，原 來 又 有 另 一 枱 慶 祝 生 日 ，一 路 播 一 路 聽 到 小 朋 友 唱 生 日 歌 ，同 一 時 間 亦 聽 到 有 人 打 爛 一 堆 杯 碟 嘅 聲 ，亂 到 呢 . . . 我 真 係 忍 唔 住 笑 咗 出 嚟！
放 題 任 飲 任 食 ，講 真 ，呢 個 價 我 寧 願 幫 襯 松 屋 好 過
陣 容 包 括 刺 身 8 款 、手 握 壽 司 16 款 、手 卷 9 款 、爐 端 燒 27 款 、粥 粉 麵 飯 嘅 主 食 18 款 、炸 物 7 款 、天 婦 羅 7 款 、一 品 料 理 6 款 、炒 物 7 款 、鍋 物 3 款 、飲 品 9 款 及 雪 榚 2 款
如 果 你 不 求 質 素 、只 求 飽 肚！肯 定 係 無 問 題 嘅！
若 你 要 求 刺 身 要 新 鮮 ，熟 食 要 好 味 ，咁 肯 定 會 失 望
唔 講 咁 多 ，自 己 睇 相 諗 吓 值 唔 值 得 嚟！
中 華 沙 律 唔 會 點 差 法 ，唔 係 就 出 流 克 啦！
什 錦 海 鮮 沙 律 只 係 堆 刺 身 叫 食 得 吓！其 他 嘢 冷 又 硬
刺 身 試 咗 三 文 魚 、吞 拿 魚 、劍 魚 、希 靈 魚 及 馬 刀 貝
希 靈 魚 唔 爽 口 ，只 食 到 陣 雪 味
吞 拿 魚 睇 色 澤 似 超 市 擺 咗 一 日 、臨 收 工 嗰 啲 貨 色
三 文 魚 顏 色 暗 啞 無 光 澤 ，唔 新 鮮 之 餘 仲 食 到 魚 骨
劍 魚 好 似 好 正 ，原 來 又 係 唔 新 鮮 ，食 到 有 少 少 腥 味
唔 信 邪 兼 再 試 多 轉 三 文 魚 及 吞 拿 魚 刺 身 ，結 果 . . . .
都 係 唔 新 鮮 囉！有 相 你 睇 啦！
手 握 壽 司 16 款 先 試 8 款 ，賣 相 肉 酸 到 睇 見 就 唔 開 胃
三 文 魚 、火 焰 三 文 魚 、甜 蝦 、帶子 、吞 拿 魚 、皇 帝 蟹 柳 、鰻 魚 等 壽 司 無 件 新 鮮 ，如 果 放 喺 超 市 一 定 無 人 吼。
壽 司 飯 又 冷 又 硬 又 無 加 醋 兼 散 甩 甩 ，仲 衰 過 元 祿
霉 爛 帶 子 邊 個 食？無 人 食 無 人 食 . . .
皇 帝 蟹 柳 壽 司 係 咁 多 款 壽 司 中 味 道 唯 一 令 我 滿 意 嘅
鰻 魚 壽 司 . . . 唉 . . . 汁 呢 喂？咁 嘅 賣 相 都 夠 膽 上 枱 . . .
味 付 螺 肉 都 唔 得？好 大 朕 雪 味 呀 . . .
日 式 海 鮮 鍋 就 咁 睇 個 賣 相 都 幾 吸 引 嘅 . . .
海 鮮 鍋 配 料 相 當 豐 富，有 海 蝦 、青 口 、豆 腐 、冬 菇 等
蒜 香 雞 腎 片 全 名 應 該 叫「算」啦 唔「香 」無 味 雞 腎 片
蒜 香 茄 子 終 於 有 蒜 香 . . . 落 咗 咁 多 蒜 ，仲 唔 香 咩 . . .
鹽 燒 三 文 魚 骨 腩 味 道 正 正 常 常 OK 啦！
燒 靖 魚 又 唔 得 啦！靖 魚 質 素 唔 靚 ，燒 得 幾 靚 都 無 用
鹽 燒 秋 刀 魚 竟 然 係 原 條 上 ，仲 要 大 大 條 兼 燒 得 幾 靚
燒 多 春 魚 燒 得 唔 夠 香 口 ，唔 食 無 損 失。
雞 軟 骨 串 係 我 至 愛 ，但 呢 串 味 淡 淡 ，似 無 落 調 味 料
牛 肉 車 喱 茄 串 牛 肉 熟 過 龍 、車 喱 茄 皺 晒 皮 ，把 鬼！
炭 燒 豬 頸 肉 點 解 咁 . . . 油 嘅？仲 要 豬 皮 包 豬 羔 ，難 食！
西 京 燒 雞 翼 只 不 過 係 2 隻 普 通 燒 雞 翼 ，根 本 就 無 落 任 何 醬 去 燒 ，唔 知 道 師 傅 知 唔 知 乜 嘢 叫 做 西 京 燒。
銀 杏 串 超 爆 笑 ，用 支 牙 纖 去 串 ，細 到 似 兒 童 版 串 燒
搵 隻 雞 翼 仔 嚟 做 比 例 ，睇 吓 銀 杏 串 幾 咁 迷 你 . . .
駝 鳥 肉 串 食 落 味 道 似 牛 肉 . . . 似 用 梳 打 粉 醃 過 嘅 牛 肉
海 老 串 係 全 晚 最 好 食 嘅！點 知 食 完 再 叫 多 round ，侍 應 話 無 晒 蝦 啦 . . . 有 無 攪 錯 呀？個 場 得 半 滿 ，咁 快 無 晒？
嬲 死 我 呀！
鹽 燒 雞 翼 無 落 鹽 去 燒 ，即 係 無 味 囉！叫 齋 燒 雞 翼 啦！
軟 殼 蟹 手 卷？？軟 殼 蟹 呢？原 來 喺 飯 內 只 得 隻 小 蟹 腳
大 蔥 牛 柳 以 為 係 日 式 ，用 鐵 板 去 燒。原 來 係 中 式 ，牛 肉 仲 用 咗 好 多 梳 打 粉 去 醃 ，食 咗 2 片 就 放 棄。
天 婦 羅 海 蝦 係 OK 嘅！值 得 first order 叫 多 幾 隻 填 肚
炸 香 蕉 亦 值 得 一 試 ，口 感 幾 特 別 ，食 落 亦 幾 好 味
天 婦 羅 海 蝦 粉 薄 蝦 肉 夠 彈 牙 ，基 本 上 全 晚 啲 蝦 都 正
炸 蝦 餅 夠 熱 但 唔 夠 香 脆 . . . 奇 奇 怪 怪 . . .
麒 麟 啤 任 飲 叫 做 有 番 啲 安 慰 ，我 就 鍾 意 凍 麥 茶 多 啲
綠 茶 雪 榚 好 難 食 ，邊 隻 牌 子 呀？反 而 芝 麻 味 正 常 啲！
電 話 : 2508 2051 平 均 消 費 : $180-$200 / 位
地 址 : 北 角 渣 華 道 67-75 號 粵 華 酒 店 2 樓
上一篇： Hipot 一人一小爐 火鍋無煩惱
下一篇： 車品品 五星級水準 窩心小店
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
