不眠王子

Godiva 聖誕好禮 ● 物 2012

由不眠王子於 2012年12月20日發表人氣：367

電郵給朋友

每次收到 GODIVA 送俾王子嘅好禮時，真係每次都咁有驚喜 . . . 呢兩句說話係每次寫 Godiva 嘅 Blog 時都忍唔住重複又重複咁講，因為真係有驚喜嘛！

咁今次又收到乜鬼咁驚喜呀王子？

朋友對我好，我必定會對佢更加好！這個向來是王子交朋友嘅座右銘。不經不覺，跟 GODIVA 相交剛好一年，其實王子一直係這個品牌嘅小 fans ，早喺幾年前己寫過 Blog 推介他們的產品了，所以過去一年獲得品牌一次又一次的驚喜時，我亦珍而重之想花些心思去寫好篇 Blog。

謝謝美女好友 Mel 幫忙，百忙中抽時間協助王子進行今次的拍攝工作，感激！

今個聖誕，你個願望係 . . . 乜東東呢？

我個願望係 . . . 身體健康！你會唔會好似我咁，許願過後將聖誕樹當作許願樹，掛上自己的願望呢？

王子經常去尖沙咀海港城嘅 GODIVA 分店，今年見到個 window display 咁吸引，忍唔住影咗幾張相放落手機度當 wallpaper 用。

店內嘅聖誕氣氛相當濃厚，多款聖誕限定朱古力放滿店內每個角落。

雖然經常收到 GODIVA 嘅好禮，但我平日亦有幫襯買佢哋嘅朱古力，當日到店子攞聖誕禮物時，發見呢隻聖誕小熊，即刻想買，點知店員話斷晒貨了 . . . Oh ~

咁呢一隻呢？人家用作 display 的，我又點好意思搶呢？聖誕小熊連 4 粒朱古力禮盒只係賣 $385 ，唔賣斷市就奇了。

GODIVA 見王子喜歡 Godiva 小熊 (其實王子家中已有好幾隻不同時期的珍藏)，於是加碼，除咗送我 18 粒裝嘅聖誕朱古力禮盒 ($440) 及聖誕吊飾連片裝朱古力 20 片裝 ($365) 之外，仲加埋聖誕小熊連 4 粒朱古力禮盒 ($385) 添！

今次我唔捨得拆盒影相住呀！我怕我定力差，一開盒就會 . . . 係會 . . . 絕對會 . . . 你明架啦！好彩於店中影咗盒內每粒朱古力嘅賣相，你睇 . . . . 靚到咁，點忍？

聖誕吊飾連片裝朱古力 20 片裝 ($365) 其實無聖誕樹俾你掛上去亦值得買，聖誕吊飾勁大個紅噹噹，就咁放喺枱面都靚到不得了。

聖誕小熊連 4 粒朱古力禮盒 ($385) 有幾吸引就更加唔需要多講啦！

GODIVA 嘅 VIP 喺聖誕節買朱古力仲有尊貴禮遇添！

GODIVA 限量版旋轉木馬水晶盒靚到 . . . 高貴到 . . . 唔知點形容好。

旋轉木馬水晶盒嘅包裝雍容華貴，朋友喺 Facebook 話好難買到幾千蚊朱古力去換，王子教佢主動幫老闆買聖誕禮籃送俾公司啲客，換個水晶盒即時容易好多啦！