爸爸壽司小料理 - 已結業
由 不眠王子 於 2009年08月21日發表 人氣：497
又 到 王 子 周 末 推 介 啦！王 子 生 日 嗰 晚 撞 正 打 風 兼 落 雨 ，王 妃 一 早 book 咗 嘅 慶 祝 地 方 因 露 天 關 係 而 無 奈 取 消 ，橫 風 橫 雨 下 2 隻 落 湯 雞 一 把 遮 ，一 個 仲 攞 住 生 日 蛋 糕 ，一 個 攞 住 香 檳 ，狼 狽 到 死 走 咗 去 黃 埔 花 園 一 帶 揾 地 方 慶 祝 ，王 妃 仲 問 我 浪 唔 浪 漫 . . . . 好 明 顯 俾 雨 揼 傻 咗 . . . .
見 到 呢 間 爸 爸 壽 司 小 料 理 個 名 咁 得 意 ，好！今 年 牛 一 就 喺 度 慶 祝 啦 . . . 反 正 成 身 都 濕 晒 . . .
叫 得 小 料 理 當 然 地 方 勁 細 ，幾 張 小 木 枱 頂 盡 坐 20 個 客 已 經 爆 場 ，所 以 夜 晚 嚟 食 飯 最 好 預 先 訂 位。
呢 晚 有 單 勁 爆 笑 嘅 嘢 發 生 ，有 對 情 侶 食 客 入 到 嚟！男 嘅 全 程 同 個 老 闆 兼 大 廚 恃 熟 賣 熟 ，不 斷 超 大 聲 咁 稱 呼 對 方 爸爸 ，一 時 話 : 爸 爸！有 乜 好 介 紹 呀 爸 爸？一 時 又 話 : 爸 爸！今 日 有 乜 新 鮮 魚 到 咗 呀 爸 爸？一 時 再 話 : 爸 爸！烏 冬 推 介 食 邊 隻 呀 爸 爸 . . . . 全 場 坐 滿 客 ，地 方 已 經 咁 細 ，呢 位 哥 仔 又 鬼 咁 大 聲 ，我 哋 坐 喺 佢 後 面 嘅 幾 枱 情 侶 客 都 皺 晒 眉 頭 ，Well！我 生 日 心 情 好 ，同 王 妃 只 係 笑 吓 就 算。
呢 位 哥 仔 跟 住 變 本 加 厲 ，三 番 四 次 . . . 其 實 應 該 係 好 多 次 大 大 聲 同 爸 爸 話 喺 Openrice 寫 咗 篇 食 評 大 讚 呢 度 ，好 快 會 有 好 多 客 嚟 幫 襯 ，不 斷 提 醒 爸 爸 記 得 上 網 睇 . . . 我 仲 以 為 佢 係 邊 位 人 氣 食 家 大 駕 光 臨 ，但 據 我 所 知 網 上 嗰 幾 位 人 氣 食 家 唔 會 咁 高 調 喎！後 來 返 到 屋 企 睇 番 呢 度 嗰 幾 個 食 評 ，至 知 呢 位 哥 仔 係 乜 水。爸 爸 有 呢 位 超 級 Fans 應 該 高 興 嘅！但 我 哋 就 真 係 覺 得 好 滋 擾 囉！
不 過 呢 位 仁 兄 最 令 人 反 感 嘅 係 ，Order 原 條 活 魚 刺 身 時 要 求 爸 爸 池 魚 同 另 一 條 魚 只 各 要 半 條 ，真 係 難 為 了 爸 爸 ，爸 爸 應 承 後 ，佢 突 然 好 大 聲 咁 話 : 我 都 知 咁 樣 叫 法 唔 係 係 人 都 得 架 啦！多 謝 爸 爸 . . . 嘩 ~ 駛 唔 駛 咁 串 呀 . . .
全 程 仲 不 斷 問 爸 爸 呢 樣 點 食 、嗰 樣 點 食 ，爸 爸 聲 不 絕 於 耳 ，成 晚 佢 叫 咗 幾 多 次 爸 爸？一 定 超 過 30 次 囉！唉 . . .
講 番 食 嘢 啦！雖 然 有 後 生 女 侍 應 ，但 明 顯 經 驗 極 淺 ，我 order 咗 呢 度 嘅 招 牌 之 物 爸 爸 壽 司 ，見 太 耐 未 到 ，於 是 問 吓 靚 女 可 唔 可 以 check check ，隔 咗 好 耐 都 唔 見 佢 覆 我 咪 望 吓 佢 囉！見 佢 好 焦 急 咁 企 喺 門 口 猛 咁 望 ，我 至 知 爸 爸 應 該 行 開 咗 . . . 但 整 體 嚟 講 service 係 OK 嘅！有 禮 貌 又 有 笑 容。
而 最 值 得 放 喺 星 期 五 推 介 嘅 原 因 係 師 傅 嘅 刀 功 同 心 機 ，價 錢 雖 然 唔 係 話 特 別 平 ，但 一 食 就 知 物 超 所 值 ，唔 少 款 式 嘅 水 準 仲 拍 得 住 高 級 日 本 料 理 添！所 以 呢 晚 食 得 勁 滿 意 ，亦 比 平 時 食 得 多。好 彩 一 早 知 呢 度 只 收 現 金 ，唔 係 都 幾 踢 腳 架！
先 叫 牡 丹 蝦 刺 身 及 三 文 魚 刺 身 ，隻 碟 成 尺 咁 長 、氣 勢 十 足 咁 上 枱，嘩！牡 丹 蝦 個 樣 好 生 猛 呀！每 隻 要 $32 架！
牡 丹 蝦 肉 質 極 之 鮮 甜 ，唯 一 可 惜 係 同 侍 應 講 攞 碟 蝦 頭 入 廚 房 炸 咗 佢 時 ，侍 應 唔 明 白 我 講 乜 . . . 嘥 晒！
三 文 魚 刺 身 直 情 要 用 精 彩 嚟 形 容 ，爸 爸 盡 顯 佢 嘅 刀 功 同 心 思 ，一 份 刺 身 玩 3 種 形 態 ，都 係 $38 咋！有 切 條 啦！
又 有 切 粒 . . . 仲 要 係 厚 切 添！
仲 有 切 片 添！單 係 睇 都 夠 興 奮 啦！
三 文 魚 仲 相 當 新 鮮 又 肥 美 ，有 相 你 睇 ，油 脂 勁 豐 腴
三 文 魚 腩 壽 司 正 到 唔 駛 我 形 容 啦！$18 有 咁 高 水 準
油 甘 魚 壽 司 一 樣 咁 正 ，肥 美 魚 身 充 滿 光 澤 ，$18 咋！
帶 子 壽 司 鮮 味 十 足 ，帶 子 大 大 隻 ，師 傅 仲 掃 咗 層 醬 油 喺 面 ，唔 駛 蘸 嘢 ，就 咁 放 入 口 已 好 好 味 ，$22 確 抵 食。
火 炙 三 文 魚 腩 壽 司 燒 得 相 當 有 水 準 ，仲 放 咗 塊 菜 葉 仔 去 吸 啲 魚 油 ，然 後 用 紫 菜 捲 住 ，咁 有 心 機 都 係 $18 咋！
三 文 魚 腩 表 層 散 發 出 魚 油 香 味 ，而 魚 腩 底 層 嘅 肉 仍 然 係 生 嘅 ，放 入 口 同 一 時 間 有 齊 熱 同 凍 、生 同 熟 嘅 口 感 ，過 癮 到 極！出 面 好 多 料 理 唔 用 魚 腩 位 燒 ，魚 油 香 味 欠 奉。
吞 拿 魚 壽 司 一 睇 就 知 唔 係 用 平 價 貨 ，$28 當 然 合 理 啦！上 枱 前 師 傅 已 經 掃 咗 層 醬 油 喺 面 ，一 啖 放 入 口 ，吞 拿 魚 油 脂 豐 富 、入 口 即 溶，10 個 正 呀！
劍 魚 腩 壽 司 相 當 鮮 味 ，仲 超 超 超 肥 美 添！又 係 $28 咋
劍 魚 腩 肉 質 鮮 嫩 彈 牙 ，同 一 般 魚 肉 嘅 口 感 截 然 不 同
脆 脆 辛 辣 吞 拿 魚 卷 一 客 四 大 件 都 係 $38 ，相 當 抵 食
日 本 壽 司 飯 上 佈 滿 芝 麻 ，中 心 除 咗 吞 拿 魚 肉 ，仲 有 啲 唔 知 係 乜 東 東 嘅 脆 脆 小 食 . . . .？
總 之 此 卷 物 口 感 過 癮 、好 食 到 極！一 定 要 試 吓！
爸 爸 壽 司 絕 對 係 鎮 店 名 物 ，包 含 住 老 闆 嘅 心 機 及 創 意 ，成 件 藝 術 品 咁 靚 到 望 咗 好 耐 都 唔 捨 得 食 ，賣 $38 件 唔 計 嗰 份 心 機 ，單 係 所 用 嘅 上 等 食 材 已 值 回 票 價。
日 本 壽 司 飯 上 先 放 吞 拿 魚 腩 蓉 喺 面 ，跟 住 放 上 鮮 味 靚 海 膽 ，最 後 加 數 粒 通 透 嘅 三 文 魚 子 喺 頂 ，好 唔 好 味？
你 話 呢！
軟 殼 蟹 手 卷 亦 落 重 料 製 作 ，軟 殼 蟹 大 大 件 又 香 脆 ，外 層 塊 紫 菜 亦 夠 脆 口 ，咁 大 件 都 係 賣 $18 咋！
炸 雞 軟 骨 粒 粒 都 咁 大 粒 兼 炸 得 金 黃 香 脆 ，好 惹 味 呀
炸 蝦 天 婦 羅 賣 相 唔 錯 ，炸 得 亦 有 水 準 ，一 客 5 件 $68
炸 蝦 相 當 大 隻 好 肉 ，炸 粉 亦 夠 薄 ，唔 會 食 到 成 口 粉
炸 蝦 天 婦 羅 其 實 唔 錯 ，但 唔 及 附 近 嘅 三 河 屋 咁 抵 食
燒 雞 中 翼 串 少 少 燶 燶 哋 都 燒 得 幾 靚 ，$15 都 幾 抵 食
免 治 雞 肉 串 肥 嘟 嘟 兼 燒 得 咁 靚 ，引 死 人 咩！$18 咋！
係 呀！三 文 魚 刺 身 實 在 太 正 啦！忍 不 住 再 嚟 多 round
三 文 魚 刺 身 5 件 都 咁 新 鮮 、 5 件 都 玩 厚 切 ，噯 依 絲！
埋 單 $520 ，我 覺 得 好 抵 呀！老 闆 仲 請 我 哋 食 雪 糕 添！
食 落 似 Haagen-Dazs 嘅 Oreo 雪 糕 ，總 之 唔 係 cheap 嘢 啦
電 話 : 2363 1918 平 均 消 費 : $180 - $260 / 位
地 址 : 紅 磡 黃 埔 新 邨 民 泰 街 38 號 地 下
下一篇： 小甜谷 西環店 甜品小教堂
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
