味吉拉麵館 嚐盡 日本各派風味拉麵
由 不眠王子 於 2009年07月17日發表 人氣：596
又 到 王 子 周 末 推 介 啦！好 耐 無 出 王 子 印 章 啦！噚 日 講 完 間 麻 麻 嘅 拉 麵 店 ，今 日 講 間 價 錢 差 唔 多 ，但 水 準 高 幾 班 嘅 拉 麵 店。味 吉 拉 麵 館 啱 啱 新 開 無 耐 ，試 完 之 後 個 結 論 係 ，由 湯 底 到 拉 麵 至 配 料 均 達 到 極 佳 嘅 水 平。加 埋 貼 心 有 禮 嘅 服 務 ，味 吉 已 成 為 王 子 心 目 中 嘅 5 大 拉 麵 必 食 店。
一 坐 低 ，甘 香 凍 茶 即 時 奉 上 ，落 完 單 做 乜 好？不 如 睇 吓 拉 麵 嘅 歷 史 啦！呢 個 味 吉 拉 麵 博 物 館 唔 係 餐 牌 嚟 架！其 實 係 本 記 載 咗 拉 麵 歷 史 、各 地 各 派 拉 麵 嘅 特 色 同 文 化 等 等 嘅 拉 麵 小 百 科 ，正 到 我 想 攞 佢 番 屋 企 呀！
味 吉 一 店 網 盡 日 本 拉 麵 五 大 派 ，博 多 豬 骨 、札 幌 味 噌 、東 京 醬 油 、別 府 地 獄 及 函 館 鹽 味 任 你 揀。製 作 仲 超 認 真 ，單 係 麵 條 都 分 咗 3 種 粗 幼 度 去 配 合 風 味 不 同 嘅 拉 麵。
味 吉 連 格 局 都 跟 足 日 本 拉 麵 店 ，所 以 我 鍾 意 坐 吧 檯
紫 菜 放 喺 竹 筒 內 ，Order 拉 麵 時 會 跟 埋 ，唔 怕 浸 腍 晒！
呢 度 嘅 餐 牌 睇 到 我 津 津 有 味 ，各 大 派 拉 麵 嘅 特 色 、湯 底 嘅 製 法 到 麵 條 嘅 挑 選 都 有 詳 細 註 解 ，學 到 唔 少 嘢 架！
札 幌 厚 麵 豉 湯 底 拉 麵 配 自 家 制 叉 燒 及 特 式 豬 軟 骨 咁 豐 富 、咁 大 碗 都 係 賣 $55 ，抵 到 爆 炸！呢 款 麵 本 身 唔 跟 溏 心 蛋 ，係 我 另 加 嘅！
睇 吓 個 碗 大 到 . . . 老 人 家 實 以 為 係 洗 面 盆 囉 . . .
札 幌 厚 麵 豉 湯 底 雖 然 味 道 勁 濃 ，但 飲 到 見 底 都 唔 會 覺 得 口 喝 ，仲 飲 得 出 個 湯 底 係 熬 足 好 多 粒 鐘 添！
自 家 制 叉 燒 真 係 正 到 忍 唔 住 嘩 咗 一 聲 ，叉 燒 大 大 片 、肉 嫩 味 鮮 ，而 且 肥 瘦 度 適 中 ，睇 相 都 知 有 幾 正 啦！
特 式 豬 軟 骨 香 甜 軟 腍 又 滑 溜 ，醃 得 相 當 好 味
攣 曲 嘅 粗 身 麵 條 既 爽 口 又 彈 牙 ，碗 麵 整 體 可 攞 滿 分
添 加 配 菜 價 錢 公 道 ，最 抵 梗 係 日 本 溏 心 雞 蛋 啦！出 面 加 $10 只 得 半 隻 ，呢 度 有 全 隻 喎！
溏 心 蛋 喺 日 本 訂 過 嚟！Size 都 幾 大 ，蛋 味 仲 好 濃 添！
溏 心 蛋 適 宜 即 食 ，浸 喺 熱 湯 太 耐 蛋 黃 就 會 變 得 太 熟
讚 岐 手 打 冷 烏 冬 配 本 格 美 國 牛 肋 肉 亦 係 一 絕 ，賣 相 充 滿 日 本 風 味 ，$65 有 咁 嘅 陣 容 去 邊 度 搵？
讚 岐 手 打 冷 烏 冬 滑 嘟 嘟 、滑 溜 到 極！食 落 爽 口 彈 牙 又 略 帶 煙 韌 ，口 感 一 流 ，而 且 份 量 一 啲 都 唔 少。
冷 烏 冬 唔 少 得 醬 汁 、蔥 粒 、薑 茸 及 wasabi
將 所 有 配 料 倒 落 醬 汁 度 攪 勻 ，然 後 每 次 放 少 少 冷 烏 冬 入 去 浸一 浸 就 食 得 啦！
本 格 美 國 牛 肋 肉 個 人 覺 得 比 美 國 牛 肉 更 香 更 好 咬 口
美 國 牛 肋 肉 一 碟 厚 切 10 件 ，肉 質 鮮 嫩 、肉 汁 豐 富
牛 肋 肉 真 身 其 實 係 咁 嘅！肥 瘦 度 夠 均 勻 ，各 據 一 半 位 置 ，入 口 鬆 化 汁 多 牛 味 濃。配 手 打 冷 烏 冬 一 流。
青 檸 梳 打 清 新 解 喝 又 大 杯 都 只 係 $18 咋
白 桃 梳 打 清 清 甜 甜 一 樣 係 大 大 杯 ，又 係 賣 $18 咋！
最 後 嚟 到 雪 糕 部 份 都 一 樣 咁 有 驚 喜 ，雪 糕 由 日 本 進 口 固 然 係 正 ，價 錢 係 $18 亦 跟 一 般 日 本 料 理 差 唔 多 ，但 驚 喜 唔 係 嚟 自 雪 糕 噃！
北 海 道 紅 豆 牛 奶 雪 糕 絕 對 係 首 選 ，北 海 道 紅 豆 大 大 粒 ，香 甜 好 咬 口 ，牛 奶 雪 糕 香 軟 幼 滑 so creamy！但 最 估 唔 到 係 有 2 粒 白 玉 芝 麻 相 伴 ，食 落 煙 煙 韌 韌 兼 滲 出 濃 濃 嘅 芝 麻 香 ，配 合 埋 雪 糕 一 齊 食 正 到 不 得 了 呀！
豆 腐 雪 糕 唔 喺 餐 牌 內 ，見 佢 哋 話 啱 啱 新 返 ，所 以 試 吓 囉！豆 腐 味 香 濃 得 嚟 好 天 然 ，口 感 綿 滑。你 哋 嚟 幫 襯 時 不 妨 問 吓 侍 應 有 無 雪 糕 係 餐 牌 無 嘅！話 唔 定 食 到 正 嘢 架！
埋 單 $224 ，抵 食 到 極！仲 有 利 是 收 嘅？新 店 開 張 利 利 是 是 ，內 有 coupon 一 張 ，月 尾 前 再 嚟 幫 襯 送 你 小 食 一 客。
電 話 : 2601 0289 平 均 消 費 : $90 - $120 / 位
地 址 : 沙 田 禾 輋 村 禾 輋 商 場 地 下 Jusco 內 L004 舖
上一篇： 紅馬海傍餅店 絕跡甜點 巴黎撻
下一篇： 八王子拉麵館 牛骨湯底玩綽頭 拉麵未入流
本BLOG人氣文章
Beauty Exchange Vol.12 :The Mira 國金軒 華麗的周末點心
今 期 Beauty..
Beauty Exchange Vol.11 : 甜尊 深水埗破格甜品店
今 期 Beauty..
Manfrotto Imagine More Vol.4 : 芬蘭赫爾辛基 – 陽光下的日與夜
王 子 獲 世 界 ..
Beauty Exchange Vol.10 : 今佐日本料理 放題只此推介
今 期 Beauty..
Manfrotto Imagine More Vol.3 : 美食。美拍 – 角度的重要性
王 子 獲 世 界 ..
Manfrotto Imagine More Vol.2 : 沙巴 ‧ 這樣才叫度假
王 子 獲 世 界 ..
最近的POST
-
2014年05月12日
-
2014年04月27日
-
2014年04月17日
-
2014年04月11日
-
2014年04月10日
-
2014年04月07日
-
2014年03月30日
-
2014年03月27日
Come On Baby 緊貼我吧
