不眠王子

Monster Burger 麻麻哋好食加價最積極

由不眠王子於 2009年06月23日發表人氣：464

電郵給朋友

漢堡包店越開越多，但有幾多間真係好食？幾多間真係抵食？Monster Burger 上年喺中環新開嗰陣已經想幫襯，但入到去見到職員啲態度 . . . Well！隔咗一年，見有朋友話金鐘呢間 Monster 好好座，OK！又試吓 . . .

一見到個 menu ，呢間 Monster 貴啲嘅？我個 friend 話 : 唔係呀！一開始已經係呢個價啦 . . .

咁金鐘班客唔好彩囉！你哋上 OpenRice 睇吓啲食評及相片，Monster 中環店嘅套餐喺過去 9 個月加咗幾次價啦！以 Monster Cheese Burger 套餐為例，由最初 $43 加到 $45 再到 $49 至而家 $52 ，好狼死喎！金鐘店就一直都係賣 $52 ，即係金鐘班客一直捱貴包，咁樣做生意似乎 . . .

金鐘 Monster 地方確係比中環店大得多，向商場嘅一邊有幾張高身椅，中間就有多張 4 人枱

另一邊係玻璃窗街景，二人枱、4 人枱色彩繽紛，坐得都幾舒服，幾個店員亦比中環店有禮貌得多

上 OpenRice 睇吓早期個價目表跟呢個有乜分別啦！

一吋手打牛肉漢堡套餐 跟薯條及汽水，$49 抵咩？

漢堡包賣相勁唔掂呀！好似俾甄子丹打咗幾拳咁 . . .

一吋手打牛肉只係綽頭嘢，你唔好傻啦！去 時新漢堡 食個雙層漢堡包都係 $11 之嘛！一樣係手打牛肉，仲唔止一吋厚添！同 Triple O's 亦無得比啦！一吋手打牛肉係夠厚，但 size 細番啲之嘛！一比就知 Triple O's 個包大個啲、牛肉又大塊啲、配料亦多啲、新鮮啲啦！

塊牛肉亦煎得唔靚，一睇就知唔平均，食落又乾又無肉味，莫講話 Pro Burger ，Hot Dog Stage 都正過佢好多啦！

薯條就各有各喜好，我就唔鍾意乾硬化嘅薯條囉！

奇趣雞腿堡套餐 有幾奇、有幾趣？只知 $47 都幾貴

雞腿堡個 look 叫好番啲，但跟 menu 都係有一段距離

砌漢堡都有學問架！如果最底放生菜，跟住就應該放塊漢堡扒，因為生菜可以索油嘛！Monster 張 menu 內嘅相亦係咁做，但事實呢？雞腿肉成塊放喺頂，壓住片蕃茄，用蕃茄去索油，唔怪得叫奇趣雞腿堡啦！

雞腿扒相當大塊，煎得幾香、肉質幾嫩，但無肉味