不眠王子

Belgos East Mussels & More - 已結業

由不眠王子於 2009年02月05日發表人氣：392

電郵給朋友

Belgos East Mussels & More 喺太古坊較偏僻濠豐大廈內，平時 lunch time 當然爆場啦！但夜晚就 . . . 哈哈！靜靜哋嚟拍吓拖都幾正架！呢間係全港唯一嘅比利時餐廳，地方又大、樓底又高

呢邊只係其中一 part 夜晚俾你同 honey 飲番兩杯嘅地方

呢邊當然係進餐啦！Service 絕對係酒店級數，因為玩燭光晚餐所以環境勁暗，唔用閃光燈唔得，其實呢度真係好 romantic 架！

Belgos East 最出名係青口，非試不可，有 4 款口味俾你揀，靚女老友揀咗最受歡迎嘅 Marieniere ，個 sauce 就揀咗白酒忌廉汁，因為王子唔食得太多貝殼類食物所以只叫咗 Bowl ($108) ，如果鍾意食青口嘅不妨 order 一窩，因 $158 有 30 隻青口兼跟埋炸薯條架！

青口未到包包先到，雖然唔熱但外脆內軟都算新鮮

麵包可以用嚟蘸青口濃汁，但唔好 miss 深色嗰隻醬

嗰隻係好正嘅鵝肝醬嚟架！加啲落麵包度正到呢 . . .

一碗青口其實份量都唔算少，有十幾隻架！開 flash 先

隻隻青口都大大隻相當飽滿，成隻肥嘟嘟放入口勁滑溜又 creamy 到不得了，仲有陣都幾濃吓嘅酒香添 . . . 越食越後悔點解唔叫夠一 pot 呀！

Grilled Home-Made Wild Boar Sausage 即係烤野豬肉腸

野豬肉腸個人覺得無乜特別，反而薯蓉同紫椰菜就相當好味，$118 真係好貴 . . . Well！野豬矜貴嘛！

BE Seafood Pasta 係用比較細扁身嘅 linguini 意大利麵，雖然唔係太大碟，但海鮮份量亦唔少，味道亦唔錯。$108 碟喺呢種高級餐廳嚟講唔算貴啦！

Pina Colada 及 Passionberry 兩款特飲嘅味道亦調校得好正，前者 $50 杯、後者 $40 杯亦收得算合理

Brussels Waffle 即係自家製比利時窩夫伴 Ben & Jerry's 雪糕，窩夫熱烘烘、甜絲絲當然好味啦！呢道甜品要 $68 架

但自己唔係太鍾意 Ben & Jerry's 雪糕，但無計啦！佢同 Belgos East 係同一飲食集團嘛！

咁嘅環境、咁嘅 service 兼食得開懷，五百幾蚊抵俾啦