Metro Buffet & Grill ~ 炎夏buffet回本攻略
由 Dessert Devil & her Sweet Baby 於 2011年08月21日發表 人氣：395
8/13星期六, 同老公又很乖去屯門醫院聽講座~~ 
是次講題為分娩過程及儀器助產介紹, 因內容同早前聽的差不多, 不重複記了!
夜晚則出去佐敦逸東酒店Metro Buffet & Grill食buffet, 期望不高的情況下, 食物同環境是想不到的滿意+精彩, 加上酒店最新推出"氣溫定折扣"的推廣, 幾抵食喎! 
其實今次是受酒店方面邀請前來試食, 上圖是餐廳外面的lobby位, 感覺悠閒舒適, 給人第一印象良好 ; 餐廳內則以暗黑同型格為主, 環境比預期中高雅舒適~~ 
好鍾意佢排位唔太密, 是晚我與老公就坐餐廳角落, 特別有情調同privacy! 
這裡buffet內容講多唔算多, 但應有盡有, 而且質素上佳, 先是沙律部
海鮮吧中生蠔大大隻頗為吸引, 不過老公腸胃不適, 是晚冇食了..
魚生壽司+芝士部好吸引, 前者我都有有食, 芝士就實在太飽無緣品嚐了..
餐湯及熱食部
熱食與燒烤部, 其中, 超滑超有水準的
蒸石斑是必食回本位!!!
燒烤部中, 即叫即燒的美味燒羊架是必食回本位!!!
仲有即煮粉麵部...
擺放頗精緻吸引, 不過是晚太飽冇試了, 但就食了後方的炒飯, 唔錯!
(阿仔始終鍾意食飯呢~~)
另一邊, 連咖哩薄餅等都有~~
終於來到甜品部喇, 都有唔少款, 至鍾意是下方的綠茶tiramisu~~
又有各式精緻的petit dessert plate~
餐廳又有大量繽紛甜美生果, 超正, 我地食左唔少!
(其實旁邊仲有朱古力噴泉, 不過我地覺得淨食更加清甜美味~~~)
最驚喜係地方唔大都有movenpick雪糕!!! 仲係食客自己任筆!!! 係超開心的回本位啊!! 不過是晚得Strawberry同Vanilla, 如有埋朱古力味就完美啦~~
開餐前先點飲品, 老公揀了法國Alsace的Riesling ($89), 據講唔錯
我就要了lemon squash ($59), 夠酸好清新開胃~~
Cheers, 開始食野了!! 同老公懷著fine-dining的心態來品嚐, 首先拎餐湯同麵包~~ 其實蘑菇湯好creamy幾好飲, 麵包質素都上乘, 可惜兩者都不太熱, 係全晚唯一不滿之處
腸胃初癒的老公唔敢食海鮮, 改拎魚生+壽司頂癮~~
兩者都相當新鮮, 質素唔錯, 後來我都食了一片魚生同壽司, yummy! 
之後又到清新健康的沙律~ Caesar Salad好新鮮又好美味, 配上煙三文魚好正, 阿支竹又大大條夠爽口, 其他的大部都唔錯!
食完第一碟沙律意猶未盡, 再去拎多轉, 順便試埋兩款凍湯
沙律繼續好食令人滿意, 凍湯就唔太識欣賞, 都係熱湯好d
之後老公拎了中式的炒蟹, 豆角, 同石斑返來~ 炒蟹普通, 豆角因有豐富鈣質, 都食了唔少; 最驚喜係石斑, 真估唔到buffet中會蒸出咁嫩又鮮的靚魚, 非常的好食!!
唔講咁多, 即時出去拎多些返黎, 順便試埋更多蝦, 同蔬菜~ 當中最好味仍然係石斑, 真係高班過好多高級酒樓!! 見有部份食客一隻碟專攻石斑~ 唔係冇道理的!
老公又拎了燒味三小碟~ 好精緻, 俾個叻佢! 
當中燒鵝都幾好食, 不過太毒我冇得多食呢....
之後向即叫即燒的Grill Bar進攻, 先後試了燒帶子, 燒秋刀魚, 同燒羊架, 大部份水準都好好, 最滿意係羊架, 香嫩豐腴微騷, 好正!
由於羊架太美味, 即時又encore多兩件!! 伴碟, 仲有老公至愛的燒蕃薯~
感覺, 其實更似食a la carte多於buffet呢~~
再林林嬸嬸食了些咖哩, 薄餅, 炒飯, 壽司等, 開始飽飽地, 食轉生果先~~~
依度的生果真係款式又新鮮, 好正呢!
都係時間向甜品進攻, 先由細碟裝食起~~~
六款petit dessert plate中, 以香橙濃朱古力brownie最為美味!
之後到whole cut系列, 綠茶Tiramisu的質感濕潤, 甜度適中, 好味呀!!
另外香橙慕絲餅都幾清新自然~~~
來到杏桃芝士餅, 同合桃批, 我發揮創意加上兩大球movenpick, 再淋上朱古力醬, 成品即時變得異常吸引!!
其實, 有Main St Cafe坐鎮, 逸東的芝士餅不嬲都有水準, 只嫌面層杏桃醬有點酸, 但加埋又香又滑的雪糕就剛剛好, yummy~ 合桃批都幾香脆可口, 配上美味movenpick雪糕+朱古力醬, 又係一流!!
Movenpick的雪糕太好食, 後來又encore了兩轉, 配上朱古力醬, 朱古力脆粒, 以及酸甜開胃的熱情果慕絲食~ 其實仲有豆腐花未試, 不過已經好飽足了!
食完甜品飽到100%, 餐後要了earl grey來解滯~ 茶很清香, 飲完個胃好舒服!!
老公要了Cappuccino, 風味都唔錯呢~~ 
整體是相當滿意的一餐, 離開之時, 見到入黑後lobby環境更加迷人!
其實佢收費唔貴, 平日$328位, 週末$348, 加上酒店將於8/18 - 9/30推出「氣溫定折扣」優惠: 以當日下午6時所錄得之氣溫作折扣優惠, 如氣溫達28度, 即可享有72折優惠; 的確係兩口子, 或一班人聚頭食buffet的好選擇! 推介~~~
下一篇： Green @ Hotel Icon ~ 尖東中的小綠洲
本BLOG人氣文章
2009 陳年意大利 + 法國蜜月遊記：馬賽 Marseille + 阿維翁 Avignon
週三繼續陳年蜜月：去完純淨明媚的尼斯，特..
香港嘉里酒店 Kerry Hotel Hong Kong 聖誕亮燈儀式及節慶派對
呵呵呵！來到今天距離聖誕不足一個月，聖誕..
再來辣局：面譜京川料理 Mask of "Si Chuen & Beijing" + 百味堂 Baekmidang
今天真不是一般的 blue monday..
北角城市花園酒店 ❊ 粵 YUE ❊ 秋冬辛辣粵式饗宴
天氣持續寒冷，手腳隨之而越來越冰冷；同時..香港麗思卡爾頓酒店 ♦ The Lounge & Bar ♦ Vienna Afternoon Tea
來到週末，就是要好好放鬆心情，今天為大家..甜魔週末手記｜康怡廣場 Kornhill Plaza｜一站式吃喝玩樂之選
Happy Friday，又是時間分享兩..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
10 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前