Dessert Devil & her Sweet Baby

Green @ Hotel Icon ~ 尖東中的小綠洲

由 Dessert Devil & her Sweet Baby 於 2011年08月20日發表人氣：342

電郵給朋友

除了G&J;的組合, 另外都好一段日子冇同杏仁&雅倫碰頭啦~~
隔了差不多一週, 又是三美的組合, 8/9晚來到尖東的Hotel Icon!

終於見識到Poly旗下Hotel Icon的風采了, 綠色植物作佈置的大堂好型呢~~

整個大堂設計新穎, 沒有一點娘味, 又有好聞的香薰氣味, 感覺唔錯呀

我地冇咁本事book到熱爆的The Market, 而係訂了新開仍然未多人的Green~

其實依度幾好丫, 格調高雅, 氣氛寧靜舒適, 係三五知己聊天的好地方呢!

雖然大家都覺得沙發位好好feel, 但真係要食野始終係餐檯方便D, 所以是晚我地就坐於下面的靠邊沙發位~ 侍者都有主動拎多個cusion俾我, 幾貼心呢!

是日杏仁遲了些到, 我同雅倫就邊傾計, 邊怒影餐廳內風光~~

除了影環境, 我地亦八卦了精緻吸引的餅櫃~~ 餐廳每日推出14款不同口味的cupcake($38@) 咁多, 但部分好快賣哂, 我同雅倫聽完都即時唔執輸, 留起兩件!

杏仁都黎到啦!! 可以正式開餐了~~~

餐廳現時有兩項promotion, 首先雙人seafood platter做緊特惠價$388, 另外凡惠顧兩杯餐酒, 就會免費送自選tapas一份, 可惜兩項優惠都唔o岩我....

不過我要戒啫, 大家都可以照飲得杯落, 後來杏仁同雅倫都決定要杯餐酒~

其實依度的酒有點貴 ($78起), 侍者又專門介紹一D貴價的酒, 上圖的兩款酒都是$138杯! 不過難得佢地飲完隻Resling覺得滿意, 都照要了兩杯~~

其實我都好掛住甜白酒呀....

然後餐包也上場了, 麵包微暖, 質素OK

配以牛油及橄欖醬上檯~~

這份值價$98的Crab Cake with Spicy Tomato Dip, 就是由兩杯餐酒所贈送~~
其實扣返蟹餅價, 我認為平均$89杯酒都係貴架!

蟹位的質素當然不可同Oyster and Wine Bar相比, 不過都有絲絲蟹肉在內 ; 而且我鍾意佢的香辣蕃茄醬, 好開胃, 有多餘的我點麵包食了唔少!

來到主菜, 首先有Fettuccine Alfredo ($120)~ 要讚依個寬麵口感好好呀, 同上週An-Tico食到的各有火花 ; 而且醬汁又係好美味, 加上清怡的野菌, 食個唔停呢!

另一主菜是US Beef Burger ($140), 要了medium火候唔錯, 配料又豐富且精良, 包括有爽脆的青瓜, 質優的Serrano ham, 香口的車打芝士, 以及新鮮的菜及蕃茄, 令人滿意!

另外伴碟的薯條都好香脆可口, 仲配上Truffle Mayo添, 好邪惡又吸引~~

Mayo太肥喇 (我唔係擔心自己, 而係擔心阿B), 所以又request了Ketchup來點薯條
原來依度都興用迷你支裝的Heinz, 好可愛, 不過感覺上冇咁環保呢

食完主菜, 係時間品嚐一下非常有名的cupcakes啦!!
是晚我地每人揀了一款, 總共有3隻口味的cupcake一齊分享~~

首先是杏仁揀的蘋果味, 口味清甜可人, 蛋糕鬆軟濕潤, 第一印象好好!!

然後到我揀的紅莓朱古力cupcake, 一時大意又揀了紅莓 (會引起子宮收縮...) 添, 不過件蛋糕真係濃中帶清新感, 又係好好食呀

其實三款中最靚係Black forest, 不過食落味道又較普通, 前兩者會好D!

餐廳暫時不接受任何信用卡優惠, 今餐人均$240, 如果唔飲酒, 仲唔駛一人$180添, 以環境、服務、食物計都算抵食! 趁小綠洲尚未紅爆, 大家有去要早呀~~

分享到 facebook

上一篇： Metro Buffet & Grill ~ 炎夏buffet回本攻略

下一篇：上海小南國 ~ 擴展到來葵芳了!!

本BLOG人氣文章

食在元朗：Chef's Movement + Never too Late + 開心小敘 +唐...

Happy Friday！最近幾星期除了..

三月藝術月 ❧ 中環 Porterhouse by Laris ☙ $500 Savouring Art Menu

來到三月，除了是初春的開始，也是香港藝術..

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS