Dessert Devil & her Sweet Baby

由 Dessert Devil & her Sweet Baby 於 2011年08月19日發表人氣：307

電郵給朋友

來到8月真是特別忙, 連公司裡老細都特別要請我出去食lunch...
都好, 葵芳新都會開了小南國, 就去幫襯下, 睇下水準如何啦~~~

由於即日先打去訂位, 電話中餐廳表示訂位數已滿, 一定要walk-in.... 但其實去到仲有大半吉檯, 可能在這商場中它始終算高消費啦~~

好開心老細同大老細都習慣了我的怪習慣, 是日所有食物都順利拍照
首先前菜有爽脆可口, 微帶甜味的榨菜, 我覺得好好食呀, 食了唔少

怕煩點了一份二人餐($298) 再加散點, 頭盤有四喜烤夫+涼拌茄子

個人不嬲麻麻地烤夫, 不過當中雲耳同蠶豆都好好食 ; 茄子就稔身左少少, 除非係魚香茄子, 否則我都係鍾意有點口感的!

之後又有兩兜花膠鮮魚羹, 每兜份量都幾多下! 此羹濃稠度適中, 味道清中見鮮, 特別鍾意佢落了不少滑豆腐, 又唔覺味精縱影, 後來我唔客氣獨吞了一兜!

清炒河蝦仁, 小小的河蝦好嫩口, 可成品油了些少, 要點醋帶來清新感

稻草肉荷葉餅, 睇名都唔知係咩, 原來係加了稻草的東坡肉! 其實調味唔錯, 肥的部份不多, 又做到肥瘦相間效果, 不過兩者之間未能融合, 瘦肉位鬆化得來始終有點嚡

配上兩件荷葉形狀的蒸包來吃, 都幾別致的

套餐有上湯時蔬, 真係好!! 菜式夠清淡, 但又唔會淡得無味, 滿意收貨了~

招牌小籠包, 上檯時令人打個突---乜D小籠包包得咁肉酸?!
不過食落, 小籠包原來超多汁又鮮甜, 味道唔差, 內在美遠勝外在美~~

餐後敬送雪梨雪耳糖水, 店方一次過上足三碗, 幾好, 而且糖水清潤不太甜

另外又追加了份香煎八寶飯, 配料竟然只得花生, 其他紅棗, 蓮子, 紅豆, 果脯等完全失蹤, 真過份! 雖然, 佢都煎得幾香口, 甜度又適中, 幾好食的~~

今餐埋單約$450, 多謝哂大老細, 雖然當日下午因缺少午睡而好眼瞓下~~
哈, 唔係講笑, 我依個大肚媽媽真係好食得又瞓得架!

來到三月，除了是初春的開始，也是香港藝術..

來到今天，甜心Chloe三歲半了！時間，..

身處香港，大家對客家人、客家菜應該不會陌..

粉絲們有沒有很掛心 Matthew an..

天氣冷真是太好的藉口給自己暴飲暴食了！ ..

天寒地凍再加雨粉，這個週末真的冷死人不償..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~