Together緣聚 ~ 靚裝好坐的西日料理店
由 Dessert Devil & her Sweet Baby 於 2011年08月15日發表 人氣：344
去到8月中旬, 一連串的生日飯局差不多開始啦! 其實生唔生日唔緊要, 重點係個肚越來越大, 出街食飯的次數正在例數中, 每次與親人朋友聚餐, 都份外珍惜~~
8/5(五)是我的農曆生日, 於母嬰健康院進行例行產前檢查後, 同放緊暑期的老公, 以及兩位媽媽去了附近新開的Together食晏~~
依間主打西日料理的Together, 裝飾好有英式田園風味, 好靚好優雅呢~~
中間同入面的環境則較似新派新西餐廳, 感覺都幾光潔舒服的!
靚景之下, 午餐定價又唔貴呢, 由$44-68, 已包餐湯, 餐包同冷熱飲品了!
其實帶兩位媽媽到訪前, 早一個週日已同老公先訪, 並率先試了自選日式午餐($48)-豚肉拉麵 +什錦壽司的組合~ 餐湯揀了忌廉湯, 味道一般啦, 餐包都係普通野
什錦壽司一客有六件, 陣容都幾豐富而且新鮮, 我食了吞拿魚沙津軍艦及三文魚壽司 (放心, 叫老公先試味確保新鮮先到我食), 都唔錯!
豚肉拉麵水準中挺, 但勝在湯底夠清, 食完並無味精的口渴反應, good!
另外麵中的厚豚肉既豐腴又鬆化, 幾好味架
其實我仲飽緊份早餐, 最後餐飲由老公揀了凍檸茶, 據講唔錯
來到8/5四人午餐, 又係餐包餐湯先上, 今次我揀飲雜菜湯, 有點太酸
奶奶揀的是組合式的自選日式午餐($48), 又係要了什錦壽司, 唔知係咪早到關係, 陣容比上次更豐富, 不過今次我就冇食了
她又揀了讚歧手打烏冬, 試了一條烏冬都幾滑, 但隻半熟蛋唔多好樣, 冇試
至於媽咪就繼續情傾角切魚生飯 ($58), 我冇試冇comment, 但見她食到得滿意, 應該都唔太差
我同老公今次都揀食西餐, 他點了香草燒羊架 ($62), 配蒜茸汁及白飯~
羊架份量唔多, 但肉質頗嫩亦夠香, 幾好食的
我就要了特式西冷扒 ($52), 配黑椒汁及薯菜 ; 牛扒幾滑幾好食, 薯菜就孤寒了些
最後每人一杯餐飲, 我依期又唔like檸檬茶啦, 心思思點了杯熱奶茶~
估唔到佢茶杯都幾靚, 茶又夠濃郁, 沖上淡奶滋味都唔差!
老公照飲凍檸茶, 後來又打包多杯凍鴛鴦拎走, 都包得幾靚架
雖然唔係特別出色的一餐, 但在元朗黎講都算是唔差的靚景好坐之選~~
至於農曆生日不過係個一齊開餐的借口, 遲d再食正式的生日飯啦!
上一篇： Fine-dining BD lunch @ Le Jardin de Joel Robuchon
本BLOG人氣文章
三月藝術月 ❧ 中環 Porterhouse by Laris ☙ $500 Savouring Art Menu
來到三月，除了是初春的開始，也是香港藝術..Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
23 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前