Dessert Devil & her Sweet Baby

由 Dessert Devil & her Sweet Baby 於 2011年08月12日發表人氣：307

電郵給朋友

旅行返黎後, 真切feel到個肚真係越黎越大喇!! 我都幾肯定, 過埋8月應該好難再出街 ; 何況, 醫生都叫我唔好再重落去, 否則真係冇可能自然分娩....

所以, 趁8月生日月, 有得食就唔理太多照go ; 繼8/1的紀念日, 8/3又約了G & J兩位靚女在尖咀碰頭試新店, 第一站就去了K-11的Smile Yogurt & Dessert Bar~

新店裝修同格調同龍城總店好似, 都以純白清雅為主; 不過地方就較細, 堂食位只得4個, 是晚我地買完, 都要出去商場另外搵位食~~

隔了大半年再去幫襯, 依家新出了不少款特別的組合, 好繽紛好吸引呢!!

雖然我地可以自己揀froyo同配料, 但都係組合更為豐富多彩~~

其中最豐富的組合K11共有11款料, 但差不多大小索價$88, 大家都覺得唔多抵

最後揀了Very Healthy Mix同The Garden ($45@)~

前者由士多啤梨, granola, 熱情果香蕉醬, 鮮果粒, 同埋焦糖醬組成, 口味較為清新, 加上granola的香脆口感, 滋味唔錯呢~~

The Garden就由Raspberry stick, 脆片, 桂花啫喱, 荔枝玫瑰汁, 草莓蛋白脆同homemade crumbs組成, 配料較為有特色, 但講味道我鍾意前者多d

之後又到The ONE的Cheesess買芝士餅食~~

同Awfully Chocolate一樣, 店內的芝士餅一定要原個買 ; 而新店暫時推出的口味較少, 只得頭三款, 經過一輪討論我地決定試第一款Kyoto White~~

原來小店依堆唔只係擺設, 亦可化身為堂食位 ; 是晚我地三個, 就係蹲坐在此, 分享芝士餅了!!

最前方就係我地的芝餅~ 之後仲有下場, 我地買了M size, 大約4'多啦~~

據店員介紹, Kyoto White是款芝味較輕柔, 奶味較出的芝士餅, 食落果然唔多覺芝士味喎.. 不過都幾欣賞佢質感夠滑, 餅底都幾好食, 如芝味再重些少就好啦!

兩餐甜品後, 再上一層去新開的An-Tico食正餐~~ 餐廳由門面, 環境以至menu都予人濃濃的熟悉感, 原來係Windy Group, 即Dan Ryan / Amaroni's的姊妹店!

餐前送上鬆軟的麵包, 以及意大利油醋~ 麵包質素唔錯, 只係我地已半飽~

大家都已飽飽地, 只點了兩份主食

首先是Tagliatelle with Shrimps & Scallops ($128), 意粉據講是house made的, 既有鮮味又有咬口, 唔錯呢, 醬汁又較得幾滋味, 大蝦同帶子都新鮮味美, 滿意!

由於每張檯都有個pizza架, 好順理成章另一款食物點了Neopolitan風味的Pizza Pepperoni's ($88)~~

Pizza餅底焗得好出色, 既新鮮熱辣, 又鬆化充滿麵粉香, 配上面層半融芝士及開胃茄醬, 好正, 唯一要彈係辣肉腸的比例有點多, 成品稍為咸了些少~~~

雖然已飽到食唔哂要打包, 但仍然忍唔住點了Tiramisu ($55), 結果是非常的柔滑有芝味, 啡香同酒香又平衡, 好好食呀!!

此店環境以輕鬆causal為主, 消費又唔太貴, 的確係個食飯聚頭的好地方~~

其實大家仲想去Venchi, Holly Brown等店, 但時間過得太快喇, 唯有下次再聚啦!

而開心一晚後, 之後大家各有各忙, 讀書的讀書, 旅行的旅行, 出trip的出trip, 生仔的生仔 (依個好明顯係我~~), 好可能要出年再聚了~~ 祝大家都順利幸福!