絕對非精彩 ~ 彩晶軒 V Cuisine + Starbucks新口味
由 Dessert Devil & her Sweet Baby 於 2011年08月09日發表 人氣：355
回港後第2個週末 (7/30), 因要去屯門聽講座, 故冇再出市區, 只留在元朗搵食~~ 難得兩位媽媽都得閒, 就約佢地到樓下新開的彩晶軒飲茶, 點知賴哂野... 
早到的媽咪話依度環境好Grand好靚, 其實我只覺得好庸俗.....
我飲水, 對茶冇comment, 之後入正題到食物啦:
因奶奶牙痛, 為她點了一碗皮蛋瘦肉白果薏米粥 (中點)~ 整碗粥溫吞吞, 料偏少, 更衰係成品料還料, 粥還粥, 兩者零交流, 非常的麻麻..
鮑魚鮮蝦餃 (??), 原來一客只得兩件, 而面層鮑魚細小無味, 底下蝦餃部份又好多我dislike的芹菜, 我只咬了一啖就推俾老公了....
黑胡椒蒸金錢肚 (大), 賣相唔多吸引都試了一件, 嘩, 有異味o既?! 吐唔切!!
素腐衣四寶滑雞札 (特), size較細唔多抵食, 但據老公講已是較好的項目 (我冇食)
鮑魚汁扣大鳳爪 ($28), 又係無試, 據知算係唔差了
藕斷絲不連豚肉煎餅 (中), 個名好gag, 而成品除了較油, 都算唔差架啦..
心思思四嫂奶皇包 (中), 餡芯唔香又唔滑, 唔好食!
星爺咖哩煎薄餅 ($22), 薄餅唔熱又唔鬆化, 咖哩仲好水下, 睇在咖哩中的蕃茄份上, 我先幫襯了兩件咋~~
依度冇荃灣店的開心creme brulee, 最後揀出兩款其他甜品, 但都好麻麻:
薑茶紅豆相思小丸子 (中), 糖水好薑, 其實OK的, 不過同紅豆小丸子一D唔夾..
而且依個紅豆小丸子真係好樣衰... 睇完都有少少反胃~~~
另一款係腰果合桃鮮奶露 (中), 造型好別緻, 一度令人有所期待
可惜, 成品除了較油, 仲好咸下... dislike ar!!!
店內仲有一款騎呢小金魚香芒布甸 (中), 係布甸放置迷你魚缸上, 感覺超唔衛生, 令人作嘔!! 今餐茶埋單接近$300, 但食完我一D唔飽, 講座前仲要食三文治! 超唔掂!
講座後又去了買Starbucks新出花生星冰樂, 有朱古力同咖啡兩款, 一人一杯試下~~
結果兩杯都好唔掂..... 唉, 真係冇食運~~~~
好在當晚有好野食... 聽日講完講座, 後日再介紹啦~~~~
上一篇： 屯門醫院講座 ~ 分娩止痛方法 + 產前、產後的情緒處理
本BLOG人氣文章
三月藝術月 ❧ 中環 Porterhouse by Laris ☙ $500 Savouring Art Menu
來到三月，除了是初春的開始，也是香港藝術..Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
23 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前