灣仔食記 ~ La Piazzetta + 華南粉麵
由 Dessert Devil & her Sweet Baby 於 2011年08月07日發表 人氣：263
繼7/25(一), 7/26(二) 又要出街, 因為要到灣仔聽講座~~ 醒起早前買的團購劵8月中就到期, 開talk前去了對面的La Piazzetta開餐~~
一去到餐廳, 第一個感覺好開心!!
因為場內無人, 而且環境好靚又cozy, 有少少真係似去了意大利當地的餐廳~~
除了樓下, 佢仲有樓上位, 不過樓底較低, 環境都唔夠樓下靚
無無聊聊的隔著一層影下老公!!
我買了總值$400的消費額, 可以用於食物或飲品, 老公就來了杯紅酒 ($50)~
不過聽講口味較酸, 風味只一般
原來依度並無餐前麵包供應 (唔關團購事, 其他散客都一樣, 麵包係要付款點的), 咁就慢慢等待主菜的來臨~~~
首先上檯是Pizza Piazzetta ($98), 份量有大細之分, 我地要了細的8' size, 每人分到兩件~ pizza焗得對辦, 薄身香脆有咬口, 配料豐富得來亦夠平均, 唔會啖啖肉滯親人!
又點了侍者讚好的Spaghetti with Cream & Black Caviar in Champagne Sauce ($158), 意粉al dente有口感之餘, 香檳醬又creamy又香, 配上爽口的魚子醬, 好味呀!!
剩返半粒鐘左右, 快快跳去甜品環節先!! 依度的甜品選擇唔少, 有成8款, 好多都係一d少見的出品, 好唔容易先揀下兩款....
首先是大路的Tiramisu ($55), 賣相同質感好對辦, 可惜芝味同啡香都唔多得~
另一款是Budino ($39), 據menu介紹是italian pudding, 質感軟滑, 不同於奶凍是中間會有小米粒, 講真真係有D古怪呢~~
以上食物+一杯酒剛好$400 (勁呀!!), 埋單只需俾服務費就得啦, 係幾抵, 不過味道冇預期的好囉~~
另外餐廳又有一座電子琴, 令人憧憬夜晚會有表現!
後來果然有位靚女到場, 但她來到只播CD, 然後自己坐底去飲野... 好頹呀!
而我地似係旅行食大了胃, 講座後又開始肚餓, 結果去了老公好鍾意的華南粉麵茶餐廳食牛丸米~~ 以前我都幾鍾意依度的牛丸, 但依家會嫌太咸+味精重... 好麻煩!
似乎當晚食運平平.. 不過最緊要都係講座有野聽~~ 聽晚再講聽左乜啦!!
本BLOG人氣文章
三月藝術月 ❧ 中環 Porterhouse by Laris ☙ $500 Savouring Art Menu
來到三月，除了是初春的開始，也是香港藝術..Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
19 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前