Dessert Devil & her Sweet Baby

Happy Gathering @ 小酒窩餐廳

由 Dessert Devil & her Sweet Baby 於 2011年08月06日發表人氣：267

電郵給朋友

數月前同老公去了佐敦一間叫小酒窩的印意fusion餐廳, 食得頗滿意, 今年補祝老友的生日, 7/25(一) 又再來前來幫襯了~~

上次坐的位仲算光少少, 這晚就非常黑暗, 好難影相, 故照片質素較差請見諒!

老公由旅行開始一直輕感冒唔清 (佢係一放假就好易病的人..), 坐底就叫了杯flu killer ($28)~ 至於效果, 可以算有, 因去到8月佢就好返了! (定係因為開始要返工?)

我又八卦揭下飲品牌, 原來飲品都幾抵, 又點了杯Chocolate Trishake ($28)來試試, 感覺上係過甜了, 好在有老公幫我分擔一半, hehe~~

然後開始進入食物環節, 首先以印式薄脆來開胃~~ 薄脆好香, 但個人麻麻食得慣, 都係prefer蒜茸多士多d!

然後要了個Caesar Salad作頭盤 ($75), 沙律好大份, 大大片的羅馬生菜新鮮爽口, 均勻地塗上沙律醬, 又拌上parmesan cheese同脆麵包粒, 好食呀!

encore了上次覺得好食的BBQ Pork Ribs (~$80), 今次仍然要半份, 其實已經好多肉, 而水準繼續保持, 肉質鬆化入味, 伴碟的薯角又係好正!

Pizza是上次驚艷的項目, 今次當然無放過, 點了最多人讚的Four Seasons ($95)!!

要讚由辣味燒雞、新鮮菠菜、烤薯仔、蘑菇、甜辣醬及酸忌廉組成的薄餅, 味道真係好豐富又美味, 不過個批身今次焗得實了, 唔及上次鬆化吸引呢~~

今次又試了印式的Lamb Masala ($75), 配上一份原味Naan ($18)來吃~~~

加了甜椒蕃茄的Malasa醬比一般咖哩溫和, 我都可以食到, 醬汁味道亦唔差, 配薄餅幾好食, 唯獨羊肉較實唔夠香~ 好有趣是面層又有一隻雞蛋, 都幾健康丫!

另外上次明明睇勻冇甜品食, 今次竟然俾我見到有甜品可揀, 好開心!!
不過依家食甜要有節制, 所以是晚只點了兩個甜品, 好忍手~~

首先是Maltese Cheesecake ($45), 芝士餅用上香甜軟身的芝士來製, 質感微濕潤十分討好, 配上雪糕更是美味無窮, 好好食呀!!

另外又好想試Banoffi Pie, 但是晚無貨, 真可惜...

改選了Chocolate Brownie & Ice-cream ($45), Choc brownie味道唔夠濃, 質感又唔夠脆, 但好在面層有三大球雪糕, 食得好滿足!!

無乜花巧的一餐, 就勝在食物款多味道好, 大家亦輕鬆無拘束 ; 最後都希望壽星滿意生日禮物啦~~~

最後在西鐵站一齊留影~~

期待下次再聚再食過~~~~

分享到 facebook

上一篇：灣仔食記 ~ La Piazzetta + 華南粉麵

下一篇：回港後的首個主日

本BLOG人氣文章

三月藝術月 ❧ 中環 Porterhouse by Laris ☙ $500 Savouring Art Menu

來到三月，除了是初春的開始，也是香港藝術..

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS