Dessert Devil & her Sweet Baby

回歸正常週末食記 ~ Black & White + Venchi + 玄拉麵

由 Dessert Devil & her Sweet Baby 於 2011年08月04日發表人氣：336

電郵給朋友

終於將一連9日的遊記 + 結婚兩週年的blog完成, 鬆了一大口氣呀!

之後可以回歸到正常的網誌, 我唔係富貴人家, 當然唔可能日日酒店豪食, 依家就記錄一下正常的週末行街+飲食片段啦~~

記的已是7/23的片段, 當日同兩位準媽媽告別後, 就同老公去了睇《IMAX 巨眼探穹蒼》, 之後就在碼頭的Black & White買了杯飲品解渴~~

新開張優惠, 大大杯珍珠奶茶只需$10, 好抵! 不過少甜後仍然好甜, 而且始終驚飲得多會有塑化劑影響阿B, 結果啜了兩啖就成杯俾老公~ (佢連仔都有埋, 唔驚啦!)

之後去海運行+買BB野~~ 終於在Chicco買到BB床, 希望阿B鍾意!
又, 原來近期人氣意大利朱古力店Venchi就在開在附近, 太好了, 即去幫襯~~

店內有得意的公仔, 其實就是想吸引黎依頭行街的小朋友呢~~

我是衝著它的雪糕而來... 當時仲係七月, 凡惠顧朱古力就有免費雪糕食, 好抵!! 而且經過試味好多款都好好食呢~~

既然係咁, 就去揀下佢的朱古力啦!! 新鮮的~~ 揀了兩粒!

又有包裝好的~~~

都買了一袋~~

結果為了兩杯雪糕, 一共買了$25X朱古力~~ 不過其中一份係送人的!

好啦, 可以享受原杯美味gelato啦, 咦, 原來咁細杯咋??
不過依款extra dark chocolate真係好好好濃郁, 好好好好味道!!

另一款令人傾心的是Hazelnut, 又係香滑好味到癲!!

之後去page one同citysuper買野, 晚餐索性買壽司來食, 因旅行多日, 最掛住就係日本野了! 又在citysuper對出玄拉麵買了個餐, 當係買位食野~~

是晚主角---索價$93的壽司併盤, 唔算平, 但質素唔錯, 拍得住好多料理店!

想食清淡d, 在玄拉麵揀了款較清的豚肉拉麵 ($52)~~ 食落冇多餘的味精, 溏心蛋同豚肉都令人滿意, 唯獨拉麵本身未見佳處~~

拉麵加$16可以加配小食同飲品, 老公想食又加了~~ 雖然, 個餃子非常的一般, 汽水我又唔飲~ 唔緊要, 仲有citysuper買來的果汁, 又係唔平但更有質素!

餐後食埋新鮮朱古力先~~

其實店內最出名是75%純朱古力魚子醬, 但好可惜是日賣完, 就改要牛奶朱古力魚子醬, 同埋最大粒吸引的櫻桃酒心黑朱古力啦!

牛奶朱古力魚子醬中間是焦糖醬, 甜了少少, 但可可味香醇, 的確唔錯

老公的櫻桃酒心黑朱古力就超正, 酒香與可可香並重, 可惜我不能多吃啊...

但新鮮朱古力實在較貴, 以上兩粒已經索價$64 ; 後來有幸試埋包裝朱古力的Crema Latte, Crema Cacao, 及Extra Dark filled Chocolate, 又係好美味, 似乎更抵食!

不過買朱古力送雪糕的優惠好似只做到七月底, 之後我冇再出過尖咀啦.. 唔知下次再去, 仲有無得偷下雞食雪糕呢?

分享到 facebook

上一篇：回港後的首個主日

下一篇： Happy Cotton Wedding @ Oyster & Wine Bar

本BLOG人氣文章

食在元朗：Chef's Movement + Never too Late + 開心小敘 +唐...

Happy Friday！最近幾星期除了..

三月藝術月 ❧ 中環 Porterhouse by Laris ☙ $500 Savouring Art Menu

來到三月，除了是初春的開始，也是香港藝術..

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS