Dessert Devil & her Sweet Baby

Happy Cotton Wedding @ Oyster & Wine Bar

由 Dessert Devil & her Sweet Baby 於 2011年08月03日發表人氣：300

電郵給朋友

話咁快, 同老公結婚已經兩年喇!!!
這24個月來, 盡是溫馨甜蜜的回憶, 依家仲加埋阿B, 真開心又感恩~~~

無獨有偶, 晚餐同Maldives的酒店都係Sheraton, 絕美景致再度令人難忘!

旅行後一直掛住依個標誌~ 是晚可以再訪, 好開心呢!

Oyster and Wine Bar位於18樓, 不過搭lift就要去17樓
突然諗起, 3年前曾經都一度上過依度等過人呢!

來到17樓後, 要跟指示行上一層樓梯~~

行上依條樓梯, 就可以到達18樓的Sky Lounge / ZEN / Oyster and Wine Bar~

首先經過Sky Lounge~ 下午唔覺特別, 去到夜晚依度就變得超級靚!!
地毯上有前往Oyster and Wine Bar的指示燈~

再向前行係ZEN~ 環境又係好靚 ; 到盡頭, 就是Oyster and Wine Bar了~~

環境揉合了古典同新派元素~
由於book得比較遲, 前一晚都仲未cfm到有無window seat....

好好彩, 當晚安排到~ 對住個無敵靚海景食飯, 好開心好感恩!!
是晚仲要天朗氣清~ 景觀真係一流呀!!

老公要遲少少到, 侍者好細心送上熱水, 同埋雜誌俾我睇住先~

侍者又率先送上麵包籃, 當然我等埋老公先食
後來再試麵包質素普通, 可能已凍啦, 但拌食的牛油好香, 為牛油都食了2件!

真係勁鍾意餐廳巴黎來貨的大碟, 好繽紛好悅目~!

老公黎到喇, 好野, 可以開餐啦!! 一年一度大日子, 依度又係食海鮮的地方, 開了一支白酒! 當然, 我只係象徵式飲少少~~~

侍者送上welcome soup, 是日為野菌雞湯~
湯兜湯碟, 同麵包碟及用餐碟都係同一set, 好別致呢!

又係個句: 難得大日子, 決定點個Oyster and Wine Bar Seafood Platter~
雖然只係Queen size, 但份量都好足呢!!

我影極都唔o岩white balance, 不如睇下老公專業的作品

以美酒拌海鮮, 老公話好有honeymoon時o係法國尼斯的感受呢!

逐樣介紹下, 首先係我好鍾意的四小碟日式海鮮 :
牡丹蝦拌三文魚籽, 鮮甜得來咸香引人; 蟹肉拌蟹籽, 啖啖肉滿足非常; 魷魚拌三文魚籽, 爽彈鮮美, 最後北寄貝都新鮮甜美~~

試完四小碟, 對出面ZEN即投信心一票, 相信佢其他出品都會好食!

拼盤當然唔少得老公舊日至愛的生蠔~ 依個我無食了~

另外又有四隻車厘蜆~ 試了一隻, 好鮮, 太鮮!! (註: 我向來唔多食得鮮味.....)

熟熟地的翡翠螺同青口就無問題, 仲好食添~~

拼盤仲有好多熟蝦, 部份超級大隻!!! 不過d蝦肉質較實, 麻麻好食咋

不過要數最正, 一定係頂層的蟹腳, 好好好好味呀~~~

真係好鬼大個併盤.... 食完我地都飽了七成~~~

食完凍海鮮, 要求re-fill一籃熱的麵包, 拌牛油更加好食!
不過其實我地只食得落一隻包, 有d嘥添~~

我地邊食, 邊睇住維港慢慢夜幕低垂~~~

順便影+post埋餐廳的蠔吧, 同更多用餐位俾大家睇~~

食完Seafood Platter, 加上酒精作崇, 二人已經好飽了... 但主菜前仲有另一個頭盤---因唔想錯過名物蟹餅, 情願叫少個甜品, 都要試埋佢!!

A Duo of Crab Cakes, 一件要成$150, 但蟹餅真係堅足料, 蟹肉不但多, 而且紋理細緻, 香嫩滑溜, 稍稍煎過後每啖都鮮美帶香, 非常好味~~

食完大家都覺得抵, 而且是必食推介!

好在有先見之明, 只點了一份主菜share~
在侍者推介下, 點了Today's Special的Fillet of US Beef, 拌以野菌及超滑薯蓉上檯

厚切的牛柳色澤嫣紅迷人, 肉質柔嫩無根, 好香, 不過再juicy些就更好~
另外薯蓉真係超滑啊!!! 滑到有點mousse feel~~~

燈燈燈燈, 到壓軸環節-----原個蛋糕慶祝我地結婚兩週年~!
本來開頭仲點了多份心太軟, 但後來因太飽要cancel了...

食唔到心太軟唔緊要, 可以同老公一齊已經夠哂sweet啦!!

何況, 依個蛋糕都好好食~ 切餅前同佢影多張合照先~~

蛋糕雖然好好食, 不過只食到小半咋! 叫埋心太軟更加不堪設想...
最後送上杏仁條, 勁香脆幾好味喎!

最後支白酒飲剩了一半.. 算啦, 留下開心回憶都夠了~

很美滿的一晚, 期待我地更多的週年慶呀~~

分享到 facebook

上一篇：回歸正常週末食記 ~ Black & White + Venchi + 玄拉麵

下一篇： 2011 Maldives + Kuala Lumpr Trip ~ Day 9

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS