出發前的三星生日宴 @ 綠楊村
由 Dessert Devil & her Sweet Baby 於 2011年07月11日發表 人氣：277
今次的三星唔係米芝蓮三星, 亦唔係Samsung (sorry, 我好爛...
), 而係3位七月生日的食友~~ 真係好開心o係出發前黎得及同佢地補/預慶生日呢!!
以綠色為主題的裝修雅致舒適, 又有高層海景, 環境方面相當滿意~
是晚被安排就坐小偏廳, 面對無敵海景, 正!!
抵達時還可以見到日頭風光, 如果天晴就完美啦!
除左家長日遲放的老公, 大家都好早到齊捧場, 六點未夠就齊人!
連kaka小公主都盛裝出席~ 佢當晚的衣著都好配合綠楊村的綠色主題呢!
質素一般的泡菜
需預訂的宮延富貴花~ 賣相超靚, 盡顯工功, 而且味道都清新消暑, 夏天食好適合!
馬蘭頭, 簡單得來清幽動人~~~
丁香雞, 又係需預訂, 份量唔小, 而且味道較咸, 早知訂一碟都夠了~
其實想食的冷盤仲有菊花脆蘿蔔, 蓑衣黃瓜, 不過當日師傅無返做唔到
之後到又係需預訂的文思豆腐羹 (位上)~ 豆腐可以切成絲, 真係好厲害, 清徹湯中又有鮮濃金華火腿香, 味道唔錯, 只係對我黎講太熱...
這裡由東坡肉都要預訂, 就先訂下四件, 以火爐熱住上~~
其實佢肉質只一般, 但醬汁調得香甜不杰, 唔錯, 墊底又有大量小棠菜加分!
終於唔駛預訂, 但幾有驚喜的糯米一字骨
拆開後, 糯米充滿荷葉芳香, 好正 ; 排骨反成配角了~~
紅燒獅子頭, 都幾漏下, 多人分食都有剩~
腐衣津白, 津白鮮爽帶甜, 腐皮軟稔入味, 好鍾意依個配搭!
小籠包x2, 水準正常
上海炒年糕, 都唔錯
開始進入甜點環節, 首先是豆沙包~
豆沙包造型夠哂特別, 包身亦軟熟好吃, 但中間豆沙無味的...
第二款是雪糕高力
中間是牛記cheap cheap雪糕, 又融味道又油, 好麻麻....
好醜樣的壽包.... 而且中間仲要係豆沙餡, 豈有此理!
甜品中, 香煎八寶飯算是較正常水準
overall來講依度甜品唔多得... 唔緊要, 天色已夜, 係時間搬出final surprise!!
就係3個不同款的COVA蛋糕!!! 多謝靚女janice幫手訂+拎餅呢~~
分別揀了Mango Dome, Tiramisu同Sacher, 場面豐富又吸引!!
不過COVA的staff真係好大意, 竟然其中一個寫錯名, 劉總變了女仔....
算啦, 少少typo唔好介意, 難得三星同慶, 真係好開心呢!!
為三位蟹子星逐一影相先, 是晚幾張相都令人好滿意呢!!
又有三星合照時間.. 希望你地都滿意安排+禮物!
真開心阿龍都趕來, 一齊黎張全體大合照!!
飯後又落去商場搵下場~~ 途中優雅Kaka公主突然化身鐵騎士!!
幫kaka影了幾張相, 其中有張後面個男人同老公激似啊!!!
但絕對唔係佢~~ (佢當日家長日, 係長恤衫西褲打扮的, 請參考前面大合照)
下場都係去了夠哂近的COVA, 只係我地食完蛋糕, 依家轉食雪糕!!
可惜是晚口味唔多, 而且又係無最吸引的開心果同hazelnut....
好在Rum酒提子 + yogurt都好味, 要了family size好滿足!!
多謝3位壽星反客為主請食冰淇淋 (正呀~~), 旅行返黎再聚再食過啦!
上一篇： 由天堂回歸 ~ Our Maldives + KL Trip 2011
下一篇： 建黨偉業 (Beginning of the Great Revival) ~ 當上睇星通識科
本BLOG人氣文章
三月藝術月 ❧ 中環 Porterhouse by Laris ☙ $500 Savouring Art Menu
來到三月，除了是初春的開始，也是香港藝術..Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
5 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前