將太日本料理 ~ 密密打卡的原因
由 Dessert Devil & her Sweet Baby 於 2011年07月09日發表 人氣：452
上星期返完崇拜後, 在團友的介紹+帶路下, 去了元朗一間新開餐廳 --- 將太日本料理 食lunch, 並留下不錯印象! 
小店位於偏僻的建德街, 比人氣雞飯店 過橋麵檔 仲要入, 但都吸引了不少食客前往, 當日都等了10分鐘位, 其魅力可見一斑!
原來這裡的午餐超級抵食, 價錢分為$30, $38, $40及$45, 各包前菜小食, 主食則包括各式壽司併盤, 料理飯, 拉麵/烏冬, 特色巨型卷物, 甚至是刺身飯, 最後又送飲料!
當晚就是 文華扒房 大餐, 要留肚就點了最平的$30午餐 (選擇竟然多達A-U!), 我的B餐有加州卷6件 + 蟹柳壽司2件 + 腐皮壽司2件, 份量都唔細, 陣容好豐富!
加州卷中的食材全是我可以安全食用的, 雖然口味較淡, 但外層滿佈新鮮彈牙的蟹籽, 又增添不少風味, 水準唔錯我全部食哂了! 但都真係幾飽下~~~
另一邊的蟹柳壽司及腐皮壽司都唔錯, 新鮮帶甜, 所以之後又介紹老公來食~~
再加上當日 (遲上) 小食是吞拿魚沙律軍艦 (放心, 這是每人一件, 否則真的太過份了~~), 我總數食了11件壽司, 真是飽到傻呢...
飲品方面, 可揀麵豉湯 (揀湯可送多份中華沙律), 又或是各式罐裝飲品~ 由於我唔飲汽水, 就揀了菊花茶, 好耐冇依款YEO's的出品, 味道唔太甜, 又可揀唔凍的, 幾好!
見團友的日式海鮮煲仔烏冬 ($45餐) 陣容亦非常鼎盛, 最後她也食唔完!
當日又有5位團友點了什錦魚生角切飯 ($38餐), 大家盛讚$38的角切飯陣容同$45的刺身飯差不多 (後來都有團友點了, 不過太遠我冇影), 超級抵食! 所以又要介紹老公~
食客如以facebook在 將太 進行打卡 (check-in), 餐後就可免費獲得雪米糍一粒, 所以大家都好努力打卡, 部分甚至出動私人雙戶口, 以爭取多一粒!! 係幾好玩的~
上次老公錯過了, 離港前留元朗處理雜務的週六, 決定帶佢, 同兩位媽咪去重溫!
今日的小食是炸三文魚, 賣相不佳, 不過食落都唔差~~
奶奶選了我上次點的$30 B餐 - 加州卷6件 + 蟹柳壽司2件 + 腐皮壽司2件, 感覺上份量較之前縮水了, 但最後都係好勉強先可以清到碟....
其實奶奶唔多食生冷野, 點這份只因老公喜歡腐皮壽司 ; 結果孝順的老公又點返一份料理飯來回敬, 真係母慈子孝! 希望將來我同阿B都會係咁~~
講返食物, 老公點的饅魚蛋飯 ($30餐) 味道正常, 但點太濕身了
我媽媽就點選了什錦魚生角切飯 ($38餐), 陣容仍然豐富, 她同老公一齊分享, 都足夠有餘~ 不過始終覺得店方以碟上, 比用這個方兜吸引!
至於我, 今次就試了將太特色大卷午餐 ($40) 的龍卷, 是由炸蝦、燒饅魚、牛油果、飛魚子、青瓜組成, 加上醬汁及沙律醬滋味豐富, 一客又有八件之多, 好正呢!
特色大卷中尚有另外8款選擇, 多數都是熟食, 我都好想逐一來試呢~~
老公愛飲Coke Zero, 這裡都有供應, 真好! 另外三位媽媽都揀了菊花茶~~
當然少不了例行動作---打卡!! 上次食完綠茶味, 今次到香芋, 都唔錯丫~~
不過咁熱的天氣, 小小雪米糍豈能滿足到我, 本來想搵 Snowman gelato , 但懶得行, 故改幫襯7仔韓國MELONA的魚形雲尼拿紅豆雪糕餅, 大件又好食, 幾正喎!
最後, 唔多關事但好想post一張朱小妹的相!! 始終過埋聽日, 又要再隔兩星期先可以見佢啦 (老公仲慘, 聽日家長日返唔到教會探佢)~~
依家天氣咁鬼熱辣辣, 唔知佢聽日會否露得更多肉呢??
好, 等我聽日盡量影多D相先~~~
上一篇： 建黨偉業 (Beginning of the Great Revival) ~ 當上睇星通識科
本BLOG人氣文章
Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..期限推廣 ✽ 尖沙咀港威酒店 Be on Canton ✽ 味遊澳洲美食之旅
澳洲！澳洲！澳洲！甜魔媽媽最近一提起澳洲..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
17 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前